الموضوع: كنت إنهاردة في مؤتمر شعبي كبير للسلفيين و الجماعة الإسلامية

المشاركة الأصلية كتبت بواسطة ahmedbatoos

انا كنت في مؤتمر للدعوة السلفية في العجمي :) والكلام كان مختلف تماما
طبعا قالوا عن لية المسلمين خايفين من الاسلام والاقباط ليهم حق لكن انت كا مسلم لية
وقالوا ان دلوقتي المسلمين اغلبهم مبيحترموش اراء الشيوخ بينما المسيحين بيحترموا اراء البابا جدا
وقالوا ان التصويت رأي وواجب شرعي وليس التصويت بنعم واجب شرعي . . او علي الاقل هذا ما سمعتة منذ سمعت
تكلموا بنحية سياسية قالوا الناس الي بتقول احنا خايفين من اي شريعة اسلامية وسمعت امثلة مضحكة
زي واحد بيقولي دلوقتي حد الزنا . . بيتنفذ لما يكون 4 شافوا الي زنوا رؤي العين بقلة تمام يقلي طيب واحد بيزني 4 شافوة !! ده تتوقع بيزني فين قلتلة في ميدان عام قالي يبقي يستحق الجلد ولا لا ضحكت

قالي طيب انا مستعجب واحد يقلي انتوا هتخلوا الي يسرق يطقطع ايدة !! وهو انت ناوي تسرق مثلا !!

وفي النهاية الاراء اجمعت ان تحكيم الشرع غير وارد في هذه المرحلة بسبب الظروف الداخلية والخارجية
وان الافضل الناس تعرف دينها صح فهما الي يجيوا للاسلام وشريعتة وميتغصبوش علية

وفي الاخر سمعت رأي تقريبا احد الي حطوا التعديلات !! واكتشفت انة سلفي وكان في لجنة وضع الدستور وقال ان الناس مش فاهمة نعم افضل بخلاف رأي دين او غير دين

وقالي ما التعديلات عطت الحق للمسيحي والمرأة الترشح ودة حرام قال طيب احنا لية بنوافق علي التعديلات !! يبقي السبب مش ديني بحت

الفكرة كلها اتقسمت كدة بسبب الكنيسة لان اول مؤسسة قالت رئيها هي وقالتة بلرفض طبعا !!

وقالي ان مثلا ناس تقلك المادة 190 المضادة مع التعديل بتاع مدة الرئيس 4 سنين
قالي اولا الموافقة علي التعديل الدستور ساقط ساقط وهو سقط فعلا فية 200 مادة احنا هنحتاج عدد قليل جدا نمشي البلد مع التعديلات الباقي كلة ولا كئنة موجود وقالي اساسا المادة دية خاصة بلسادات وقعد يشرحلي حاجات سياسية كتيرة فهمت انها اتلغت او معطلة بموت السادات

وأكدلي ان لو قلنا لا الجيش مش هيقدر يعمل مجلس رئاسي ومش موافق وقالي مفيش دستور جديد قريب ابدا ولا في اي انتخبات وهنفضل زي محنا
وقالي حاجة متنشرتش في الاعلام قالي لو الجيش قلنا لا وفكر يعمل مجلس تأسيسي لدستور جديد قالي في مشكلة كبيرة احنا كنا بنتخانق ومظاهرات علي وزارة 20 نفر الناس دية هتعمل اية علي تعين 100 نفر !! وقال اننا طلب مننا الجيش نفكر في طريقة نقدر ننتخب منهم المية !! وقال انها هتكون صعبة ومجحفة للغاية


وقرار النهائي نعم ان شاء الله . . مش عشان حرام وحلال ومش عشان الاخوان والكنيسة

انا هقول نعم لأنها الافضل لمصر لأني رايح بكرة استفتاء علي مستقبل مصر مش استفتاء علي متش كورة مين يفوز ومين تبع مين


وشكرا ليكم ويارب الاختيار السليم هو الي يكون اغلبية

نسيت اقول ان الشيخ حاتم هوا الي صلي بينا العشاء :) وفرحت جدا اول لما سمعت صوتة وافتكرت رمضان

الله يفتح عليك هو ده الكلام الموزون للي بيفكر بحيادية والله

المشاركة الأصلية كتبت بواسطة عمرو عمارة

لم أكن أريد أن أكتب هذا الكلام....ولكنه واقع مرير نعيشه

لم أرى قبطي واحد يُنشىء موضوع جديد ينتقد فيه ويسخر من الكهنة أو القساوسة الذين يدعون النصارى بكل قوة لقول لا

