الموضوع: حد يعرف مكتب لكشف تزوير؟

السلام عليكم


لو ستمحتم ياريت لو حد يعرف مكتب او خبير لكشف تزوير التوقيعات يقولى علية للضرورة ,شكراُ.

المشاركة الأصلية كتبت بواسطة A.Saad

انا دخلت فى الحوار ده زمان
وعملت اعلان مبوب فى الاهرام كمان
مردش عليا غير واحد وكان موظف خزينة باحد البنوك واستقال
وقريت كتب فى تزوير الخطوط

الخط البشرى بيكون ليه لكل حرف شكل معين الايد بتعمله
يعنى لفة الطاء قوس الخاء شكل عامود الاف كدة
المزور بيحاول يقلد لكن بتلاقى خطه مش ماشى طوالى سارح
فيه وقفات
الوقفات بتبان من القلم
بتلاقى نقطة فى الخط
او تقل فى الحبر
ونهاية الخط بتكون سميكة مش داخلة على رفيع ، الخط الاصلى نهاية الحرف بتكون مدببة
وتاخد بالك كمان من درجة بعد الحروف عن بعد : متماثل ولا لا
والكتابة المزورة بتلاقى الخط مفيهوش ميل لكن السليمة بيكون فيه بعض الميل
المزورة فيها ان الخط مهتز وغير مستقيمة
فيه طريقة تزوير اسمها اليد المعانة
دى بتعتمد ان واحد بيمسك ايد صاحب الخط ويحركها : وبتلاقى منظرها العام غير طبيعى واجزائها غير متناسقة
وبتلاقى وقفات للقلم وممكن تلاقى وراها تغيير فى اتجاه الكتابة
واستطالة فى جرات الخط
وفيه الكتابة باليد اليسرى : فيها ضغط خفيف على امتداد الجرات ، شيوع اهتزاز الخط وانه مش مستقيم
الاتجاه للكتابة لاعلى
عدم انتظام المسافة بين الالفاظ واختلاف حجم الالفاظ وتلاقى الخط شبه خط واحد جاهل
ولو لقيت طمس لوقفات القلم ده بيكون تزوير مع الاعادة على الخط اللى مكتوب لطمش التزوير
وقارن بين الخط الاصلى والخط المزور هتلاقى ان الوقفات مختلفة واتصال الحروف ببعض مختلف
ااضغط بيبان فى ضهر الورقة ومرتبط بطبيعة السطح اللى بيكتب عليه كمان
ولاحظ هل فيه اثار لكربون او اقلام رصاص فى الورقة ، ده هيبين استعمالهم فى التزوير
واخيرا ان التوقيع المزور ممكن يكون خالى من الهزات او الرجفات لو المزور محترف




دى كانت ملاحظات كتبتها من كتب قريتها فى الموضوع ده
واقرا الموضوع ده كمان
ظ…ظ†طھط¯ظ‰ ط§ظ„ظ…ط.ط§ظ…ظٹظ† ط§ظ„ط¹ط±ط¨

متشكر جداً