لية كثير من الناس خايفة من الاخوان المسلمين مثل حسنى مبارك و الاقباط؟؟؟
ممكن مثلا يخلوا كل الستات تتحجب !!!
ممكن مثلا يطبقوا الشريعة بجد !!!
ممكن مثلا يستعدوا لحرب مع اسرائيل !!!
هل هذه هى المخاوف منهم ام هناك اشياء اخرى لا نعرفها؟؟؟
لماذا الخوف الذى رسخه فينا مبارك من الاخوان ومن كل ما هو اسلامى باقى حتى الان ؟؟
ارجو من الاخواء الخبراء الرد و الافادة افادكم الله!!!!
http://www12.0zz0.com/2011/03/17/15/136234770.jpg
هو الخوف من أجل الخوف فقط لا غير
للأسف الكثير لديه معلومات مغلوطة ويبني عليها تخوفه
الخوف اللى عند الناس من ازاى ؟
ازاى
ازاى هيخلو البنات تتحجب ؟؟
ازاى هيطبقوا الشريعة ؟؟
الاجابة العنف
ده اللى مخوف الناس
بعد ثلاثين سنة من الشحن الإعلامي من مبارك المطرود ضد جماعة الإخوان بجميع وسائل الإعلام المرئية والمسموعة
ثلاثين سنة
تفتكر التأثير ده هيزول بسهولة
الاخوان المسلمين هيدخلونا في حرب مع اسرائيل ده غير انهم متشددين وده مش من الدين
واحنا لو حسبناها بطريقه واقعيه هنلاقي ان احنا نحتاج لتنمية مصر مش ندخل في حروب
عشان منبقاش زي ايران
عشان اية ياتري ؟ مش عارف انا كمان
:shyy:
ولا حد يعرف
دي افكار النظام السابق
اي فشل كان بيقابله كان بيرميه علي الاخوان
والله الحقيقة انا كنت مقاطع المشاركات السياسية في المنتدي علشان عادة بتتحول لعركة
بس بصراحة استفزني عنوان الموضوع
هو حضرتك شايف ان الاخوان مخوفين الناس ؟؟؟ لا هما مش مخوفين الناس علشان هما اللي لازم يخافوا من ربنا الاول .. ويخافوا من الناس كمان لو عايزين يحكموا بالعدل ... يخافوا من ظلمهم
فعبارة خايفين دي مش في محلها ... تقدر تقول رافضين ... ده التعبير الصحيح
لو هاتسألني انت رافض للاخوان هاقولك لا انا اتعلمت ما ارفضش حد اطلاقا ... بس انا ضد الهيمنة والدكتاتورية ... ضد هيمنة الاخوان علي البرلمان ... ضد الرأي الواحد ... ضد فكرة التفرد بالسلطة ... وبلاش نسطح الموضوع في مجرد ان الناس تتحجب .. ده مش موضوع يتناقش في السياسة ... كمان حرب اسرائيل !!! يا راااجل طيب ما التيار الاسلامي اللي حاكم تركيا ... عنده علاقات اقتصادية و سياسية مع اسرائيل ضخمة جدا ؟؟؟؟ ده يبقي اسمه ايه ؟؟؟؟
بلاش ... ايران يا عم الحج ؟؟؟ .... مش تيار اسلامي برضو اللي حاكمها .... ليه بيتعاملوا مع اسرائيل برضو ؟؟؟؟
لما السادات عمل المعاهدة مع اسرائيل ... الاسلامييون اقاموا الدنيا ولم تقعد الا باغتياله ... وهما نفسهم في اماكن اخري بيتعاملوا مع اسرائيل ... يبقي القصة سياسية ... بيعادوا اللي اقوي منهم ... ويحاربوه
اسف اني وسعت الموضوع ... بس مهم نفككككر مش نقتنع ونسمع بسرعة
اخيرا ... انا مش خايف من الاخوان ... انا خايف من انعدام الديموقراطية اعتمادا علي جهل الناس او تضليلهم وتوافر ديموقراطية صورية بس
واخيرا
اشهد ان لا اله الا الله و ان محمد رسول الله
معلش من غير صورة ولا الوان العلم .... علشان الدين اعمق حتي من دولة ...
