حادثة للجين2

**eng_Amr** · 19-03-2011 08:32 PM

بسم الله الرحمن الرحيم.
اخباركم ايه ياشباب بروتون وعاملين ايه فى الا ستفتاء يارب كله يكون شارك. وايا كانت النتيجة تكون خير لمصر ان شاء الله.

فى الايام اللى فاتت عملت حادثة بالجين 2 .. بغض النظر عن تفاصيل الحادثة 3 عربيات اتصابوا
جين 2 و 132 و افيو وكله كان بسبب ال132

الاضرار عندى كانت الفانوس الشمال والرفرف جمب الفانوس والكبوت من عند الفانوس اتنى لجوة

1. الجين 2 ماشاء الله صاجها جامد. على الرغم من ان الخبطة الاكبر كانت مع ال 132 وداخل فى عضم
2. المناورة مع الفرامل كويسة
3. الفرامل ملحقتش اعرف اذا كانت كويسة ولا لا . يعنى لبست فجاة وبعد كدة بدوس فرامل عشان الم العربية يميين وشمال
4. الشرطة ماجاتش لحد مازهقنا وانا والافيو سامحنا الراجل بتاع ال132

اتعرفت على ايمن منسق القسم وبصراحة جدع جدا على الرغم من انى اتصلت بيه كتير.. كان بيرد او بيتصل تانى لو مردش.

الايام دى الناس بتسوق بدون رقابة والحوادث كترت جدا اكتر من 10 اصحابى عملو حوادث.

ربنا يسترها معانا كلنا ان شاء الله