شهادة حق للاخوان

**mahmoudysf** · 20-03-2011 02:39 AM

النهاردة انا رحت اللجنة متاخر وطبعا لقيت زحمة ووقفت حوالي ساعة ونص
لاكن ما لفت نظري وعكس ما كنت اتوقع ان الاخوان قامو بدور كبير جدا في عملية التنظيم ومنعو اي محاولا ت للفوضى والتدافع وكانو ا يقومون بجهود غير عادية في حماية اللجنة وتنظيمها
اهم من ده كله لم ارى اي حد من الاخوان سواء داخل او خارج المدرسة يقوم بتوجيه احد ليقول نعم
والله على ما اقول شهيد

**kono** · 20-03-2011 02:43 AM

وهو ده العادى من الاخوان ..دائما منظمين وجاهزين لكل شئ

**mahmoudysf** · 20-03-2011 03:10 AM

المشاركة الأصلية كتبت بواسطة kono

وهو ده العادى من الاخوان ..دائما منظمين وجاهزين لكل شئ

وهل ده يعتبر عيب والا العيب هو فشل كتير من القوى انها تكون زيهم في التنظيم بدل الصراخ طول الوقت وتخويف الناس منهم

**kono** · 20-03-2011 03:19 AM

هو الكلام فيه حاجة تدل انه عيب ؟؟؟
اعتقد التنظيم والجاهزية شئ مش بيعيب صاحبه

**mxz911** · 20-03-2011 05:21 AM

انا رحت النهارده وقلت صوتى وشهاده حق والله العظيم مجالى حد منهم ولا قالى حتى نصيحه مثلا تخلينى اقول نعم او لا

رحت دخلت اديت صوتى من غير ما حد يكلمنى ..

والله على ما اقول شهيد

**mikho83** · 20-03-2011 07:29 AM

الأجمل من كده عندنا إنهم جابوا وجبات غداء للعساكر اللي واقفين والقضاة ووكلاء النيابة

**hossaam** · 20-03-2011 07:35 AM

على باب المدرسة من الخارج كان اعداد كبيرة من السلفيين لابسين فيستات فوسفورية بينظموا المرور
ويوجهوا الناس للوقوف في الصف ...ولما وصلت انا وزوجتي ما كنش فيه صف للنساء فدخلونا على طول
وماشفتش او سمعت حد منهم بيكلم حد في موضوع نعم او لا...
وانا صوتت ب "لا"

والله على ما اقول شهيد

**arakysolom** · 20-03-2011 08:37 AM

المشاركة الأصلية كتبت بواسطة mikho83

الأجمل من كده عندنا إنهم جابوا وجبات غداء للعساكر اللي واقفين والقضاة ووكلاء النيابة

اهو ده اللي بعض القنوات الفضائية علقت عليه و قالوا ان الاخوان كانوا بيوزعوا اكل علي الغلابة عشان يقولوا نعم
والله انا زهقت من الاعلام و اكاذيبه ، قناة اون تي في بتاعة ساويرس عامله اعلان مدته اكتر من خمس دقائق عشان تعبئة الناس يقولوا لا
و عاملين حمله شنعاء علي الاخوان انهم بيعلقوا ملصقات بتقول قول نعم و تم الكذب و الافتراء عليهم بأنهم يخوفون الناس من النار ؟؟؟
الم يعلن المجلس الاعلي للقوات المسلحة عن عدم استخدام وسائل الاعلام لأي تأثير علي الناخبين بداية من الجمعة لماذا ترك الاعلان بتاع لا ينشر بعدد كبير من الصحف يوم الجمعة ؟
لماذا في فتنة اطفيح قيل ان وراء هذا امن الدولة و عندما علقت يافطة منسوبة للشيخ المحلاوي و الاخوان بالواجب الشرعي بنعم و علي الرغم من نفي الاخوان لذلك و انا حضرت خطبة الجمعة الماضية للشيخ المحلاوي و قال انا اتبرأ من اليافطة و كل من كذب علي لساني انا قلت فقط لا تكتموا الشهاده و ذهابك للأستفتاء واجب ، لماذا لم يقال وقتها ان امن الدوله و بقايا النظام من قام بفعل ذلك لعمل فتنة اخري بين صفوف الشعب

**hossaam** · 20-03-2011 08:59 AM

انا قرأت يافطات ومنشورات كتير للاخوان لتشجيع الناس للتصويت بنعم...
ولم اجد اي اشارة في كل ما قرأت تربط بين نعم والجنة والنار والحلال والحرام....
ولكن كل الكلام حول الاستقرار...عودة الجيش لثكناته...الخ

يا ريت الاخوة اللي بتتهم الاخوان بده يحطولنا دليل رسمي منسوب للجماعة (الاخوان مش السلفيين)....
ليهلك من هلك عن بينة ويحيا من حي عن بينة

**tiger45** · 20-03-2011 09:47 AM

للاسف كتير من الناس ورثوا من النظام السابق مهاجمة الاخوان
انا مش اخوانجي
بس انا مش من هواة مهاجمة الناس بغير حق

الموضوع: شهادة حق للاخوان

LinkBack

أدوات الموضوع

عرض

شهادة حق للاخوان - انشر الموضوع فى :

-

-

-

-

-

-

المواضيع المتشابهه

الفين سلام وتحيه للاخوان المسلمين

سؤال للاخوان ملاك الماتريكس

شهادة المخالفات و شهادة البيانات

الكلمات الدلالية لهذا الموضوع

المفضلات

المفضلات

ضوابط المشاركة