تحياتي
الاخوان ولا متشددين ولا حيحجبوا الناس بالعافيه ولا حيمشوا يقتلوا في العريانين
ولا حيعملوا اي حاجه
ولا السلف رغم تشدد بعضهم ممكن يلجأ للعنف
اي تيار اسلامي يلجأ للعنف في الحكم فده اصلا يتحارب ويقام عليهم الحد لانهم بيستخدموا الاسلام في اغراض دنيويه
ويشوهوا شكل الاسلام
اما ليه خايفين منهم
فانا اقولك اسبابي الشخصيه
1- اشعر خلال احتكاكي بهم ان الهدف الاكبر لهم الوصول لكرسي الحكم ومش عارف ده سببه ايه
2- من خلال تعاملي معهم وتعرفي علي بعض الشباب منهم فاقدر اقولك انهم متفتحين جدا وفيهم ناس مهندسين واطباء وتفخر كمان بنسبهم
وبرغم ثقافتهم العاليه
بس بعيب عليهم ان قدره التفكير عندهم محدوده في اي شأن من شئون الجماعه
بمعني لا تناقش ولا تجادل في الدين ياأخ علي
طالما الجماعه قالت نرشح فلان
يبقي نرشح فلان
نروح يمين يبقي نروح يمين
شمال يبقي شمال
3- احنا زي ما الاعضاء قلتو مشحونين ضدهم 30 سنه وقبلها السادات وقبلها عبد الناصر
المفترض هما يقدروا حاجه زي دي
ولكن اول تصرف اجتماعي لهم كان الترشح لكراسي مجلس الشعب
طب انتو اصلا مؤسسه دينيه ولا مؤسسه سياسيه
مؤسسه دينيه يبقي انتا اصلا كنت بتحجج بمجلس الشعب عشان توصل للناس ويبقي ليك صوت
طب مخلاص دلوقتي اللي كان بيخوفكو راح
ايه لزمتها 35% كراسي
زي ما تقول ماصدقوا
طب ادخلوا بقي في البلد بجد واعملوا مراكز ليكو واخدموا المجتمع لو ده غرضكو الاساسي ونيتكو الخالصه
خدمات عامه مستشفيات باسعار رمزيه مدرسين بااجور مخفضه
وحاجات كتير اوي اوي غير الانتخابات البلد محتاجاكو فيها
انما الم الحشود والناس عشان الانتخابات
ويبقي الهم الاول والاوحد الانتخابات
يبقي المفروض ان الناس تحبكو علي ايه
مالحزب الوطني كان بيلهث وراس السلطه
وانتو كمان بتلهثوا وراء السلطه
4- اخاف ان افكر من وصول الاخوان للسلطه لسبب واحد فقط
دخول مصر في حرب مع اسرائيل بدعوي تحرير المسجد الاقصي وطبعا سيكون بدعم من حماس الاخ الاكبر لجماعه الاخوان في فلسطين
حماس اللي اختلفوا مع فتح فراحوا سابوا البلد وسابوا اسرائيل وملعون ابو الحرب علي اي حاجه وراحوا يضربوا في بعض
انا بقي حاسس اننا حنبقي كده لو الاخوان مسكوا
ناس مش عاجبهم الوضع وناس عاجبهم عشان اخوان
دول حيضربوا في دول ودول حيضربوا في دول
والاسم اخوان مسلمون
ولكن الغرض دنيوي بحت
الكرسي
نفسي يهتموا بالمجتمع شويه
عصام شرف لما الناس هللت وفرحت انه مسك منصبه مكنش عشان هوا راجل سياسي محنك
لا عشان كان ليه مواقف مشرفه اجبرت الجميع علي احترامه
ما هي المواقف المشرفه للاخوان المسلمين حتي يحبهم الناس ؟
مش تعمل رصيد عند الناس الاول وبعدين ابقي خش الانتخابات
هههههههههههههه
على اساس ان احنا ونظام مبارك بس هما اللى بيقولوا كدة ومش العالم كله هو اللى بيقول كدة
الاخوان المسلمين هيدخلونا فى حروب مش حرب وحضرتك شايف ان دية ميزة وحاجة حلوة المفروض الواحدة تزغرط انها داخلة حرب بقى
الاخوان المسلمين لو مسكوا البلد ومعرفوش يدروها اول حاجة هيقلوها ندخل فى حرب ولما ندخل فى حرب ونجى نسالهم عملتوا كدة لية فى البلد هيقولوا واحنا مالنا احنا فى حرب وهكذا وهكذا
الاخوان المسلمين عايزين كل الناس تبقى معاهم واللى يقول وجه نظر مختلفة يبقى كافر
