الموضوع: الاخوة الاعضــــــــــــــــ نايل موتورزـــــــــــــــــــ ــــــــــاء

المشاركة الأصلية كتبت بواسطة osama_kita

انا اشتريت عربية 128 موديل 79 1300 سي سي

ياريت تفيدوني انا عاوز انقل ملكية وطبعا هافحص وارخص 3 سنين


لو حد يعرف كم تكلفة الترخيص لسنة وهل بيختلف لو رخصت سنتين او 3

وتكلفة نقل الملكية بتعمل كام

عشان الواحد يعمل حسابه

بالنسبه لنقل الملكيه مش هتلقيها كتير عشان الموديل بتاع العربيه يعنى يالكتير 500 جنيه وده كتير جد بس خلى معاك فلوس زياده بالنسبه للفحص والترخيص بيختلف سنه عن تلات سنين فى الضريبه الى بتدفعها كنت دفعت فى السنه 102 ولو تلات سنين اضرب فى 3

مشكور لردك ولكني عاوز حد يكون نقل ملكية عشان يفيدني اكتر لاني مش معقول اروح مرور السلام وانا ساكن بالمطرية عشان اسال

ممكن يا باشا سؤال هو حضرتك اشترتها بكام

المشاركة الأصلية كتبت بواسطة mhmdalsaadany

ممكن يا باشا سؤال هو حضرتك اشترتها بكام

كانت عاملة 13500 ممكن تكون غالية شوية بس لان فيها سنتر وزجاج كهربا وجنوط وطارة سبور ده اللي خلاني جبتها بالسعر ده

المشاركة الأصلية كتبت بواسطة ss

اولاً يا ريت تطلب من الاشراف ينقلوا الموضوع علشان اعتقد المكان الانسب ليه ساحة المرور

بالنسبة لموضوع نقل الملكية لو ما كنتش سجلتها ف الشهر العقار لسه

فتكلفة التسجيل هتبقى فى حدود 60 جنيه لو العربية نصر و حوالى 100 لو فيات

بالنسبة للضريبة هتبقى فى حدود 200 جنيه او اقل شوية لكل سنة

بالنسبة للـتأمين فكان حوالى 80 جنيه بس تقريباً رفعوا قيمته فغالباً هتلاقيه بقى 100 تقريباً للسنة

بالنسبة للفحص فهتشترى ورق فحص ..و ممكن تحتاج تشترى اوراق تانية معاه و دول كلهم هش هيكملوا خمسين جنيه

لو نمرك قديمة و هتركب نمر جديدة زود لك كمان 115 جنيه

لو معندكش طفاية و ناوى تمشيها صح ....يبقى اعمل حسابك ع تمن الطفاية

شنطة الاسعاف و المثلث ....مش عارف و ضعهم ايه بالظبط...بس بتوع الشركات اللى بتبيعها..و بتوع الفحص

هيحاولوا يوهموك انها لازم تجيبها حتى لو هى مش اجبارى....فانت حاول قدر الامكان انك ما تجيبهاش طالما تقدر....لانها ملهاش اى لازمة و مجرد نصب و لو عايز ممكن اديك اللى عندى ترخص بيهم

هما تمنهم فى حدود 70 جنيه

هترخص سنة و لا اتنين و لا تلاتة.....

كده كده كل ما يخص الفحص + ضريبة و تأمين سنة واحدة لازم هيتدفع

و لكل سنة زيادة هتزود ضريبة و تأمين سنة.......ده بالنسبة لفرق السعر

الفرق التانى انك لو هتجدد سنة واحدة...يبقى بعد ما تنتهى لازم تروح تجدد الرخصة تانى...بس طبعاً من غير فحص

لحد تالت سنة ترجع تفحص تانى

ارجو انك ما تكونش تهت

ملحوظة الاسعار ديه فى فرق ناقص او زائد عشرين جنيه....بالتوفيق

الف شكر ياباشا للتفاصيل وكنت عاوز اعرفك ان معايا توكيل هل لازم اسجل في الشهر العقاري برده

انا معايا توكيل التعامل مع النفس والغير والمرور
الرخصة مرور عبود وانا مرور السلام
المفروض الرخصة تنتهي شهر 6 سنة 2012