الموضوع: اعمل فين صيانه ال 5000

السلام عليكم
انا عربيتي عملت بتاع 5200 دلوقتي و عايز اروح اعمل الصيانه
المشكله اني بشتغل 6 ايام في الأسبوع و الجمعه بس اجازه
و شغلي في القريه الذكيه عند بوابات طريق اسكندريه الصحرواي الكيلو 28 ابو رواش
هل في اي مركز صيانه معتمد < محترم > قريب من مكان شغلي بحيث اروح الصبح اسيبها و ارجع اخدها اخر النهار
و عندي شويه مشاكل كده يا ريت تقولولي رأيكوا فيها

1- لمبة الباب بتنور مع المطبات و نور الفوانيس بتاع الفتح و القفل مع الريموت مش شغال
2- الفرامل بقت اضعف من الأول و مشوار الدواسه بقى اطول
3- صوت صفاره مع السرعات مش عارف منين خصوصاً بعد الـ 110\120
4- الأبواب اللي ورا مش بتقفل بسهوله يعني ممكن تلت اربع مرات عبال ما تفهم اني عايز اقفلها
5- سخونه في التابلوه من تحت الزراير بتاعت الزجاج و السنتر وكده
6- ريحه التكيف معطنه لما اشغل المروحه بس
7- المساعدين اللي ورا فيهم رزعه في المطبات هل ده طبيعي ولا بسبب اني مليتهم نيتروجين
8- صوت خروشه في السماعه الشمال قدام

سؤال صغير : هو المفروض لو مليت العجل نيتروجين يبقى الضغط بتاعهم كام لأني حاسس بترزيع في العفشه ورا بعد ما حطيط نيتروجين مع اني ضابطهم 29 قدام و 32 ورا

لامو أخذه طولت عليكم

35 مشاهده و لا رد

هو ده العشم برضو