انا شايف ان الانسر 1600 افضل سياره من حيث السعر بلا منافس

**M.MO7SEN** · 10-04-2008 01:26 PM

انا بجد شايف كده فهى سياره يابانى شبابيه وعائليه abs ,full option و ثبات زى الفل و كمان ال resale بتاعها ممتاز و بجد العربيه ده معليتش فى نظرى قوى كده غير امبارح لما كونت على الصحراوى بتاع اسكندرية و كنت ماشى على 150-160 بجد مكنتش حاسيس بالطريق ما شاء الله و مفرقتش كتير لما فتحت التكيف و حتى بعد ارتفاع سعراها فى الفتره الأخيره لزالت افضل سياره فى سعراها

**emadfk** · 10-04-2008 01:53 PM

المشاركة الأصلية كتبت بواسطة M.MO7SEN

انا بجد شايف كده فهى سياره يابانى شبابيه وعائليه abs ,full option و ثبات زى الفل و كمان ال resale بتاعها ممتاز و بجد العربيه ده معليتش فى نظرى قوى كده غير امبارح لما كونت على الصحراوى بتاع اسكندرية و كنت ماشى على 150-160 بجد مكنتش حاسيس بالطريق ما شاء الله و مفرقتش كتير لما فتحت التكيف و حتى بعد ارتفاع سعراها فى الفتره الأخيره لزالت افضل سياره فى سعراها

+1000000000000000000

**limo** · 10-04-2008 02:06 PM

الانسر سواء 1300 او 1600 مطلوب اوى دلوقتى سواء فى المستعمل او زيرو

العربيه لانسر سعرها دلوقتى حوالى 111,500 الهاف سبورت خليجى و 100 الف المانوال 1600 خليجى
يعنى تقريبا سعر المصريه 1300 مانوال
الاسعار ده من عند هيفين الجمعه الى فاتت
الياريس دلوقتى المانوال 1300 سعرها 95 الف +حجز
الانترا 1600 98 للمانوال ووالاتوماتيك حوالى 104 +حجز
ده الفئات المنافسه ليها
اما الفئات الاعلى مثل النيو لانسر و الكورولا الجديده والسيفك فالفرق دلوقتى بينهم وبين الانسر حوالى 30 ازيد او اقل حاجات بسيطه
فالانسر دلوقتى تعتبر عربيه معقوله فى السعر+الاداء +الامكانيات+توافر قطع الغيار +اسعار قطع الغيار +اعاده البيع
علشان كده اسعارها كل يوم فى الطالع

**king_de_egypt** · 10-04-2008 02:12 PM

يجدعان انا كنت مع ابن عمى و هو معاك لانسر سبورت مشششكله كنا مشيين بيها 200 و ماشاء الله على الثبات بس بصراحه انا راى ان احسن ثبات شوفتو شوفتو فى المازدا 3 كنا مشيين 220 و مش حسين انها ماشيه على الارض بس برضو الانسر مشكله و ادعولى اجبها :d

**nobody** · 10-04-2008 03:53 PM

هي اللانسر بصراحة عربية حلوة بس مشكلتها ان فراملها استجابتها مش قد كده
غير كده عربية حلوة

**أبوسيف** · 10-04-2008 05:03 PM

بالعكس انا شايف فرامل اللانسر جيدة جدا ، انا من كام يوم واحد وقف قدامى فجأة والمسافة بينى وبينه ما كنتش كبيرة وحسيت انا هاخبط فيه يعنى هاخبط فيه ، لكن المفاجأة كانت بالنسبة لى انا ان العربية وقفت فى مسافة صغيرة وقبل العربية اللى قدامى بحوالى 20 سنتيمتر ، المهم انك لما تغير تيل الفرامل ما تسترخصش وتجيب التيل الأصلى لأنى بشوف عربيات لانسر كتير ماشية والتيل بيصفر.

**mido_smsm** · 10-04-2008 06:16 PM

3la fekra ya king de egypt mazda 3 mesh betgib aslan 220 we a5trha 200 fe manual we 7awly 194 fe auto
da 3'ir stability bet3ha mesh gamed awy keda zay lancer kedas we yemkn a2l kaman we 3an tagrba wallhi
enma el faz3ia besraha fe stability meganeeeeeeeeeee
thx

**fahd_628** · 10-04-2008 06:22 PM

فعلا على فكرة ثبات المازدا 3 مش عالى اوى انا ركبت مع واحد معاة مازدا 3 و بيقولى ان بعد 160 - 170 العربية بتعوم

اعتقد ان اغلب العربيات حتعوم على السرعة دية لأنها مش مصممة انها تمشى بالسرعات دية اخرها و تبقى كويسة اوى 140 اعلى من كدة العربيات مبيبقوش ثابتين ( مش كلهم طبعا ) بس كتيير منهم ( انا بتكلم فى مصر علشان محدش يقولى البورش 911 ثابتة على 200 :) ) و كمان سحبتها مش جامدة اوى انا بصراحة غيرت رأى فى العربية انا كنت فاكرها طلقة و ثابتة جدا بس مطلعتش كدة ( على فكرة العربية الى كنت راكبها كانت خليجى علشان يمكن يكون فية اختلاف بين المصرى و الخليجى )

أة و نسيت اقولكم انا الى راكب معاة كنا مماشيين 100 120 و العربية ما شاء الله كانت ثابتة جدا دة هوة الى بيقول انها مش ثابتة اوى بعد ال 160 - 170

**شاهين - بنز** · 11-04-2008 12:08 PM

اللانسر صحيح ثباتها ممتاز على السرعات العالية كنت مع صاحبي وكان ماشي على 180 بالصراحة كانت في قمت السبات
لكن: موضوع السبات على السرعات العالية مش ميزة جوه البلد نهائيا وجوه البلد بتشتغل عيوب اللانسر إلي مش ظريفة إلي كلنا عارفينها
والزبده السيارة لاتستحق سعرها خالص المفروض تقل 20 ألف جنيه عشان تبعد عن التيدا والميجان وكده

**M.MO7SEN** · 11-04-2008 05:34 PM

لكن: موضوع السبات على السرعات العالية مش ميزة جوه البلد نهائيا وجوه البلد بتشتغل عيوب اللانسر إلي مش ظريفة إلي كلنا عارفينها
والزبده السيارة لاتستحق سعرها خالص المفروض تقل 20 ألف جنيه عشان تبعد عن التيدا والميجان وكده

انا بس عاوز ارد على الأخ شاهين- بنز اكيد الانسر مش مميزه جوه البلد زيها زى اى عربيه سيدان 1600 خاصة مع الزحمه الرهيبه فى شوارع القاهره وانه الأنسب طبعا عربيه تكون صغيره و متستهلكش بنزبن بس انا مختلف معاك فى موضوع السعر ده خالص ازاى تقل 20 الف ياعنى مثلا الانسر 1600 هاف سبورت تبقى ب 92 الف يا راجل حرام عليك ده الانترا كورى و ب 104 الف و الفل اوبشن منها ب 113 الف و المبجان اللى مليانه عيوب ب 136 الف الأتوماتك فلما تكون الانسر الهاف سبورت ب 111,500 ف ده معناه ان ثمنها كويس جدا و انها افضل سياره فى سعرها