الرئيس الراحل انور السادات عارف مين هما كويس الاخوان المسلمين وعارف اية شخصيتهم علشان كدة ندم انه خرجهم من المعتقلات
الاخوان المسلمين عندهم التعليم حرام
YouTube - ‫ط.ظ‚ظٹظ‚ط© ط§ظ„ط§ط®ظˆط§ظ† ط§ظ„ظ…ط³ظ„ظ…ظٹظ† ظˆطھط§ط±ظٹط®ظ‡ظ… ط§ظ„ط§ط³ظˆط¯‬‎
الاخوان تخيل بردو زمان خافوا انهم يدخلوا فى الثورة نفس اللى حصل قالوا مش هنشترك فى الثورة لكن لما شافوا انها نجحت قالوا نظهر
YouTube - ‫ط§ظ„ط³ط§ط¯ط§طھ ظٹط¹طھط±ظپ ط¨ط®ط·ط£ظ‡ طھط¬ط§ظ‡ ط§ظ„ط§ط®ظˆط§ظ† ط§ظ„ظ…ط³ظ„ظ…ظٹظ†‬‎
YouTube - www.Makolat.net | ط§ظ„ط³ط§ط¯ط§طھ ظٹطھط.ط¯ط« ط¹ظ† ط§ظ„ط¥ط®ظˆط§ظ† ط§ظ„ظ…ط³ظ„ظ…ظٹظ†
هما دول الاخوان المسلمين وعلشان كدة خايفين منهم وعلشان كدة مش هيوصلوا للحكم
اقتباس:
المشاركة الأصلية كتبت بواسطة yoyos
كلام حضرتك يدل دلاله واضحه انك لا تعلمي اي شئ عن الاخوان المسلمين
ويبدو انه اختلط عليك الامر بين الاخوان المسلمين وبين جماعه التكفير والهجره :coolio:
اخوان ايه اللي التعليم عندهم حرام وانهم حيدخلونا في حروب مش في حرب واحده
وانهم بيكفروا اللي يخالفهم في الرأي
هوا حضرتك اتعاملتي مع اخوان اصلا قبل كده
لهم ما لهم وعليهم ما عليهم ولكن مبيعملوش اللي حضرتك بتقولي عليه ده خالص
حرب واحده هيا هدف من اهدافهم وهي الحرب مع اسرائيل وكلنا عارفين انها جايه جايه بس ده مش اوانها باخلاقنا الفاسده دي
حنتغلب علي طول
مش احنا اللي حينطق لنا شجر الغرقد :)
ده احتمال يضرب معاهم
اما بخصوص الرئيس السادات فخدي بالك ان الرئيس السادات في الاصل كان اخوان
ومعروف الاخوان ودورهم في ثوره 1952 والتي في اعتقاد الكثيرين
لولا الاخوان المسلمين ما كانت قامت لها قائمه
ومعروف بردو تجنيبهم الحياه السياسيه من قبل الرئيس عبد الناصر وخلافه معهم بعد انفراده بالحكم
ومن يومها بدأت العداوه بينهم وبين الحزب الحاكم
ولكن
كان فيها مين الاخوان ساعتها
كان فيها الامام حسن البنا
رجل دين وسياسي محنك
وعشان كده عبد الناصر والسادات اكتر ناس بيخافوا منهم الاخوان عشان فكرهم المنظم والمنهجي
عشان كده بقول لو الاخوان المسلمين استغلوا منهجيتهم دي في اصلاح المجتمع سيصلوا للسلطه علي اكتاف الشعب محمولين علي الاعناق
فبلاش ناخد من السادات اسوأ ما فيه وهو تعامله مع كل ما هو اسلامي من وجهه نظره وايداعهم المعتقلات و و و
وفي النهايه حدث له ما حدث برغم اختلافنا مع اسلوب التنفيذ من الجماعات الاسلاميه
ما زاد عن حده انقلب ضده
في كل شئ
حتي في الدين
الملتزم دينيا يظل يتشدد حتي ينتكس او يتحول الي طرف يرهب الاخرين باسم الدين
والمسرف في الذنوب يتشدد في الذنب حتي يتحول الي مدمن للذنب ومقيم عليه ويموت عليه
في النهايه اود ان اقول لك نصيحه
لا تستقي معلوماتك وثقافاتك من الجرائد القوميه ولا التلفزيون المصري لما فيه من الكثير من المغالطات وخدمه الاغراض الشخصيه
حتي يتكون لديك معرفه الراي والرأي الاخر
تقبلي تحياتي
:)
لغاية وقت قريب كنت متعاطف مع الإخوان لإحساسى بالظلم اللى واقع عليهم طول السنين اللى فاتت ، لكن الأحداث الجارية وضحتلى ووضحت لناس كتير ان الإخوان ليهم أهداف سياسية محددة ومستعدين يعملوا اى حاجة فى سبيل الوصول ليها ، وموقفهم الحالى من التعديلات الدستورية وإستعجالهم لإجراء الإنتخابات فى الوقت دة هو محاولة لخطف الثورة والتحكم فى الأمور.
