انا اشتريت عربية 128 موديل 79 1300 سي سي
ياريت تفيدوني انا عاوز انقل ملكية وطبعا هافحص وارخص 3 سنين
لو حد يعرف كم تكلفة الترخيص لسنة وهل بيختلف لو رخصت سنتين او 3
وتكلفة نقل الملكية بتعمل كام
عشان الواحد يعمل حسابه
انا اشتريت عربية 128 موديل 79 1300 سي سي
ياريت تفيدوني انا عاوز انقل ملكية وطبعا هافحص وارخص 3 سنين
لو حد يعرف كم تكلفة الترخيص لسنة وهل بيختلف لو رخصت سنتين او 3
وتكلفة نقل الملكية بتعمل كام
عشان الواحد يعمل حسابه
مشكور لردك ولكني عاوز حد يكون نقل ملكية عشان يفيدني اكتر لاني مش معقول اروح مرور السلام وانا ساكن بالمطرية عشان اسال
ممكن يا باشا سؤال هو حضرتك اشترتها بكام
اولاً يا ريت تطلب من الاشراف ينقلوا الموضوع علشان اعتقد المكان الانسب ليه ساحة المرور
بالنسبة لموضوع نقل الملكية لو ما كنتش سجلتها ف الشهر العقار لسه
فتكلفة التسجيل هتبقى فى حدود 60 جنيه لو العربية نصر و حوالى 100 لو فيات
بالنسبة للضريبة هتبقى فى حدود 200 جنيه او اقل شوية لكل سنة
بالنسبة للـتأمين فكان حوالى 80 جنيه بس تقريباً رفعوا قيمته فغالباً هتلاقيه بقى 100 تقريباً للسنة
بالنسبة للفحص فهتشترى ورق فحص ..و ممكن تحتاج تشترى اوراق تانية معاه و دول كلهم هش هيكملوا خمسين جنيه
لو نمرك قديمة و هتركب نمر جديدة زود لك كمان 115 جنيه
لو معندكش طفاية و ناوى تمشيها صح ....يبقى اعمل حسابك ع تمن الطفاية
شنطة الاسعاف و المثلث ....مش عارف و ضعهم ايه بالظبط...بس بتوع الشركات اللى بتبيعها..و بتوع الفحص
هيحاولوا يوهموك انها لازم تجيبها حتى لو هى مش اجبارى....فانت حاول قدر الامكان انك ما تجيبهاش طالما تقدر....لانها ملهاش اى لازمة و مجرد نصب و لو عايز ممكن اديك اللى عندى ترخص بيهم
هما تمنهم فى حدود 70 جنيه
هترخص سنة و لا اتنين و لا تلاتة.....
كده كده كل ما يخص الفحص + ضريبة و تأمين سنة واحدة لازم هيتدفع
و لكل سنة زيادة هتزود ضريبة و تأمين سنة.......ده بالنسبة لفرق السعر
الفرق التانى انك لو هتجدد سنة واحدة...يبقى بعد ما تنتهى لازم تروح تجدد الرخصة تانى...بس طبعاً من غير فحص
لحد تالت سنة ترجع تفحص تانى
ارجو انك ما تكونش تهت
ملحوظة الاسعار ديه فى فرق ناقص او زائد عشرين جنيه....بالتوفيق
معاك توكيل بايه ....بيع لنفسك و الغير فقط و لا التعامل مع المرور و لا التجديد و لترخيص ؟؟؟
لو مكتوب لك فى التوكيل التجديد و الترخيص ...يبقى ممكن تجدد عادى بس فى نفس المرور اللى العربية فيه و هتبقى الرخصة باسم صاحبها
و لو النمر قديمة يبقى غالباً لازم تجيب بطاقة صاحبها عشان العربية هتتسجل ع الرقم بتاعه
لو مش مكتوب لك تجديد و ترخيص يبقى نظرياً مش هينفع تجدد باسم صاحبها و فى الحالة ديه لازم تسجلها فى الشهر العقارى
طيب ما تقول هى العربية مرور ايه و فاضل فى رخصتها لحد امتى وانت شخصياً تبع مرور ايه ...و الناس تقولك الحل الانسب؟
انا معايا توكيل التعامل مع النفس والغير والمرور
الرخصة مرور عبود وانا مرور السلام
المفروض الرخصة تنتهي شهر 6 سنة 2012
انا معايا توكيل التعامل مع النفس والغير والمرور
الرخصة مرور عبود وانا مرور السلام
المفروض الرخصة تنتهي شهر 6 سنة 2012
هل ينفع اني اجدد من غير نقل ملكية وايه الصح اني انقل ولا اجدد