الاخوان و اللي كاريهينهم للي عاوز يفهمهم

**otefa** · 20-03-2011 06:38 PM

رابط المشاركة
اقتباس
المشاركة الأصلية كتبت بواسطة pro_samir

في ناس كتير جدا قالت نعم لمجرد ان اتقالهم الصح نعم وبكل بساطه يقولو احنا هنختار نعم ولو غلط الشيخ ...... يتحاسب عننا بقي ملناش دعوه واللي يقول احنا مش هنعرف اكتر من المشايخ طالما قالو نعم يبقي خلاص هي صح .. وكلام كتير من العينه دي .. الناس البسطاء دول مش شويه ، يعني لو علي مثال المنصوره شوف كام واحد من 41000 اختار نعم بالمنطق ده وشيلهم من العدد أو حتي ضيف نصهم علي نعم و نصهم علي لا وشوف شكل النتيجه هيبقي عامل ازاي

ده بغض النظر عن مين صح و مين أصح ، وبغض النظر عن ان ده حق الناس حتي لو مش فاهمه

بالظبط ده واقع وطبيعة الشعب المصري وكان رأي كده من شهور الديمقراطية مش هاتخلي الدنيا والحياة وردي بين يوم وليلة مع نشبة أمية عالية وثقافة لها طابع خاص
الحمد لله حطينا رجلنا على أول الطريق ولسة قدامنا كتييييييير ممكن فترة حكم(4سنين) وممكن( 16 سنة)
دي حاجة ترجع لأسلوب الأصلاح لو تم الأهتمام بالتعليم (مدارس وجامعات) وأضافة مواد للمناهج(ثقافة سياسية)
وزيادة الوعي الشعبي السياسي عن طريق وسائل الأعلام وبدرجة شفافية مقبولة دون توجيه في أتجاه ما لمصالح تيار ما
النتيجة مهما حاول أي تيار توجيه جموع الناس في أتجاه سياسي ما أذا مالم يجدو مصداقية ومصلحة عامة للبلد لن يستطيعوا حشد تأييدهم(وعي سياسي ديني أجتماعي)
وده سبب نجاح الديمقراطية بصورة رائعة في بعض البلاد وفشلها أو تعثرها في البعض الأخر(ليس المؤكد أن رأي الأغلبية يكون صحيح )
وعلشان كده نموذج الشورى الأسلامي هو الأنجح على الأطلاق(النخبة والصفوة والمشهود لهم برجاحة العقل والفكر والخبرة وليس العوام بالمجتمع)

**aly_hosny** · 20-03-2011 06:42 PM

المشاركة الأصلية كتبت بواسطة mikho83

أعتقد إن فهم حضرتك للديموقراطية مش صحيح. الديموقراطية إنك تقول رأيك وغيرك يقول رأيه والنتيجة النهائية كله هايمشي وراها. لو حضرتك في حزب معين والحزب اقتنع بحاجة أكيد حضرتك هاتحاول تقنع بيها الناس، يعني مش مجرد إنك هاتحتفظ بيها لنفسك وإلا الحزب مش هايكون ليه لازمة.
احنا عندنا في المدرسة أول ماد خلت الاستفتاء لقيت كل الحوائط بلا استثناء مكتوب عليها لا للتعديلات بشكل مستفز. حضرتك تخيل كده مين اللي ممكن يكتب لا للتعديلات. وليه كتب في المدرسة دي بالذات؟
أرجو تكون فكرتي وضحت

المشاركة الأصلية كتبت بواسطة human12

الديموقراطيه انى ماروحش لانسان بسيط اقوله لو قولت كذا هتحشر مع الكافرين

الديمقراطية اني اقول للناس لو قلت نعم دا ال هيحصل و دا في مصلحة البلد
مش اقوله اقوال ما بين هتكفر و مش هتلاقي تاكل و امريكا هتحتلنا

انا بعترف اني مش محايد معاهم بس دا نتيجة معاشرتي ليهم لمدة 4 سنين في الكلية "ودول الصغيرين " ما بالك بالكبار و ال بيعملوه

**ghazy12** · 20-03-2011 07:09 PM

انا ممكن ارص دستة اسئله دلوقتي و صدقني ماظنش انك هتعرف تقوللي
اجابه واحده شافيه و بالدليل على اي سؤال منهم... لكن انا هكتفي بطلب واحد...

ارجو من الاداره تثبيت الموضوع ده تحديداً, علشان نتكلم في كل اللي اتقال
ده بس كمان كام شهر كده... و نشوف الكلام الحقيقي من اللي مش حقيقي...

و لو اني عارف ان بعض الكلام هيتمدد بلغة الكيمياء أو (هيمط) بالعاميه
و هنقول ألف سبب و سبب نبرر بيه تغير المواقف و الكلام و الوعود

نتقابل كمان كام شهر ان شاء الله ان كان لينا عمر... و نتكلم عن الواقع

و يا رب تبقى على نفس القوه و الثقه في كلامك...

