بركولى يا جماعة على الالنترا بس فى كام حاجة قلقان منها

بسم الله الرحمن الرحيم

الحمد لله ربنا وفقنى و اشتريت الالنترا فى اوائل شهر مارس هى الالنترا 2011 مانيوال المهم و انا راجع بيعها الواد اللى كان سايقها (نظرا لانى كنت لسه ماطلعتش رخصة ساعتها) مشى بيها قرب 120 و ار بى ام 4000 فى بعض اللحظات ( على فترات قصيرة كل فترة حوالى 5 دقائق ) هل ده غلط على العربية و لا عادى المهم تانى يوم و واحد تانى جه علشان الترخيص بتاع العربية و هو لسه طالع من المكان كحت الجانب اليمين فى عمود كهرباء قشر اجزاء بسيطة من البوية مع انها لسه بشوكها و الحقيقة الموضوع ده مزعلنى قوى و بعد مدة لقيت صدا خفيف اعمل ايه اجيب قلم بوية بلون العربية على ما سمعت قبل ده و لا فى حاجة زى اسبرى او معجون لعمل طبقة عازلة علشان الصدا , المهم نسيت اقول لكم ان السنتر مع الانذار علق من تانى يوم و بعديها بكذا بوم اشتغل لوحده و ياريت سوال اخيرا ايه رايكم فى خدمة اليت من غبور و شكرا لكم .

و السلام عليكم و رحمة الله و بركاته

ايه يا جماعة 23 مشاهدة و ما فيش و لا رد طب ماحدش عايز يبارك طيب !!!!!!!!!!!!!!!!!!!!!!!!!!

الف مبروك لحضرتك ربنا يديك خيرها ويكيفيك شرها بس هوة حد ساكن جمبك بيحبك اوي ولا اية

أولاً ألف مبروك وإذا كانت متأخرة شوية
ثانياً: 120 و 4000 آر بى إم والعربية لسه جاية ده كلام مش كويس والراجل اللى كان معاك مش مهتم بمصلحة العربية .. عفواً إذا كان يهمك بس دى الحقيقة .. وهتعرفها لما تقرا الكتالوج بتاع العربية.

وياريت تمسك الكتالوج تقراه كله بتأنى .. حتى لو على كذا يوم لأنك هتلاقى فيه حاجات كتير قوى مهمة ومفيدة ..

بالنسبة لقلم البوية .. هو حل مؤقت كويس .. بس قبل ما تستخدمة خلى واحد بتاع دوكر يسنفر الحتة المصدية.

بالنسبة للسنتر .. راجع التوكيل عند أول صيانة

دامت لك بالخير

تحياتى
محمد
....

الف الف مبروك يا باشا وربنا يديك خيرها ويكفيك شرها
بالنسبة للخدش لو فية صدا خلي سمكري يكون نضيف يشيلة و اعملة بقلم بوية و متزعلش يا باشا كويس انها جات في حاجة صغيرة
السنتر اعملة في صيانة ال 1000
في اول 3000 كيلو بلاش سرعات عالية يعني من 70 ل 90

الف مبروك على العربية و ربنا يبارك لك فيها
و الاخوة ردوا بشكل كافي فمش هقول حاجة زيادة

1000 مبروك
ومتزعلش نفسك
قضاء اخف من قضاء

اقتباس:

---

المشاركة الأصلية كتبت بواسطة osama_ruan

الف مبروك لحضرتك ربنا يديك خيرها ويكيفيك شرها بس هوة حد ساكن جمبك بيحبك اوي ولا اية

---

الله يبارك فى حضرتك و الظاهر انها عين فعلا

اقتباس:

---

المشاركة الأصلية كتبت بواسطة wisenada

أولاً ألف مبروك وإذا كانت متأخرة شوية
ثانياً: 120 و 4000 آر بى إم والعربية لسه جاية ده كلام مش كويس والراجل اللى كان معاك مش مهتم بمصلحة العربية .. عفواً إذا كان يهمك بس دى الحقيقة .. وهتعرفها لما تقرا الكتالوج بتاع العربية.

وياريت تمسك الكتالوج تقراه كله بتأنى .. حتى لو على كذا يوم لأنك هتلاقى فيه حاجات كتير قوى مهمة ومفيدة ..

