الموضوع: اليكم اقوال عينة من المجموعة التى ترفض التعديلا الدستورية!!!!

يا استاذ ... واضح بس ان حضرتك مش واخد بالك ان الدستور اللي حضرتك نازل تستفتي عليه .. ولا حاجه .. هوا .... ده هايتعمل بيه انتخابات ... وبعدين نبدأ شغل بعد ما يتعمل مجلس شعب يتحط بيه دستور جديد برضو سيادتك مش عارف عنه اي حاجه ... وبالنسبة للفاضل الاخ زياد أحمد اللي حضرتك عملت عليه كوت ... يا استاذ زياد .... مش اسكندرية بس ... وللعلم نعم لا تعني بالضرورة استقرار ولا حاجه ... كل اللي متخيل كده مش فاهم او عامل نفسه مش فاهم ... اللي بيقول نعم وفاهم مش بيقول علشان الاستقرار بيقول علشان اسباب واضحة فيه اللي مؤيدين لمجلس نيابي اخواني وده مش كلام في الهوا ... وليهم كل الحق في انهم يؤيدوا الفكرة طالما شايفين ان ده صح
... وفيهم اللي متخوف من استمرار الحكم العسكري ... وده بالنسباله فزاعة ان العسكر يستمر في الحكم .. الموضوع مالوش علاقة بتسريع وتيرة الاستقرار اطلاقا ...بالعكس ده ممكن يزيد الطين بلل ... لان كتير ومنهم الدكتور المحترم جدا سليم العوا رايه انه يتم انتخاب مجلس ورئيس مؤقتين يتم حلهم بمجرد انتهاء الاستفتاء علي الدستور الجديد ... وبعدين ينتخب مجلس وفقا للدستور الجديد .. ورئيس جديد ... طيب بذمتك... ده ما يأجلش الاستقرار اكتر واكتر ؟

انا هانزل يوم السبت و اقول لا و انا متخوف من بكرة .... انا رافض التعديلات من مبدأ انه انصاف الحلول أثبتت فشلها علي مر السنين ... رافض وانا خايف من بكرة ... لكن ماعنديش استعداد أضحي بالامل

تحياتي لك ولكل المؤيدين
وختاما
يوم السبت كل واحد فينا هايبقى مع اختياره لكن يوم الاحد هانكون كلنا مع اختيار مصر..هى دى الديمقراطية...لا اعتراض على مايقوله الصندوق

لا وانا حر في رأيي ومبحبش حد يقنعني بالعافيه وانا مابحبش اقنع حد بالعافيه كل واحد ليه مخ بيفكر بيه واكيد صوابع ايدك مش زي بعض

المشاركة الأصلية كتبت بواسطة ahmedbatoos

الجيش يريد التصويت بنعم . . لذلك يصدر قرارات خارج التعديلات لجزب المصوتين بلا لنعم
واخر هذه القرارات
ان التصويت بلا
لن يتم تعين مجلس رئاسي كما كان متوقع . . اي سيكون حكم عسكري مستمر
سيتم تعين لجنة لم يحددوا اي وقت متي ولا كيف لوضع دستور جديد
سيتم اعلان احكام عامة مثل عبد الناصر بعد الثورة ذات السمعة السيئة

واذا قلت نعم

اضيف للميزتها

1- دستور 71 سيسقط في كل الاحوال وسيتم اعلان دستوري بلتعديلات مضاف اليها مميزات اخري وقوانين ادارة الانتخبات و امتيزات الرئيس

كدة حضرتك بيضحك علينا
اولا بيهددنا و بيخوفنا ان لو قلتو لا مفيش مجلس رئاسى احنا قاعدين و هنعمل دستور بمزاجنا .. انما لو قلتوا نعم هنعمل اعلان دستورى يعنى هنعمل دستور تانى بمزاجنا بردة .
طب لما هو كدة كدة الدستور سقط .. على كلامة .. و ان التعديلات دى هتبقى عبارة عن اعلان دستورى طيب هما بياخدوا راينا لية ما دام لو قلنا لا هيعملوا اعلان دستورى بمزاجهم .
و لو افترضنا انهم عايزين ياخدوا راى الشعب طب فين باقى المواد اللى هتبقى فى الاعلان الدستورى .. و لا هياخدوا راى الشعب على نص المواد و النص التانى لا .
انا حاسس ان فى التفاف على الثورة و الاساليب القديمة بيعاد استخدامها من تانى