انا صوت بلا , لكن أقبل بنتيجه التصويت , ويارب يكون فيه كل الخير لمصر و أولادها
انا صوت بلا , لكن أقبل بنتيجه التصويت , ويارب يكون فيه كل الخير لمصر و أولادها
18 مليون ونصف بس اللى صوتوا .... بعد كل الزحام الرهيب اللى حصل ده ...؟؟
امال المرحوم ... قصدى المفروم ... قصدى المخروم ... يووه ... قصدى ( المخلوع ) كان بيجيب ملايين الأصوات منين ؟؟؟.
يارب كل المفسدين يصوتوا اهلهم عليهم .... بعد سوء الخاتمه التى يستحقونها.
انا قولت لا ومتقبل جدا النتيجه لان نعم او لا الاتنين هيودونا لطريق واحد مع اختلاف الزمنى وترتيب الاحداث
وانا متقبل راى الاغلبية وهأيدهم كمان .........دى الدمقراطية وانا مبسوط لان لاول مرة فحياتى ادخل لجنه للاستفتاء
مقدرش اشك في نتيجة الاستفتاء بعد اللي شفته بعيني انا قلت لا واغلب عليتي قالو لا بس كلنا شفنا بعيننا ان اغلب الناس كانت رايحة تقول نعم لاسباب مختلفة اعتقد ان النتيجة صح ولازم كلنا نتقبلها وده اول الطريق ان نحترم الرأي الاخر ونتقبله عشان بلدنا تبقي احسن.
الاستفتاء انتهى والنتيجة اعلنت والموضوع انتهى
ياريت بقى نقطة ومن اول السطر علشان نركز مناقشاتنا وحوارتنا في الوضع في الفترة المقبلة
كلنا بنحب مصر ومحدش بيحب بلده اكتر من التاني مسلم ومسيحي واخواني وعلماني وسلفي ويميني ويساري
كلنا عاوزين مستقبل افضل لبلدنا
ياريت لو تكرمتم ننهي النقاش المتعلق الاستفتاء وتوابعه وآثاره وآراءه عند هذا الحد
لو سمحتم
عشان خاطري انا مش اكتر
انا ح اكتب المشاركة دي في كل المواضيع المعنية بالاستفتاء
الناس اللى بتشكك فى النتائج ناقص يطلبوا ان هما اللى يفرزوا الاصوات بايدهم ههههه..باهزر :)
ياجماعة مش عايزين نرسخ التشكيك فى سلوك الشعب المصرى (طبعا مع اخذ الحذر)...لكن لو شككنا فى كل حاجة كدة يبقى كل ماحاجة تحصل هنلاقى ناس طالعة تشكك لان معادش فيه ثقة...اللى انا متأكد منه ان الجيش مش هايسمح اننا نرجع للعهد القديم ورموزه مرة تانية
وصدقونى انا من الشرقية وكنت متأكد ان نعم هى اللى هتكون النتيجة بأغلبية ساحقة اكتر من 77% كمان
ممكن القاهرة والاسكندرية يكونوا مش مصدقين الحكاية دى لكن الاقاليم كانت نعم فيها بأغلبية ساحقة...يعنى ممكن تلاقى الصف كله مافيهوش غير 2 لا من 50 واحد نعم
ده راي شخصي يافندم ومتهيالي مفيش شخص من حقه يمنع شخص انه يقول رايه فقط حتي لا يكون سبب في اثارة شيء معين. لان ببساطة دلوقتي بقي كل واحد عارف وفاهم كويس هو عايز يقول ايه وشايف بعينه اللي حاصل.
فمتهيالي كلامي لا هيقدم ولا هيأخر ولا تخميناتي وظنوني هتكون سبب لاعادة التصويت. لانه رأي شخصي ومش ملزم علي اي شخص.
وانا قلت اني اتعاهدت اقبل التنيجة ( بالرغم من اني لا املك القدرة لتغييرها ). وفكرت بصوت عالي فالاسباب اللي خلتني اروح للتخمين ده والشباب اللي يكرمهم وضحولي بمنتهي الاحترام نقطة سرعة الفرز وليه النتيجة ظهرت بسرعة.
تقبل تحياتي