إستخدام الدين للوصول لأهداف سياسية حاجة بتخلينى أشك فى نواياهم (زى اللى قالى التصويت بنعم واجب شرعى)
محاولة تضليل البسطاء من الشعب لكسب تأييد شعبى بيفقدهم المصداقية ، كنت من يومين قاعد على قهوة وعدى عليا واحد من الإخوان وبيوزع ورق بيقول للناس تصوت بنعم فى الإستفتاء ، الورقة مكتوب فيها السيناريو اللى هايحصل لو قلنا لأ وكله كلام غير صحيح أو على الأقل كله إفتراضات من وجهة نظرهم ولكن لا ترقى إلى الحقيقة ، منها الإستقرار والأمن والعلمانيين وكلام فارغ.
هو كل اللى يكون ضد الأخوان يبقى خايف منهم!!!!
أنا مش خايفة منهم ... أنا معترضة على اللى بيعملوا زاى دلوقتى مثلا: الواجب الشرعى اننا نقول نعم!!! معناه أيه الكلام دا؟؟ معناه انهم خرجونى برا الشريعة!!! بقى هى دى الديموقراطية!!! الأسلام مقالش كدا أبدا
الله كلام موزون واللهاقتباس:
المشاركة الأصلية كتبت بواسطة funnymickey
تقبل تحياتي
متفق مع أنهم كان من المفترض زي ماقال فنكي ميكي دعايتهم هي تقديم أعمال أيجابية للمجتمع وليس أسلوب فرض الرأي.........وبرده كل واحد عقله في راسه ماحدش هايجبره على التصويت بدون قناعةاقتباس:
المشاركة الأصلية كتبت بواسطة أبوسيف
بس لو تناسينا الجزئية دي وفكرنا بالمنطق هانلاقي أنهم قوة منظمة سياسيا وقوتهم نبعة من عقيدة فلا نتوقع أن لو أنتظرنا عشر سنين حتى أن في قوة ممكن تتوازن معهم بصورة مرضية ألا بقى لو الحزب الوطني نظم صفوفه تحت مسميات حزبية أخرى..........لأن ببساطة هما مش هايقعدو يتفرجو خلال العشر سنين بالعكس ستزيد قوتهم أكثر وأكثر
سواء الأخوان المسلمين.........أو من كان له مصالح مع الحزب الوطني
وبالتالي أي تأجيل ليس في صالح الأصلاحات السياسية من وجهة نظري
والله الكلام اللي انا بسمعه عن الاخوان وعن التيارات الأسلامية والكلام ده
بيدل على حاجه واحده فقط
ان الناس مش قادره تفهم مع انها عرفت انها كان مضحوك عليها اكتر من 30 سنة بفزاعات خلقت لهم من جانب الأنظمة الحاكم علشان تفضل طول عمرك مقتنع انه بيحميك من العدو اللي انت متعرفهوش ولا تعرف عنه حاجه
ده فضلا ان الكثير من الناس لحد الأن لا يفرق بين الاخوان وبين السلفية
بسبب الاعلام المتخلف اللي كان بيجيبله واحد بدقن ويقولوا عليه اخوان
ده بيفكرني بالطلعة الجوية بالظبط
