صورة رائعة تضم اطياف الشعب المختلفة فى التصويت :S_thum1[1]:
http://a6.sphotos.ak.fbcdn.net/hphot..._2468010_n.jpg
عرض للطباعة
صورة رائعة تضم اطياف الشعب المختلفة فى التصويت :S_thum1[1]:
http://a6.sphotos.ak.fbcdn.net/hphot..._2468010_n.jpg
هو بلال فضل من المؤيدين فعلا للتعديلات ؟ و بالمناسبة هما مالقيوش صورة افضل من كده لمطرب الجيل !
فعلا الغرض من الصور واضح اوى وبيقولك شفتوا مين الناس الوحشه اللى قالت لا ومين الناس الحلوه اللى قالت اه
وبرضوا بكره هنزل اقول لا
حلوة ومعبرة
حطنى مع الناس اللى على اليمين لو سمحت
وندعى ربنا إن شاء الله الخير لمصر
اساليب الصور و الكلام المسئ للجانب الاخر اى كان هى من تؤدى برده فعل عكسى و تثبت الراى فى الجانب الاخر
لا
يا جماعة انتوا فاهمين غلط
نجم الجيص كان المصور مش عاوز يصوره عشان هو عريان وهو اصر والح ان يتصور وبيقوله " لأ صورنى "
فهما افتكروه بيقول لأ للتعديلات
حضرتك أكيد فاهم إننا بنتكلم على الشعب المصري وليس الشعب الأوربي مثلاً ......
أكثر من50 سنة في جهل بكل شىء....ثقافة, سياسة , إقتصاد وحتى الدين !!!......فجأة عايز الشعب يفكر في دستور وبرلمان و.....ويشوف ما هو الصح
ده إنت لو ماشي في منطقة مهجورة أو مقطوعة وعايز تركن عربيتك بتركنها جنب مجموعة من عربيات مركونة عشان تطمئن :frown:
كفاية صورة تامر حسنى مع اللى بيقولوا لا علشان اقول نعم نعم نعم
مع انى ما ببنيش مواقفى على مواقف الاخرين لكن صورة صاحبنا ده .......
انا قصدى على الصورة دى يا جماعة مش بحكم على الشخص علشان ماحدش يفهمنى غلط
أيوه يافندم إيه المشكلة؟
الصورة معبرة إلى حد كبير عن أسباب اختيار كل جهة لنعم أو لا
------------------
حضرتك فاكر إن أى واحد بيكون رأيه إزاى؟ نسمع دا ودا ونفكر مرة واتنين وأشوف صورة واتنين وعشرة وأقرأ مقال واتنين وخمسين .. كل اللى أشوفه وأسمعه وأعرفه من زمان هيطلع فى الآخر على هيئة رأى واتجاه أدافع عنه .
المفروض احترام الري الاخر يتمثل في احترام الشخص
طب ما انا ممكن احط رموز الحزب الوطني كلللللللللللللللهم في صورة
و اجيب المستشارين و الشخصيات العامة و هل العلم ال بيقولو لا في صورة واقول دي بتعبر عن الرايين
حضرت هتبقى شايف ساعتها انها معبرة
و هل تعتقد ان انا و غيري لما نقول لا فين مصلحتنا الخاصة
مرتضى منصور مع نعم على فكرة
والصور دى اساءة لينا كلنا
وسعوا طيب شوية وخدوني جنبكم
تصدق صح
وحتي لو مش منطقة مهجورة بردو وسط العربيات اهو الحرامي يمكن عينه تتعمي ويسرق عربية تانية غير عربيتي انما لو لوحدها اكيد هي اللى هاتتسرق
الصوره اساءه ومرفوضه
وكمان غيرمعبره الا عن خبث وبصراحه قله حياء و ضمير من اللى عاملها
وانا كمان حطنى مع اللى بيقولوا (لااااااااااااااااااااااا ااااااااا) اكون شاكر ليك (متشكر يعنى)
الحقيقة الصورة رائعة و معبرة جدااااااا
و لا ادرى ما سبب اعتراض بعض الرافضين عليها !!!
اليس هؤلاء رافضين للتعديل مثلكم :majd(4):
لماذا تتنصلون منهم بهذا الشكل المريب و تعتبروا صورهم و كانها عار !!!
اللهم اجعلنا من اهل اليمين اااااااامين
أسلوب رخيص وحقير في انتقاء الشخصيات.
فين صورة المستشارة نهى الزيني والمستشار زكريا عبد العزيز والمستشار هشام البسطويسي والدكتور حسن نفعة وغيرهم كتير من المفكرين والكتاب الرافضين للتعديلات الدستورية؟
ده غير الكذب. على سبيل المثال بلال فضل ووائل قنديل ضد التعديلات الدستورية.
وبما ان صانع الصورة كذب عن شخصيات محترمة وادعى انها قالت نعم، من الممكن ان يكون قد كذب عن شحصيات لا تحظى باحترام وادعى انها ضد التعديلات. زي تامر حسني.
والأخ صاحب الموضوع سبق انه قال بالنص.
"اعتقد انه بعد الفيديو دة و اتضاح الامور مافيش مسلم هيقول لا"
بعد ان عرض فيديو لقس يدعو للتصويت بـ"لا".
