الموضوع: سؤال في التعديلات مهم جدا

المشاركة الأصلية كتبت بواسطة fepsceasar

مهما تشرح ناس افاضل يقولك مناقضة
مهما تقول أن سواء نعم او لا نحن امام اعلان دستورى مؤقت وده تصريح للمجلس الاعلى ما حدش عايز يسمعك
ممكن نسمع بعض انا حاسس كل واحد داخل واللى فى داغه فى دماغه
طيب يا سيدى نعم فيها العبر
ممكن حد يقولى لا فيها ايه احنا مش شايفينه غير انك هترمى الكورة فى ملعب القوات المسلحة وتتفرج هيعملوا ايه
انا على الاقل ضمنت 8 تعديلات كانت مطلب للثورة ودى اول خطوة مش نهاية الطريق

بص يا فندم ... سيبك من "نعم" أو "لا" كويسة ولا وحشة.

حضرتك مش عايز تعترف ليه ان في لخبطة في كلام المجلس العسكري؟

أيوة، قالوا ان "نعم" أو "لا" معناها اعلان دستوري. بس الكلام ده قالوه من يومين فقط.

وبرضو اللواء ممدوح شاهين قال ان سيتم العمل بدستور 71 بالمواد المعدلة. بس حضرتك رافض تعترف انه ده تناقض!!!

ولثالت مرة أرد على حضرتك بالحوار مع اللواء في المصري اليوم
http://www.almasryalyoum.com/node/360471

■ ماذا سيحدث لو لم يطلب الرئيس الجديد تغيير الدستور كما تنص المادة 189؟

الرئيس الجديد سيحكم بدستور 1971 والمواد المعدلة فيه لمدة معينة، ووفقا للمادة 189 المضافة، يطلب رئيس الجمهورية من أعضاء مجلسى الشعب والشورى إصدار دستور جديد، وتتشكل جمعية تأسيسية تقوم بذلك خلال فترة 6 أشهر، وإذا تم التدقيق فى نص المادة، نجد أنها تنص على لفظ «يجتمع» رئيس الجمهورية ورئيسا مجلسى الشعب والشورى لإصدار دستور جديد، فلفظ «يجتمع» معناه إلزامًا، والقوات المسلحة لن تترك الشعب إلا بمؤسسات دستورية وتشريعية قوية

ده مش معناه ان سيتم العمل بدستور 71؟!!!!

ازاي نعمل تعديلات في دستور وناخد المواد المعدلة بس من الدستور؟!!!!

أرجوك أرجوك ترد عليا وعلى الكلام الموجود في المقال ده.

المشاركة الأصلية كتبت بواسطة fepsceasar

ماشى يا سيدى هعترف بالتناقض حتى لو مش مقتنع وشايف ان الطريقين اعلان دستورى (واحد موافق على التعديلات اللى فيه وواحد اعلان دستورى وخلاص)
انا شايف ان فيه تناقض اقوم اصوت بلا وارفض التعديلات اللى هتحطنا على او ل طريق الديمقراطية وارمى الكرة فى ملعب الجلس الاعلى اللى بقول ان فى تناقض فى تصريحاته

أنا بس عايز أسأل حضرتك سؤال، حضرتك لسه مقتنع ان دستور 71 مات؟

المشاركة الأصلية كتبت بواسطة fepsceasar

طيب هقول ايه مقتنع ومات والى غير رجعة، نعم او لا اعلان دستورى مؤقت ده بيحكم علاقتنا ببعض
حضرتك مقتنع ان لا هتوصلنا لحاجة ولا هترجعنا للصفر
نعم: يعنى ماشى فى طريق منور أخره الديمقراطية اللى الثورة بتطالب بيها
لا: مش عارف احنا ماشيين فين بصراحة الا لو اللى بيقولوا لا عارفين حاجة معتبرنها سر علينا، لكن لا وخلاص دى اللى صعبة

برضو حضرتك مش مقتنع.
والله العظيم والله العظيم احنا بتصوت على تعديلات في دستور 71.
لو تم الموافقة عليها سيتم العمل بالدستور المعدل أول ما الرئيس ينتخب.

الاعلان الدستوري (الذي يشمل بعض المواد من الدستور المعدل) ده هينظم العملية من ساعة اعلان نتيجة الاستفتاء لغاية انتخاب الرئيس لان الدستور لا يعطي الشرعية للمجلس العسكري زي ما حضرتك قلت قبل كده.

أول ما ننتخب رئيس، الاعلان الدستوري هيقف وهنشتغل بدستور 71 المعدل.

بالنسبة لو النتيجة كانت "لا".
الأفضل هو انتخاب جمعية تأسيسية (بدل ما ننتخب مجلس شعب) تضع دستور جديد قبل نهاية العام.
وكده كده المجلس العسكري ناوي يفضل قاعد لغاية انتخابات الرئاسية (اللي قال مؤخرا انها في ديسمبر).