الموضوع: كاوتش الفيكترا

السلام عليكم
الحمد لله ربّنا كرمني بيفكترا 95 اوتوماتيك
بعد ما ركبتي اتبهدلت من دبرياج الكورسا

العربية لمّا اشتريتها كان فيها جنوط 14 صيني
طبعاً انا عارف إن الصيني وحش على العافشة
فا ناوي اغيرهم ان شاء الله

و اسئلتي كالتالي:
1. هل في فعلاً فرق كبير في الاداء بين الجنظ الاسبور الصيني، و الجنظ الاصلي الحديد ؟
2. لو هجيب جنوط جديدة (مستعمل يعني، بس الاصلي الحديد)، ايه احسن مقاس للعجل ؟ انا كنت بفكّر اجيب 195/60/15 بحيث يبقى في توازن بين ثبات العربية و ارتفاعها في المطبّات... يا ريت اعرف رأيكم في الموضوع ده
3. ايه هي ماركة الكاوتش المضمونة ؟؟ أنا جرّبت قبل كده ال gt , و اقدر اقول انّها زبالة بكافة المقاييس
و جرّبت الدانلوب، و كانت بنت حلال نسبيّاً
و مؤخّراً جبت بريدجستون من التوكيل... العجلة ماشيها كويّس، بس حاسس إنّها طرية و هتتمسح بسهولة (مجرّد احساس)
يا ريت اللي هيقول اجيب ايه، يقوللي برضو اجيبه منين و بكام (و اشمعنى النوع ده بالذات)

و شكراً جزيلاً