غبور يوعد بوصول حجم مبيعاته الي 500 الف سيارة سنة 2012

**Ahmed Anwer** · 11-04-2008 12:53 AM

أعلن رؤوف غبور رئيس مجموعة "غبور" الوكيل الوحيد لسيارات "هيونداي" الكورية وصول حجم مبيعات سيارات "هيونداي" في السوق

المصري خلال الشهور الثلاثة الماضية إلى 275 ألف سيارة.

وقال غبور خلال حفل إطلاق سيارة "هيونداي i 30 " الجديدة في السوق المصري والذي أقيم في محكى القلعة بالقاهرة مساء الأربعاء إنه مبيعات

هيونداي تخطت كل التوقعات ، مشيرا إلى أنه حينما قال قبل سنوات "إن مبيعات سيارات هيونداي ستصل إلى 250 ألف سيارة سنوياً ، وصفه

بالجنون وإنه يحلم" ، إلا أن الحلم تحقق.

وأطلقت مجموعة "غبور" سيارة "هيونداي i 30"وسط حشد كبير اجتمعوا عند محكى قلعة صلاح الدين ، واستمتعوا بالسيارة الجديدة على أنغام

أغاني المطربة الشابة جنات.

ودعا غبور في كلمته خلال الاحتفال الحكومة إلى مزيد من القرارات التي تساعد على نمو سوق السيارات في مصر.

واستنكر وجود سيارات مر على صنعها 25 أو 30 عاماً ومازالت تسير في شوارع القاهرة ، مطالياً حكومة الدكتور أحمد نظيف رئيس مجلس

الوزراء بالحد من وجودة تلك السيارات خاصة مع زيادة المعروض من السيارات الجديدة وتقديم تسهيلات كبيرة في الشراء.

واختتم غبور كلمته بتفجير قنبلة عندما توقع وصول مبيعات هيونداي عام 2012 إلى 500 ألف سيارة سنوياً ، محذراً بعدم اتهامه بالجنون حال

وصول المبيعات إلى هذا الرقم مثلما تم اتهامه بذلك عندما توقع تجاوزها 250 ألف سيارة سنوياً قبل سنوات وقد تحقق هذا الرقم وأكثر بالفعل خلال

الشهور الثلاثة الأولى من 2008.

منقول من موقع كونتكت

تم حذف اللينك لكونة موقع منافس
الادارة 1

**dr_mohamed2007** · 13-04-2008 05:04 PM

ربنا يكرمه كمان وكمان ..............

**aliabutaleb** · 13-04-2008 05:20 PM

المشاركة الأصلية كتبت بواسطة Ahmed Anwer

واستنكر وجود سيارات مر على صنعها 25 أو 30 عاماً ومازالت تسير في شوارع القاهرة ، مطالياً حكومة الدكتور أحمد نظيف رئيس مجلس الوزراء بالحد من وجودة تلك السيارات خاصة مع زيادة المعروض من السيارات الجديدة وتقديم تسهيلات كبيرة في الشراء.
منقول من موقع كونتكت كارز

فيه ناس عايشة في أبراج عاجية
مش حاسسة بالمعاناة بتاعة الناس
الأخ بيستنكر آآل

**أبو عبدالله** · 13-04-2008 06:36 PM

الرجل السفيه يتكلم في امر العامة

**hazem_khidr** · 13-04-2008 07:42 PM

مش بعيد علي هيونداي فعلا انها توصل للرقم دا في خلال اربع سنين .
بس فعلا اللي ايده في الميه مش زي اللي ايده في النار :(
عالم مش حاسه بمعناه الناس :(:(
شكرا احمد باشا علي الخبر :)

**Ahmed Anwer** · 13-04-2008 07:57 PM

المشاركة الأصلية كتبت بواسطة hazem_khidr

مش بعيد علي هيونداي فعلا انها توصل للرقم دا في خلال اربع سنين .
بس فعلا اللي ايده في الميه مش زي اللي ايده في النار :(
عالم مش حاسه بمعناه الناس :(:(
شكرا احمد باشا علي الخبر :)

اعتقد يا حازم باشا ،،

مش شرط ،،

عندك مثلآ توكيل تويوتا ،،

اصبح ذكي جدا ،،

لو تلاحظ سعر الياريس موت النيو اكسنت و الريو تماما

يعني اصبح فئة السوبر ميني ( المستوردة )دي تقريبا المنتصر فيها الماركات اليابانية

لأن مفيش فرق سعر مغري

و برده حركة الكورولا الجنوب افريقي بالأوبشنز الخيالية و السعر المنافس

و كمان بقوا يصرفوا علي الدعاية جامد جدا وشوف اعلاناتهم في نجوم اف ام و ملاحق السيارات و القنوات الفضائية