يا جماعه الأخوان فصيل في المجتمع المصري يا من تنادوا بالديمقراطية والحرية
هتقعدوا تطلعوهم وحشين وبتاع على اساس ان غيرهم جميل وحلو
انا لست مع منهجية الاخوان في حاجات كتير
ولكن انا اعترف لهم بايجابياتهم
لأن مش معنى اني مختلف معاهم في حاجات يبقى انكر فضلهم في حاجات تانيه
في اكتر من ان الأخوان لما لقوا الناس بتطلع في فزاعة انهم عاوزين الحكم
راحوا قايلين انهم مش هيرشحوا حد للرئاسة في اكتر من كده
وكمان لما بدأوا يعملوا فزاعة للناس مثل النظام السابق انهم هيحتلوا مجلس الشعب
صرح الاخوان انهم مش هياخدوا اكتر من 35 % من المجلس
وانا على يقين انهم لو عاوزين ياخدوا نسب اكبر من كده هياخدوها
ولكن هما احترموا الاحزاب الأخرى والتيارات الأخرى وترك لهم باقي المجلس ليمثل فئات كثيرة في المجتمع
ايه بقه التخوف بتاع الناس منه
هما مش عايشين في مصر معانا برضه
يعني هيولعوا في البلد ويروحوا هما في حته تانيه يعني غير مصر
انا مش قادر افهم الناس بتكرر الكلام اللي بيملى عليها بدون اي تفكير بصراحه
يا أخواني الأخوان افضل تنظيم وافضل مجهود ممكن تشوفه في فئة او حزب او فصيل في مصر بجد بل وفي العالم بجد
مثلا الكثير ممن يشتغلوا في الخدمات الاجتماعيه والجمعيات وتربية الاطفال وكل هذه الأمور
بيتعلم من شغل الأخوان لأنه فعلا منظم ومحترم ومتطور وده شئ اللي ينكره يبقى جاهل بهم بجد
والله ثم والله انا بختلف معاهم في الكثير
ولكن فعلا هما لهم مجهودات جامده جدا وعندهم عزيمة للعمل مش موجوده عند الكثير
معلشي مش الاخوان دلو اتسجنوا وكان بيتاخد فلوسهم وبيتروع اهلهم
ومع ذلك لهم كتلة على الأرض متماسكة وبتتعايش
قولولي بقه الأحزاب عملت ايه وكانت بتعمل ايه غير انها منظر فقط
يا جماعه حاولوا تفكروا كويس وكل واحد له عقل يفكر به
وتذكر انك سوف تسال عن استفتاءك بنعم او بلا امام الله كان نيتك ايه وحجتك ايه
يعد لا اي مشاكل هتحصل هتبقى في رقبتك يوم القيامة لو كانت بجهل منك او بدون دراية كاملة للامور
مفيش حاجة اسمها خايفين من الاخوان ..ممكن تقول مختلفين معاهم فى اية,,,
اقولك
- واضح جدا انهم بيوظفوا الدين للوصول للسياسة ودة شىء سىء جدا جدا,,,,
- ضايقنى اوى انهم بيروجوا لعدم قول نعم فى الاستفتاء فدة بيعرضك لمخالفة الشرعية,,,
بس عايز اقولك لو الاغلبية اختارت منهج الاخوان وارائهم فانا بحترم دة لان دى الديمقراطية.