بالنسبة لقلم البوية .. هو حل مؤقت كويس .. بس قبل ما تستخدمة خلى واحد بتاع دوكر يسنفر الحتة المصدية.

بالنسبة للسنتر .. راجع التوكيل عند أول صيانة

دامت لك بالخير

تحياتى
محمد
....

---

الله يبارك فى حضرتك و هو الراجل معرفوش بس اللى اتعمل اقصد السير على السرعة ديه يبوظ حاجة و لا ما حصلش حاجة علما بانى لم اتجاوز السرعة دى تانى و شكرا على نصيحة الدهان

اقتباس:

---

المشاركة الأصلية كتبت بواسطة osama.m

الف الف مبروك يا باشا وربنا يديك خيرها ويكفيك شرها
بالنسبة للخدش لو فية صدا خلي سمكري يكون نضيف يشيلة و اعملة بقلم بوية و متزعلش يا باشا كويس انها جات في حاجة صغيرة
السنتر اعملة في صيانة ال 1000
في اول 3000 كيلو بلاش سرعات عالية يعني من 70 ل 90

---

الله يبارك فى حضرتك و شكرا علي النصائح

اقتباس:

---

المشاركة الأصلية كتبت بواسطة mzeid

الف مبروك على العربية و ربنا يبارك لك فيها
و الاخوة ردوا بشكل كافي فمش هقول حاجة زيادة

---

الله يبارك فى حضرتك و شكرا

اقتباس:

---

المشاركة الأصلية كتبت بواسطة tiger45

1000 مبروك
ومتزعلش نفسك
قضاء اخف من قضاء

---

الله يبارك فى حضرتك و الحمدلله على قد كده

ماتخافش
كتالوج الهيونداي بيقول تمشي من 2000 إلى 4000 لفة في أول 1000 كم

الف مبروك
وتمشي بيها فى الخير ان شاء الله

الف مبروك وربنا يباركلك فيها

الف مبروك يا باشا ربنا يباركلك فيها ان شاء الله ويكفيك شرها وشر الحسد
بالنسبه لغبور انا مانصحش بيه بأمانه.
اذا كان واحنا هناك قدام العربيات والعربيه بتتهان, العربيات هناك بتتخبط وحصلت قدامي في سوناتا مع ان كان فيها باركنج سنسور الا ان العامل خبط الي وراه والمكان واسع اصلا.

شكرا لك من بارك و ربنا يبارك فيكم جميعا

اقتباس:

---

المشاركة الأصلية كتبت بواسطة mahmoud_afifi

الف مبروك يا باشا ربنا يباركلك فيها ان شاء الله ويكفيك شرها وشر الحسد
بالنسبه لغبور انا مانصحش بيه بأمانه.
اذا كان واحنا هناك قدام العربيات والعربيه بتتهان, العربيات هناك بتتخبط وحصلت قدامي في سوناتا مع ان كان فيها باركنج سنسور الا ان العامل خبط الي وراه والمكان واسع اصلا.

---

شكرا لحضرتك و الله يبارك فيك و الحقيقة انا عارف من ناس كتير فى المنتدى ان صيانة غبور زفت بس انا بسال على نظام اليت اللى عاملو غبور اللى هو عمل اى صيانة او تصليحات فى اى مكان احدده هل هو كويس و لا لا و شكرا و منتظر الردود.

اقتباس:

---

المشاركة الأصلية كتبت بواسطة mahmoud_afifi

الف مبروك يا باشا ربنا يباركلك فيها ان شاء الله ويكفيك شرها وشر الحسد
بالنسبه لغبور انا مانصحش بيه بأمانه.
اذا كان واحنا هناك قدام العربيات والعربيه بتتهان, العربيات هناك بتتخبط وحصلت قدامي في سوناتا مع ان كان فيها باركنج سنسور الا ان العامل خبط الي وراه والمكان واسع اصلا.

---

شكرا لحضرتك و الله يبارك فيك و الحقيقة انا عارف من ناس كتير فى المنتدى ان صيانة غبور زفت بس انا بسال على نظام اليت اللى عاملو غبور اللى هو عمل اى صيانة او تصليحات فى اى مكان احدده هل هو كويس و لا لا و شكرا و منتظر الردود.