لأ داخل جامد جدا مع طبعا انه ماسك براند اعلي ،،

علي فكرة قريت في ملحق الأهرام ان حاليا تويوتا 10% من السوق المصري ،،

و دي نسبة اعتقد عالية جدا محصلتش لتويوتا من قبل و اعتقد هتزيد كمان

ده غير عودة كيا و الشيفرولية الكوري ،، اساسا هيقطعوا جزء كبير من حصة هيونداي في سوق الكوري ،،

بس هوا غبور الفلوس اللي عملها السنين اللي فاتت

هتسنده جامد في المنافسة دي بتسويقه اللي اكتر من اعلانات السمنة و جرأته برده في تنزيل كل الموديلات الجديدة

غير ان هيونداي بقت تنزل موديلات اكتر جاذبية من زمان بكتير

**hazem_khidr** · 13-04-2008 08:43 PM

معاك يا احمد باشا
بس خد في بالك ان انت بتجيب اقل اوبشن في الياباني باعلي من الفول اوبشن الكوري
و الدليل علي كده النيو اكسنت ايام ما كنت بجيب الياريس الهاف اوبشن ب 83 كانت النيو اكسنت فول اوبشن و اتوماتيك و 1600 ب 85 بس .
لولا ان شكل الياريس عجبني اكتر و عاوز عربيه موفره للبنزين كنت جبت النيو اكسنت .
يعني لو انا لسه بتنطط بالعربيه و بجري و بقرص كنت حجيبها و مش حجيب الياريس.
لكن كل سن و ليه حكمه :)
بس عندك الالنترا مثلا بدات تنتشر و بقي ليها زبون لان الفرق في السعر بينها و بين الياباني برضه مش اقل من 20 او 30 لف .
و هو دا اللي حيعلب عليه الفتره الجايه
مع نزول الموديلات الجديده و التسميه الجديده (i10 .i30 الخ الخ )اكيد في تحسين علي مستوي الخامات و الاشكال بالتاكيد ودا حيزود المبيعات جدا .
و اتوقع مع زياده مبيعات السيارت الجديده و صوره هيونداي الجديده ممكن يحقق الرقم دا في اقل من 4 سنين

**bassam nagy** · 13-04-2008 10:31 PM

اتوقع انوا هايوصل لمبيعات 500 الف سيارة
لانوا عرف يكسب جميع الفئات سعرية وبدايتة 50 و 60 و 70 و80 و90 و 100 الف
ودة اكتر المبالغ المتاحة بالنسبة لفئة كبيرة من الشعب

**Chicco** · 13-04-2008 10:41 PM

سؤال بسيط مع الزيادة اللي غالبا حتحصل ديه مراكز الصيانة.... اللي أصلا فيه كلام كتير عليها .... حتقدر تسد ولا إيه ؟!

**Ahmed Anwer** · 13-04-2008 11:31 PM

المشاركة الأصلية كتبت بواسطة Chicco

سؤال بسيط مع الزيادة اللي غالبا حتحصل ديه مراكز الصيانة.... اللي أصلا فيه كلام كتير عليها .... حتقدر تسد ولا إيه ؟!

هوا بالفعل بيزود مراكز الصيانة جامد ،،

و عامل عرض اي حد عنده قطعة أرض أو مكان مميز ،،

يعملهوله مركز صيانة و يتكفل بكافة التجهيزات

و كل اسبوع يعلنوا عن مركز صيانة جديد اخرهم ابو غالي في العبور و واحد تاني تحفة عند كارفور المعادي ،،

مشروع هايل ،، كفاية بس مصنعيات الصيانة الدورية ،،

و الحسابة بتحسب ،،

بس المشكلة في الكوادر الفنية المدربة ،، ضايعه عنده

أو ما بتظهرش غير عند اللزوم ،،

السؤال الأصعب العربيات دي كلها ،، هتمشي فين ؟؟

و أصلأ العربيات القديمة مبتترميش ،،

تقريبا هنمشي فوق بعض ،،،

عموما لو حصل فعلآ ما يتردد انه اشتري شركة النصر يبقي كده ممكن يوصل لأكتر من كده ،،

اللي سمعته حاليا انه مآجر خط انتاج فيها بيجمع فيها الفيرنا و السوناتا هيا اللي بتتجمع في مصنعه