ياريت الناس تقرا الكلاماقتباس:
المشاركة الأصلية كتبت بواسطة أبو عبدالله
الله يفتح عليك يا أبا عبدالله
هههههههههههههههههههههاقتباس:
المشاركة الأصلية كتبت بواسطة yoyos
موجه كوميدى:36_2_49[1]:
العقل زينه فى الباترينه
اخى الفاضل عنوان موضوعك مش مضبوط
ليه مبارك يخاف من الاخوان الاثنين بيتعاونو مع بعض تماما لان الاخوان اساتذه فى المواءمات والأنتهازيه السياسيه
انما الجزء التانى جمع مبارك و الاقباط ضد الاخوان او الخوف من الاخوان ده الاشد مغالطه
لأن فتره دى مبارك و اعوانه فى نفس الكفه ونفس الرأى مع الاخوان ,
اما الاقباط ففعلا يخافون من الاخوان لعدم فهمهم للأخوان صح
الاخوان جماعه سياسيه لها شق دعوى يريدون الوصول للسلطه وافقوا على تطبيق الدوله المدنيه (العلمانيه) وقالوا انه الفهم الصحيح للأسلام (عصان العريان اليوم مع وائل الابراشى) وبكده الاقباط لا يجب عليهم الخوف
لكن مش الاقباط لوحدهم الاحزاب و شباب 25 يناير و الكثير من المفكرين ضد الاخوان للانتهازيه الواضحه فى الفتره الاخيره ومنها نزول الاخوان ميدان التحرير بعد 28 يناير (نعم كانو فى الصفوف الاولى فى معركه الجمل ) لكن لم يكونو فى صفوف المصريين يو 25 و 28 يناير أنما كان فى شبه أتفاق مع مبارك بعدم نزولهم , بعد كده انشقوا عن صف الثوار لأخذ مكاسب عاجله وعلشان كد وافقوا على التعديلات
الاخوان من الناحيه السياسيه ليس لهم مصداقيه و عندهم المبدء الميكافيلى الغايه تبرر الوسيله واللى تكسب بيه العب بيه
اقتباس:
المشاركة الأصلية كتبت بواسطة yoyos
طالما البلد أصبحت ديمقراطية
يبقى لو الشعب إنتخبهم يبقى وصولهم للحكم هيحصل
يعني مش بالمزاج
أتصور أن الأمر يدخل في المباحات، ثم هو اجتهاد أولا وأخيرااقتباس:
المشاركة الأصلية كتبت بواسطة أبو عبدالله
السطر الثاني له دلالات ليست بالبسيطة:
أولا: هل من قال نعم مثلا سيبرىء من المساءلة عن المشاكل التي قد تترتب على الموافقة على التعديلات؟ أم ستكون حجته أمام الله عز وجل هو أنه اتبع فتوى من إمامه؟
ثانيا: ما دليل على تأكد تعلق المشاكل المترتبة على رفض التعديلات ستتعلق برقبة المعارضين؟ ألا يمكن أن يعتبروا كمن أجتهد وأخطأ؟؟
يا اخ عزيز مدلولات ايه بساقتباس:
المشاركة الأصلية كتبت بواسطة عزيز محمد
يا أخي انا بقول كده علشان من حواري مع الكثير وجدت ان الكثير بيقول لأ وهو مش عارف لأ ليه او فاهم خطأ او مش فاهم وبيتبع وخلاص
وكذلك نعم
وبعدين حضرتك ستسأل على كل شئ الموضوع ليس له علاقة بالمباحات ولا محرمات
حضرتك دي مسؤولية
والمسؤولية دي هيتبنى عليها دولة ونظام بعدها
ده كله ومش عاوز تتسأل فيها
هو انت مش مشارك في نعم او لأ
يعني بتوجه الدولة الى طريق معين
هو ده مش كافي انها تبقى مسولية عظيمة تسال عنها
يعني إذن الجملة التي كنت تقصدها هي أن كل من المعترضين والمؤيدين سيسألون عن رأيهم هذا أمام الله عز وجل في حال حدوث مشاكل بناء على اختيارهم؟ أليس كذلكاقتباس:
المشاركة الأصلية كتبت بواسطة أبو عبدالله
ثانيا: يحتاج تأكيدك على أن الموقف من التعديلات الدستورية يدخل ضمن ما سأسأل عنه أمام الله عز وجل إلى دليل شرعي
ثالثا: أتصور - والله أعلم - أن رأيي في التعديلات الدستورية مادام مبني على اجتهاد مني مع عدم إضمار نية سيئة فهو داخل في باب الاجتهاد
أعتذر بشدة عن الخروج عن الموضوع لكن الجملة التي أنهيت بها مداخلتك الأولى كانت تحتاج التوضيح الذي اقترحته بمشاركتي هذه
ايران عدد سكانها اد مصراقتباس:
المشاركة الأصلية كتبت بواسطة chicobon
عندها اكتفاء ذاتى من معظم السلع الاستراتيجية و على رأسها القمح و بتصدر كمان
اصبحت اكبر قوة عسكرية صناعية فى المنطقة و تعمل لها امريكا و اسرائيل الف حساب الان
رئيس ايران لا يملك غير شقته و سيارة بيجو 504 موديل 77 و كل الوزراء يعلنون راتبهم شهريا على الشعب
و كل هذا فى ظل حصار فما بالك لو غير محاصرة كانوا عملوا اية !!