طبعاً و علشان ماحدش يقولني كلام ماقلتوش بردو, لاني متأكد ان ده هيحصل كالعاده

انا مش بشكك في الاخوان لا سمح الله... لكن بقول بوضوح ان الاخوان
ليهم سلبيات, و ده طبيعي طبعاً, بس في سلبيات مش مفهومه بصراحه
و بدون الدخول في تفاصيل اكتر لان مالوش لازمه...

انا كمسلم ماحبش ان السلبيات دي و خصوصاً المبهم منها يفضلوا كده
بلا حراك او رد واضح, او تحديد للمواقف العالقه و اللي ماحدش رد عليها

بالمناسبه... كلامي من معاشرتي للاخوان سنييين, و عدد كبييير منهم كمان...

انا عمري ما كرهت الاخوان, و لا بخاف منهم و لا من التقرب منهم
و اكبر دليل اني كنت قريب جداا منهم في عز ما كان اللي يكلم
اخواني بيتشد على أمن الدوله, لكن انا بعترض على قرارت
و تصرفات ليهم, و بعترض على نقاط في نهجهم

جزء من كلامك صح فعلاً عنهم و اتفق معاك... لكن اختلف معاك في اجزاء اخرى

**ezzatfox** · 20-03-2011 07:10 PM

المشاركة الأصلية كتبت بواسطة aly_hosny

الديمقراطية اني اقول للناس لو قلت نعم دا ال هيحصل و دا في مصلحة البلد
مش اقوله اقوال ما بين هتكفر و مش هتلاقي تاكل و امريكا هتحتلنا

انا بعترف اني مش محايد معاهم بس دا نتيجة معاشرتي ليهم لمدة 4 سنين في الكلية "ودول الصغيرين " ما بالك بالكبار و ال بيعملوه

+100000000000000000
الكلام واضح زى الشمس .. مش عارف اللى بيدافع عن الاخوان بيدافع كدة لية .. مع ان اسلوبهم اقل ما يوصف بة انة جريمة انتخابية لو فعلا عندنا انتخابات صح .
يعنى اية نعم تبقى واجب شرعى و ينزل الكلام دة فى جريدة رسمية كمان - و لو قلت لا تبقى مع امريكا و ضد الاستقرار - يعنى اية الاخ اللى بيقول عشان منبقاش مع النصارى .. هو احنا عملنا الثورة عشان تقسموها دويلات و لا اية .. انا الحمدلله مسلم و موحد بالله بس الطائفية اللى شايفها فى كلام الاخوة بدون اى لازمة متطمنش الواحد على مستقبل البلد - و خصوصا من اللى كانوا بينادوا بنعم للاستقرار .

**world_of_kill** · 20-03-2011 07:16 PM

المشاركة الأصلية كتبت بواسطة dolly13

بعيدا عن مدى ديمقراطية الاخوان من عدمها هل من الممكن ان نعرف مصدر تمويلاتهم المهولة دى منين

هوه محدش قالك ان 3\4 من جماعه الاخوان دكاتره جامعه و دكاتره و مهندسين و في بعض رجال الاعمال ؟

و ان في مشاريع الناس دي عملاها زي مقلت مدارس مصتوصفات و مستشفيات ؟

**ghazy12** · 20-03-2011 07:21 PM

المشاركة الأصلية كتبت بواسطة ezzatfox

+100000000000000000
الكلام واضح زى الشمس .. مش عارف اللى بيدافع عن الاخوان بيدافع كدة لية .. مع ان اسلوبهم اقل ما يوصف بة انة جريمة انتخابية لو فعلا عندنا انتخابات صح .
يعنى اية نعم تبقى واجب شرعى و ينزل الكلام دة فى جريدة رسمية كمان - و لو قلت لا تبقى مع امريكا و ضد الاستقرار - يعنى اية الاخ اللى بيقول عشان منبقاش مع النصارى .. هو احنا عملنا الثورة عشان تقسموها دويلات و لا اية .. انا الحمدلله مسلم و موحد بالله بس الطائفية اللى شايفها فى كلام الاخوة بدون اى لازمة متطمنش الواحد على مستقبل البلد - و خصوصا من اللى كانوا بينادوا بنعم للاستقرار .

