الموضوع: سؤال عن بعض التعديلات

المشاركة الأصلية كتبت بواسطة Ghost2

السلام عليكم ورحمة الله وبركاته

انا بشتري هوندا موديل 93 ان شاء الله وعايز اعمل شوية تعديلات

1- بالنسبة للمرايات الضم .. هيل ينفع اركب مرايات bmw m3 اللي بتضم لفوق
2- بالنسبة للاكصدامات اعيز اعدلها بس مش عايز اكصدامات واطية عشان بلدنا الحلوة برده
3-عايز اركب مفصلات لامبو للابواب عايز اعرف هتتكلف كام وهل هيكون في مشكلة مع الرفرفين
4-طقم جنوط 16 بكاوتشه ويكون نضيف برده
5- فلتر هواء سبور سيموتا هيكلف كام بتركيبه وهل فيه مشكلة ولا لا ؟
6- شوية تعديلات على الصالون برده لم ممكن

ارجو الرد من عمالقة هوندا خاصة السيد سمسم

وعليكم السلام ورحمة الله وبركاتة

الف مبروك وان شاء الله ربنا يتمملك على خير وتلاقى حالة نظيفة

الاجابات هتبقى بترتيب الاسئلة :

1- انت ممكن تركبها بتاعة ال BMW M3 بس هيتعمل عليها تعديلات فى القاعدة وفى الوش اللى بيركب فى الباب فعايزة واحد نظيف

2- احلى اكصدام تركبة بدون تعديلات هتجيب اكصدام الهوندا سيفيك 93 هاتشباك بالفوج لايت الاصلى بتاعتة + ال كيت الامامى والخلفى بتاع ال SiR هيبقى تحفة التكلفة كلها 1000 جنية امامى فقط , الخلفى زى ماقولتلك هتجيب الكيت بتاع ال SiR وشكرا ودة لوحدة ب250 جنية

3- مفصلات اللامبو دور بتتركب ب1500 جنية ومافيش منها اى مشاكل على الرفارف اهم حاجة اللى يعملهالك فنان عشان يظبطلك الباب صح

4- مانصحكش بطقم جنوط 16 الا لو كان اصلى عشان مايتقلش سحب المكنة وطبعا التكلفة غالية جدا هيوصل الى 8000 جنية , فانصحك بأى جنط ماليزى او تايلاندى 15 هيكون احسن فى كل حاجة والكاوتش بريدجستون / دانلوب الاتنين دول تحفة

5- فلتر الهواء الاسبور عشان يكون لية لزمة يبقى لازم تكون العربية انجيكشن

ومتطلباتة ماسورة + الفلتر التكلفة من بورسعيد 350 جنية التكلفة هنا 550 جنية وياريت تقولى نوع المكنة اية عشان اعرف اذا كان فيها حساس هواء على الماسورة الاصلية ولا لأ عشان تعمل حسابه فى الماسورة الجديدة

6- اى تعديل على الصالون بدون تغير اى جزء منة هيتكلف 1200 جنية بفرش الجلد + التنفيخ وانصحك تروح لجينز كار هو لية اعلان هنا فى المنتدى ولية خصم كمان

واى خدمة او استفسار انا فى الخدمة لو عايز تعرف اى استفسار اخر