لازم اعضاء لوجان يخاطبوا رينو فرنسا

**amrelzawawy** · 17-03-2011 10:32 AM

السلام عليكم ورحمه الله............. كنت فى توكيل رينو اليوم فى صيانه ال 15 الف وضمن الكلام مع المندوب اكدلى قصه طمبوره الدينمو اللى تناولها المنتدى قبل كده وناس مستغربه وناس مش عارفه المهم انه القصه ان رينو فرنسا ادتهم تعليمات بضروره تغيير طمبوره الدينامو اللى هى موجوده تحت سير الدينامو وتبين انها بتستهلك مع مرور الوقت والوقت المناسب لتغييرها هو بعد 80 الف كيلومتر.......... كل ده جميل لكن اللى مش جميل انها على حساب صاحب السياره وانها قطعه استهلاك ..........والاسوا انها غاليه جدا ثمنها 2000 جنيه يعنى فى صيانه ال 80 الف هتدفع 800 جنيه صيانه و2000 جنيه الطمبوره يعنى فى حدود 3000 الاف جنيه .....ده تهريج لازم الاعضاء يتدخلوا التوكيل ملوش ذنب لو كانت تعليمات لازم نخاطب رينو فرنسا شكوى عامه وكبيره ..........هل فيه توكيل فى نوع فى العربيات بيكون عنده تغيير طمبوره الدينامو من الاستهلاك على حساب العميل وانها اجبارى اتحدى ان يكون فى كده فى اى نوع اذا ده عيب صناعه لانها عامه على الكل لازم منتحملشى تكلفتها ارجو الاخوه الاعضاء الفعالين التدخل وحل للموضوع 2000 جنيه كتير احنا الاولى بيهم العربيه بكام الف عشان تدفعنى 2000 جنيه زياده وشكرا واى خطوات انا معاكم فيها وشكرا

**esem2704** · 17-03-2011 11:24 AM

طمبوره وب 2000 جنيه ازاى هى دهب ولا ايه ؟؟؟؟

**amrelzawawy** · 17-03-2011 11:33 AM

السلام عليكم اعتذارى للجميع كان خطا من المهندس ولخبط بين الميجان واللوجان ههههههههههههه والمهندس امجد الله يكرمه وضحلى الموضوع انها بتتغير على حساب التوكيل مش على حسابنا وان المهندس التانى كان بيكلم على طمبوره الكرنك شكرا لتوكيل رينو

**magd_helm** · 17-03-2011 04:00 PM

توكيل محترم جدا

**polandy** · 17-03-2011 10:43 PM

المشاركة الأصلية كتبت بواسطة amrelzawawy

السلام عليكم اعتذارى للجميع كان خطا من المهندس ولخبط بين الميجان واللوجان ههههههههههههه والمهندس امجد الله يكرمه وضحلى الموضوع انها بتتغير على حساب التوكيل مش على حسابنا وان المهندس التانى كان بيكلم على طمبوره الكرنك شكرا لتوكيل رينو

انتا اليي عملته ده ضربت سمعة مكان بدون متتاكد وخلتني بيعت العربية اعمل ايه دلوقتي

**msafa** · 17-03-2011 11:00 PM

يا ريت الموضوع يتم حذفه عشان في ناس كتير بتقرا اول جزء و مش بتكمل

**ahm7573** · 17-03-2011 11:53 PM

المشاركة الأصلية كتبت بواسطة msafa

يا ريت الموضوع يتم حذفه عشان في ناس كتير بتقرا اول جزء و مش بتكمل

I agree

**amrelzawawy** · 19-03-2011 12:42 AM

ياريت فعلا حذف الموضوع بس لما كتبته كنت فى التوكيل والمهندس بنفسه هو اللى قالى الكلام ده ...........مكنشى تسرع المفروض ان كل كلمه بيقولها تكون بعنايه ........ززوانا ماشى فى اخر اليوم صدفه قابلت المهندس امجد اللى عملى الصيانه اللى قبليها فابشتكيله بالصدفه فصحح المعلومه ليه وللمهندس التانى