ايران اساسا مثل جيد و ليس سيىء حتى تشوه به الاخوان
ايران ببساطة شديد عبارة عن فزاعة وهمية و فوبيا مفتعلة سببها مبارك و من ورائه السعودية
لا بجد ؟؟ ايران حرية عقيدة ؟اقتباس:
المشاركة الأصلية كتبت بواسطة dayun
ايران دولة سنية مثلا ؟
دلوقتي ايران حلوة ؟
ههههههههههههههههههههههه:fir st:اقتباس:
المشاركة الأصلية كتبت بواسطة zalpany2000
السلفين . . الي اسمهم سلفيين قالوا مفيش حاجة اسمها صوت المرأه عورة او المرأة لا تعمل بلسياسة والعمل العام وقالوا مفيش حاجة اسمها نغصب الناس علي الصلاه ولا في حاجة اسمها نخلي الناس تلبس اسلامي غصب
دة رأي السلفين وممكن حضرتكم تتوجهوا لاي مسجد وتسئلوهم ودة اجابة كل الي سئلتهم منهم بلعكس في حاجات قعدوا يضحكوا عليها فيها
زي صوت المرأه عورة قلولي مين الشيخ الي قال كدة قلتلهم معرفش بس بيتقال قالولي السيدة عائشة نقلتلنا كام حديث قلت كتير قالوا ولما الصحابة كانوا بيروحوا يسئلوها كان صوتها حرام وبترد بلاشاره وضحكوا
ومثلا علي المرأه والعمل العام قالولي لما الجيش الاسلامي كان بيحارب برة مين كان بيعمل بلمدن قلتلهم اكيد الستات قالولي طيب ومين اشهر السيدات الي دافعوا عن سيدنا محمد قلت معرفش قالولي اسمها ونسيت للاسف ودية دافعت عنة في غزوة احد بلسلاح
فا سكت !! ياريت يا جماعة بلاش نعيش في جو الفزاعة الي الاعلام كان عاملة
ومن الاشياء الي سئلت عليها ايضا هل الديموقراطية حرام . . قالولي حرام لو مطلقة
قلت امل امتي تبقي حلال قالولي لو حكم الشعب والاغلبية لكن وجود حدود لهذة الحرية و مرجعية لهذا وهي شرع الله يعني مثلا مينفعش الشعب نعملة استفتاء تحب يكون الزنا مسموح وعادي زي اوربا ولا لا وهكذا
للمعلومية ايران النزعة فيها فارسية وليست اسلامية
كذلك ايران نظام حكمها حرام ومدخل للكفر لان لا قدسية لافراد ولا انفراد افراد دينين بلحكم متحدثين باسم اللة ودة حرام بل كفر اساسا واسئلوا اي شيخ سني
وايران مطلعة عين السنة هناك
الذى لا تعرفونه ان ايران فعلا بها حرية عقائدية بالمقارنة بمصر لان بها مساجد للسنةاقتباس:
المشاركة الأصلية كتبت بواسطة zalpany2000
فى حين انه ممنوع المساجد الشيعية فى مصر
اما بالنسبة لان ايران شيعية عشان كدة هى وحشة فهذا كلام مغلوط لاننا لا نتحدث عن عقيدة ايران بل عن انجازاتها
طيب ما اسرائيل افضل منا فى كل شىء و مثال يحتذى فى قمة الديمقراطية و لكن مختلفة معنا فى العقيدة
ان من يخاف ان نصبح مثل ايران اقوله ان ايران من ناحية الانجازات رائعة بشهادة العالم
اما من ناحية العقيدة فالاخوان مختلفون معهم طبعا يبقى ازاى نبقى زى ايران
للاسف لسة الناس عندها فوبيا وهمية من ايران من فزاعات مبارك
للعلم انا لا اتحدث من فراغ فى هذه النقطة بالذات لانى حضرت معرض صناعى فى تركيا و شوفت جناح ايران و انجازتها
و كدت ان ابكى على حال مصر الذى لا يوجد لها متر فى المعرض
