اللى عرفته ان الأخوان عملوا نفس الحركة ... دا من بثينة كامل
من واقع الكشوفات...يوجد كشوفات قيد يتم ملأها أثناء الاستفتاء
بس طبعا....بعد لما يكون التحايل ظهر أثره على النتيجة بزمان
يعنى لو إجمالى الناس إللى هتصوت 40 مليون.....و فى وضع تقارب عدد الناس فى معسكر نعم و معسكر لأ....تخيل 10% فقط صوتوا مرتين..يعنى 4 مليون صوت باطلين..طبعا كفيلين جدا بتغيير شكل النتيجة....
ياريت السادة إللى بيشككوا فى الموضوع و شهادات الأعضاء يكفوا عن ذلك لإن ده اتهام و تشكيك فى ذمم الناس...
الموضوع مش علشان نقول نعم و لا لأ.....الموضوع عبارة عن تجميع لشهادات واقعية و تجارب شخصية عن أى تجاوزات حدثت خلال اليوم.....
و الهدف الأسمى هو إن مع المزيد من الانتخابات القادمة ...الواحد يخلى باله من أى سقطات حدثت له فى أول يوم خبرة ليه فى موضوع التصويت فى انتخابات عامة إنها ما تتكررش إن شاء الله
أنا كان فيه واحد عمال يقوللي علم على الاسود وقعد يصر على صاحبي برضه
كنت هشتكيه بس من الزحمة عديتها ومشيت
فيديو تزوير فى احد اللجان
[youtube]http://www.youtube.com/watch?v=WX3e7XQkDyI[/youtube]
الساعي اللي بيشتغل معايا راح ينتخب وجه من شوية
سألته عن اللي حصل
قالي وهو في اللجنة قابل واحد دكتور صيدلي جنبنا قالو انت ح تقول ايه ؟؟
قالو ح اقول نعم
قالوا ليه هو انت عاوز مبارك يرجع تاني ؟؟
قالو ازاي يعني يرجع تاني ؟؟؟
وهنا تدخل القاضي اللي ماسك اللجنة لما لقى فيه صوت عالي وقالو ده بيقولي لو قولت نعم مبارك ح يرجع تاني
قام القاضي قال للدكتور انت واقف هنا اصلا بتعمل ايه ....انت مش صوت خلاص ... التفضل برة اللجنة لو سمحت
..
..
انا صوت الساعة 8 صباحا انا وزوجتي وماليش ملاحظات تذكر
بيتهيالى اللى هيقف فى الطابور بالساعتين مش هيفكر يروح يدلى بصوته فى حته تانيه
حضرتك متأكد من صحة الفيديو؟؟؟ مينفعش مثلا حد مصوره و ملوش دعوه بالاستفتاء لمجرد انه يهيجنا على النتيجه ايا كانت؟
تم التصويت منذ دقائق ... اللجنة المعاملة فيها باحترام شديد و لا تدخل في الراي من اي احد
اللجنة هي لجنة بكلية هندسة شبرا ..
بلغ هنا ده الموقع الرسمي لللجنة المشرفة
ط§ط¨ظ„ط؛ ط¹ظ† ط§ظ„طھط¬ط§ظˆط²ط§طھ ط§ظ„ط§ظ†طھط®ط§ط¨ظٹط©