مع كامل احترامي لرأيك... لكن انت كده مش منصف اطلاقاً و متحامل على طرف واحد

لو عايز تكون منصف... شوف بردو تجاوزات الطرف التاني و هم الاقباط و الكنيسه و البابا تحديداً

يعني ايه بردو الكنيسه تحشد الاقباط في الكنائس و تقولهم لازم تصوتوا بـ(لا) علشان الاخوان هيقولوا
نعم, و علشان تنصروا دينكم و الكلام ده..!!!! ده بردو قمع للرأي و امر مباشر بالتصويت بـ(لا)
علشان الدين, و بنفس الطريقه بيستخدم الدين وسيله ترهيب للوصول لاهداف اخرى بشكل فيه تجاوز كبير

مش بس الاخوان غلطوا في ده من وجهة نظري... انما الكنيسه و الاقباط بردو

فلو انت ضد تصرف الاخوان, و بتنتقده, يبقى لازم كمان تذكر في نفس الموضوع تصرف الاقباط
و الكنيسه و تكون ضده و تنتقده على حد سواء...

ده رأي الشخصي, و يا ريت تتقبله بصدر رحب...

**otefa** · 20-03-2011 07:51 PM

المشاركة الأصلية كتبت بواسطة ghazy12

مع كامل احترامي لرأيك... لكن انت كده مش منصف اطلاقاً و متحامل على طرف واحد

لو عايز تكون منصف... شوف بردو تجاوزات الطرف التاني و هم الاقباط و الكنيسه و البابا تحديداً

يعني ايه بردو الكنيسه تحشد الاقباط في الكنائس و تقولهم لازم تصوتوا بـ(لا) علشان الاخوان هيقولوا
نعم, و علشان تنصروا دينكم و الكلام ده..!!!! ده بردو قمع للرأي و امر مباشر بالتصويت بـ(لا)
علشان الدين, و بنفس الطريقه بيستخدم الدين وسيله ترهيب للوصول لاهداف اخرى بشكل فيه تجاوز كبير

مش بس الاخوان غلطوا في ده من وجهة نظري... انما الكنيسه و الاقباط بردو

فلو انت ضد تصرف الاخوان, و بتنتقده, يبقى لازم كمان تذكر في نفس الموضوع تصرف الاقباط
و الكنيسه و تكون ضده و تنتقده على حد سواء...

ده رأي الشخصي, و يا ريت تتقبله بصدر رحب...

+1
القانون ألي يمنع الأخوان يمنع برضه الفنانين والفضائيات ألي كان واضح تحيز عدد منها
YouTube - ‫ظ„ط§ ظ„ظ„طھط¹ط¯ظٹظ„ط§طھ ط§ظ„ط¯ط³طھظˆط±ظٹط©‬&lrm;

**ghazy12** · 20-03-2011 08:03 PM

اهو انا بقى ضد الاعلان ده تحديدا و جدااااااااااا كمان...!!!!! استفزااااااز

خصوصاً موضوع هات معاك 5 ده... قمة التخلف اللي في العالم

عموماً قناة on tv فقدت مصداقيتها عندي لانها كانت منحازه تماماً
لرأي (لا) على رأي نعم, و كانت بتحاول دائما تطلع الاخوان منافقين
و بتشكك في مواقفهم و فيهم بشكل عام عن عمد و بشكل مبتذل و فيه اسفاف
و طبعاً كان مفضوح تماماً للكل... و موقفهم كان مخزي مش بس في القضيه دي
انما كمان في قضية البحرين و انهم كانوا بيجيبوا طرف واحد بس على الهواء
و هم الشيعه, و مش بيسمعوا الطرف التاني اطلاقاً... و ده كرهني فيهم

مع ان الوضع في البحرين كاااااااااااااااارثي بسبب الشيعه الـ..........
ولا خساره فيهم الشتيمه لانهم مايستاهلوهاش حتى...

و كل اللي بيعرضوه ان في مذابح, و الأمن بيضرب و يموت فيهم كلام فاضي
و كذب و تلفيق و فبركه... دول كانوا بيقتلوا الهنود و السنه في البحرين
و يمسكوهم قصاد الكاميرات و يقولوا انهم شيعه و ان الأمن هو اللي قتلهم..!!!!

كله إلا الشيعه عندي, لاني بكرهم كره غيييير طبيعي بالمره و لا يوصف

حسبي الله و نعم الوكيل

**aif** · 20-03-2011 09:33 PM

الاستفتاء انتهى والنتيجة اعلنت والموضوع انتهى
ياريت بقى نقطة ومن اول السطر علشان نركز مناقشاتنا وحوارتنا في الوضع في الفترة المقبلة
كلنا بنحب مصر ومحدش بيحب بلده اكتر من التاني مسلم ومسيحي واخواني وعلماني وسلفي ويميني ويساري
كلنا عاوزين مستقبل افضل لبلدنا
ياريت لو تكرمتم ننهي النقاش المتعلق الاستفتاء وتوابعه وآثاره وآراءه عند هذا الحد
لو سمحتم
عشان خاطري انا مش اكتر
انا ح اكتب المشاركة دي في كل المواضيع المعنية بالاستفتاء