شـداد لـ فيات 128 ...

**boamengo** · 20-03-2011 01:58 PM

السلام عليكم ورحمه الله وبركاته

انا كان ليا استفسار بخصوص الشداد اللى بيركب فى ال128 من فوق اللى هوا بين البطاحتين

والشداد اللى تحت , انا عندي العربية كل فترة كدا بتدب بحس بكركبة وانا بمشي فى طريق اسفلت مش مظبوط وغيرت ميزان

العربية والعربية ظبطت فترة شوية ولقيت بتدب تاني طلع قاعدة الفتيس كانت مش كويسة غيرتها بتاع مرتين بس برضو

حاسس ان العربية بتخبط كدا من قدام والحوض كويس ومفيهوش حاجة فكنت عايز اعرف هل الشداد هيظبط العربية ويريحها

ولا ملوش لـازمة كمان انا سمعت ان الحداد بيعمله وسمعت ان فيه جاهز هل ممكن يكون فى شدادات جاهزة ل فيـات 128

معلش طولت عليكو ...

وبعتذر لو كان الموضوع فى غير مكـانه

**Ali_mehrem** · 20-03-2011 02:19 PM

مش هياثر كتير قوى و هيبقى تكلفة على الفاضى

**boamengo** · 20-03-2011 05:01 PM

مش هياثر كتير قوى و هيبقى تكلفة على الفاضى

تسلم على الرد بس انا سمعت ان الشداد بيثبت العربية احسن فى السرعة والملفات

...

**msfly** · 15-04-2011 01:22 PM

علي فكره موضوع الدبه ده في الفالب هيكون سببو ان الفتيس قريب من الكمره اللي تحت والعيب هيبقي في حجتين الاولي قاعده الفتيس او الشداد اللي فوق اما بالنسبه لموضوع الشداد محدش يقول مالوش لازمه لان الكارتيرات بتاعت ال 128 بتتفتح كد كده في المطابات والبار ده بيحكم العمليه شويه بس هو عيبو انو بينشف العربيه شويه

**boamengo** · 15-04-2011 07:25 PM

تسلم على الرد

انا كان عندي موضوع الفتيس فعلا كان نازل على الميزان وبيخبط فيه وغيرت الميزان

بس حاسس برضه ان العربية مش ماسكة نفسها اوى من قدام

إن شاء الله اعمل قصة الشدادات دي وتسلم مرة تانية على الرد

بالتوفيق

**nice_bird** · 15-04-2011 07:39 PM

لو عايز البار ممكن تعملو عمولة انا ليا واحد صحبي عاملة جايب قرصين بيركبوا عالبطاحة من بتوع الاستيراد و لاحم فيها ماسورة مرنة والحداد ظبطهالو زرشو وبقي تمام متهيالي مكلفش 35 ج ع بعض