يعني اللي يصوت ب"لا" مايبقاش مسلم؟!!!
لقد خالفت القاعدة رقم (9) بند (أ) من قواعد المنتدى
يرجى مراجعة قواعد المنتدى
مشرف18ب
19-3-2011
2:16PM
حضرتك اسلوب اسمه association fallcy.
يا ريت حضرتك تقرأ الكلام ده وترد عليه
Association fallacy - Wikipedia, the free encyclopedia
مشاركة مكررة.
الغرض من الصوره معروف والى عاملها معندوش ضمير
وبرضه هقول لا
واضح من اسلوبك انك مؤدب اوى
سيادتك عايز صورة تفصيل على مزاجك و الا تقل ادبك على غيرك
زعلان اوى على 2 من الصورة بتقول انهم خطأ طيب بدل ما تقل ادبك
و تتهم الناس بالباطل ارجع للنت و شوف اخر تصريحاتهم
امال ديمقراطية اية و هباب اية لما صورة فيها عينة ناس رافضة عصبتكم كدة:majd(4):
صحيح انت تستحق تكون مع العينة اللى رافضة فى الصورة
لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى
يرجى مراجعة قواعد المنتدى
مشرف18ب
19-3-2011
2:10PM
من ناحية إنه اسلوب رخيص وحقير ده أكيد
زي اللي كان ييجي يشرح آه ولا
يقوم جايب مساوئ واحدة ومحاسن التانية
فـينم عن جهل ومحاولة فرض رأي
وزي مقال الاخ
الصورة غلط أساسا ناس قالت لأ زي السعدني و بلال فضل حاطينهم في آه
ده عن الصورة
أما الموضوع
بس هو ديمقراطي
ماحدش منعه أو منع صاحب الموضوع من نشره
في ناس بتاخد مفهوم الديمقراطية في الرأي على نفسها بس :majd(4):
لا, معناه إنت تقول رأيك .... وانا كمان حقول رأيي
وكفاية كده عليا
من الاخر عشان محدش يخرج عن معنى المشاركه و يمسك للتاني عالواحده .....
في محترمين بيقولوا ((نعم)) و غير محترمين بيقولوا ((نعم)) .....
في محترمين بيقولوا ((لا )) و غير محترمين بيقولوا ((لا)).....
لما تعمل صوره تحطفيها المحترمين ((بس)) من نعم و الغير محترمين بس من لا ......
يبقى فعلا غرضظ مش قد كده ......
وصلت ؟؟؟؟؟
أرجع لتعليقي هتلاقي أني اقصد صانع الصورة ... لأني لما أقول اسلوب حقير في الانتقاء اقصد من انتقى الشخصيات.
ولما قلت "الكذب" برضو قلت صراحة "صانع الصورة".
وأما النت واتهام الناس بالبطال فياريت تبص على الوصلات لآخر التصريحات للشخصيات اللي صانع الصورة ادعى عليها بالكذب.
أما آخر جملة قلتها فتنم على أخلاق صاحبها.
شكرا لاثبات عصبيتك
وأقرب صديق من الخوان والموافقين على التعديلات شخص في قمة الأخلاق وعنده عقلية تحليلية رائعة.
عشان كده مش هحكم على الموافقين بأخلاق وعقلية "حضرتك".
لأني ارفض استخدام أساليب ساذجة وحقيرة وسطحية في التعميم.
أعتقد اني اختلفت مع حضرتك شخصيا في الرأي كتير واعتقد اني لم اتطاول أو اتجاوز.
يبقى ازاي ده اسلوبي مع "أي" معارض؟
أنأى بحضرتك استخدام اسلوب التعميم وهو سبب أغلب التشاحن ما بين من يختلفون في الرأي
ثم ان توصيفي للاسلوب كان (وبكرر) لصانع الصورة مش لعضو في المنتدى أخاطبة مباشرة.
وللدقة هو توصيف للاسلوب مش الرأي. مازلت احترم كثيرين من الموافقين على التعديلات.
لكن لا احترم من يستخدم اساليب رخيصة في وضع كل من يخالفونه الراي في سلة واحدة. سلة المغنيين والسفهاء.
.
ربنا يجعلنا جميعا من أهل اليمين. بصراحة يا جماعة اللى مجمع الصورة مش محايد وبيحط السم فى العسل ل أنه جايب أسوأ ما فى مصر وحاطه فى الشمال فيما عدا الإخوة الأقباط وبرده هوه حاطط أقباط علشان يبين ان القمم القبطية فى مصر متحدة ضد التعديلات مما يدفع المسلمين دفعا للوجود فى الجهة الأخرى. بصراحة لازم نكون حقانيين ونرفض هذه الصورة السيئة لأنها تسيئ لنا جميعا. ويلا جهزوا نفسكوا علشان ننزل نصوت و نمارس الديموقراطية لأول مرة فى حياتنا
والله لولا قواعد المنتدى كان الكلام واخد ابعاد تانيه
عشان الاسلوب فى الكلام بجد يحتاج لوقفه
بس ديه ضريبه الحريه ان احنا نشوف الحاجات ديه -
ارحمنا برحمتك يا رب