متقدمين جدا جدا صناعيا و خاصة فى الالكترونيات
للاسف كلام مش صحيح الشيعة مسلمين و موحدين باللهاقتباس:
المشاركة الأصلية كتبت بواسطة ahmedbatoos
و الاختلاف على الخلافة اساسا و ليس على النبوة
و كل شيوخ الازهر من الشيخ شلتوت الى الشيخ الحالى شهدوا بأنهم مسلمون
و الشعراوى ايضا و الدكتور سليم العوا بل زاد على ذلك بأن النظام هنا فى مصر
يوجهنا اعلاميا بانهم كفرة و اخطر علينا من اسرائيل لان النظام اساسا حامى لاسرائيل
و لا يريد من المصريين الضغط عليه و التعطف مع مسلمين ايران اذا قصفتهم اسرائيل
و الذى لا يعرفه الا القليل ان مصر اساسا كانت شيعية فى العصر الفاطمى و الشيعة
هم من بنوا الازهر و معظم المساجد العتيقة الرائعة الى ان اتى صلاح الدين و حولها الى
المذهب السنى الذى كان عليه
يعنى لو صلاح الدين معملش كدة كان زمانا شيعة و السنة بيكفرونا الان هههههههه
طيب وانت ليه بقي بتقارن بين مصر وايران .. وتركيا عندك مثل احسن ؟؟؟ حتي المعرض كان عندهم :dاقتباس:
المشاركة الأصلية كتبت بواسطة dayun
يا سيدي الفاضل ماحدش ضد التقدم اطلاقا بس انا باتكلم حضرتك عن الحرية ... ايران في سلم الحريات العالمي وحقوق الانسان في ترتيب تحت المتوسط .
ثانية واحدة ... ماينفعش تقول الكلام ده علي الاطلاق ... بعض طوائف الشيعة مخالفين في العقيدة ده اولا زاكثر الايرانيين .. شيعة رافضة ... وبعدين مذاهب الشيعة متعددة والكلام عنها يطول .. مش عايز احول مسار الموضوع بس حبيت اوضح نقطة ان فيه شيعة (ليسوا بقليلين) في ايران مخالفين في العقيدة يا سيدياقتباس:
المشاركة الأصلية كتبت بواسطة dayun
ثانيا حضرتك ما تعرفش الفاطميين دول عملوا ايه في مصر ... ولا تعرف ؟؟؟ .... حضرتك بتكلمني عن شوية مساجد .... بس الحقبة الفاطمية في مصر كانت من اسوء ايام الخلافة علي هذا البلد... وبرضو مش موضوعنا ... ومش فاهم ايه الفكرة بقي اننا نسحب الموضوع لنقطة زي دي
اخيرا ...وبشكل مباشر .... لو حضرتك عاجبك بجد نظام حكم ايران القمعي الدكتاتوري المبني علي اصول وتقاليد شيعية صرفة تكفر المخالف ... ولو حضرتك عايز في مصر حكم ديني من المنطلق ده ... يبقي انا وحضرتك مختلفين تماما ... وللعلم ده كان قصدي لما اتكلمت عن ايران ... انا لا اقبل ان اعيش في دولة بهذه المواصفات
وساعتها الالات الموسيقيه ميكونش لها لازمه والاغانى حرام والمصايف حرام والافلام حرام وممنوع منعا باتا تواجد اى فرد فى الشارع اثناء الاذان والسياحه حرام والاهرام حرام هنهدها ورمسيس والمعابد والتحدث بالعاميه حرام ولا مانع ان تطلق اللحيه وقص الشارب؟
اما انا بقى فقط اصلى بنيه خالصه لله دون فعل كل ذلك وان شاء الله يتقبل الله منى والله اعلم
اسجل اعتراضي الشديد على رأي حضرتكاقتباس:
المشاركة الأصلية كتبت بواسطة dayun
تحياتي
اقتباس:
المشاركة الأصلية كتبت بواسطة ahmed1981
هو دا بالظبط ال حصل