ونحن المسلمون نسخر ونستهزء بعلماء ومشايخ الأمة وأصبحنا فقهاء في الدين لنمليَ عليهم ونحاسبهم

والله إن هذا لإثمٌ عظيمٌ إقترفتموه

أُشهدك ربي إني بريءٌ مما يقولون
واغفر لهم فإنهم لا يعلمون

وإنا لله وإنا إليه راجعون

بالظبط
يعني غالب النصارى بيمشي ورا كلام القساوسة بالملي
ولما يجي المشايخ كلهم يجتمعوا يعني راي جامع لأهل العلم في بلدك يقول مش عاوزين ندخل الكوسه في البتنجان ليه يا عم ده طعمهم حلو يقولك لأ لازم لما تاكل تاكل بتنجان بس
طيب يا عم انا حر وانت بتنادي بالحرية سيبني ادخل الكوسة في البتنجان يقولك لا برضه لازم الكوسة تبعد عن البتنجان
االه يخربيت اليهود وينتقم منهم وربنا ينتقم من كل علماني

المشاركة الأصلية كتبت بواسطة mahamedaraby

استاذ عمرو واخد الكلام من الناس كلها على مبدأ المؤامره والنيه مش حسنه ولكن لما تيجى تكلم على واقع مثبوته بيتدى العداد يشتغل وبيعد ويقولك دول بشر مكنش قصدهم ويلتمس 1000 عذر مش 100

العداد شغال برضوا مش كده ولا ايه

مش عارف انا الناس اللى بتكفر واللى بتدخل الجنه مين اللى ادهم الحق بكده

ياعم قولنا بقه بلاش كلام مزايد فيه تعبتونا يا جدعان
والله ثم والله ما في حد بيضلل الناس اكتر من اللي بيزود كلام علشان مش عاجبه
مين قال كافر ومش هيدخل الجنة
اتحداك تجيب واحد بس قال كده
ارحمونا بقه من ام الأفتراءات اللي عاوزين بها تكسب ارض وخلاص
هيا دي الحرية والديمقراطية برضه

المشاركة الأصلية كتبت بواسطة ahmed ezz

الفرق يا اخي ان في الاسلام لا قداسة لبني آدم علي اخر ...

ايوه صح ولكن حضرتك ده لما يبقى الشيخ بيفتي من دماغه ومن خياله
اما لما يقول المصلحة في ده اكبر من ده يبقى حضرتك مبيقولش ان ده كافر ولا ده مش هيدخل الجنة
ولكن بعلمه اللي عنده وده مش راي فرد واحد وانما مشايخ وعلماء اجمعوا على ذلك
يبقى لازم اثق في كده سواء انا مقتنع او لأ
ده لو حضرتك بتتبع مشايخ
اما لو مش فارقه معاك فيبقى حضرتك حر وانا كمان حر اسمع كلامهم ويضللوني انا بررضه حر

المشاركة الأصلية كتبت بواسطة AhMeD EzZ

استاذ عمرو الراجل شاف موقف و جع حكاه ليس بالضرورة يكون غرضة كدة ... افرض حسن النية لاخيك ...

حضرتك هو مش عاجبه الموقف وبينتقده.....فأين حسن النية هذه ؟؟؟

استاذ عمرو الاولى تفهمه و تشرح نقطة استحباب تاخير صلاة العشاء ... انا واحد من الناس مكنتش اعرفها ...

نعم بالفعل ولكن هل طلب إستفهام أو شرح لهذا الموقف ؟؟......يا فندم هو بيسخر من الموقف وينكره!!!!!

المشاركة الأصلية كتبت بواسطة mahamedaraby

استاذ عمرو واخد الكلام من الناس كلها على مبدأ المؤامره والنيه مش حسنه ولكن لما تيجى تكلم على واقع مثبوته بيتدى العداد يشتغل وبيعد ويقولك دول بشر مكنش قصدهم ويلتمس 1000 عذر مش 100

مؤامرة ؟؟!!!!........ممكن حضرتك توضحلي أين هي حسن النية من صاحب الموضوع !!؟؟

العداد شغال برضوا مش كده ولا ايه......شغال طبعاً يا باشا

مش عارف انا الناس اللى بتكفر واللى بتدخل الجنه مين اللى ادهم الحق بكده

كما قلت سابقاً.....مسئلة التكفير دي أصبحت لبانة في أفواهكم لمجرد الإختلاف والإعتراض.....أين هذا التكفير الذي تتحدث عنه ؟؟!!!