أعلن مجلس الدولة النتائج النهائية للإستفتاء عن التعديلات الدستورية و هى :
من لهم حق التصويت 45 مليون
عدد المصوتين 18 مليون و نصف
نسبة الحضور 41 %
المؤيدين للتعديلات 14 مليون
بنسبة 77 %
الرافضين للتعديلات 4 مليون
بنسبة 23%
أعلن مجلس الدولة النتائج النهائية للإستفتاء عن التعديلات الدستورية و هى :
من لهم حق التصويت 45 مليون
عدد المصوتين 18 مليون و نصف
نسبة الحضور 41 %
المؤيدين للتعديلات 14 مليون
بنسبة 77 %
الرافضين للتعديلات 4 مليون
بنسبة 23%
ياخساره
ليه يا خساره ؟
4 مليون فقط قالوا لا ليه هو البلد فيها كام مسيحي
نص مليون مثلا لان نسبه كبيره مسلمين قالوا لا
الموافقين 77.2 %
الرافضين 22.8 %
10 شكاوى فقط
صندوق واحد فقط تم استبعاده
حالة او حالتين تزوير تم رصدهما و العقوبة ستكون من الحبس من سنتين الى 5 سنوات و غرامة من 5 الى 10 الاف جنيه
الفرز كان في مقر اللجان الفرعية و لم تنقل الصناديق الا بعد انتهاء الفرز
الكشوف التي وقع فيها الناخبين ببياناتهم موجودة و من لديه شك ان اي مواطن ادلي بصوته اكثر من مرة يتقدم بشكوي و سيتم التحقيق فيها يعني مش عايزين اشاعات اللى عنده اي دليل او حتي شك يقدم طلب رسمي و هيتم التحقيق فيه
القاضي يشرف على من صندوق الى 4 صناديق بشرط ان يكون يستطيع السيطرة الكاملة على اللجنة و يراها كلها
التصويت كان لمن هم اكبر من 18 سنة فقط و غير المجندين و المتواجدين في مصر فقط و بالتالي يبقي العدد موضوعي جدا خاصة مع نسبة حضور 41%
رغم تصويتى بلا
نتيجه عادله ونسبه متوقعه
ولاول مره اكون مصدق نتيجه انتخابات فى مصر
يا رب تفضل كده على طول
الان وجب على نسبة 22.8% ان تتقبل نتيجة الاستفتاء بقلب رحب حتى نكمل المسيرة التى بدأناها جميعا يد واحدة من اجل مستقبل مصر والمصريين جميعا
مصر الجديده كلها قايله لا
ازاى يا جماعه 77
طب 55 مش 77
ما احنا قلنا قبل كده التحرير اصلا لا يسع الا لـ 400 الف بالكتيراقتباس:
و فين بتوع التحرير اللي كانو عاملين مظاهرة يوم الجمعة راحو فين دول
يا ريت با جماعه بلاش ندخل موضوع الانتماء الديني في موضوع الاستفتاء (في لجنه الموضوع بها كان ملتهب جداً و صدقوني الموضوع مش نتقص نهائي و دي تجربه شخصيه) ....
كا من له رأي ابداه بالفعل و لم يتم الضغط على اي شخص بداخل اللجان و اللي بجد لاحظته سلبيه العديد من افراد الشعب (المفروض مش موافق تنزل قول مش موافق و ده يتحسبلك في الفرز و تكون قلت صوتك عن طريق القنوات الشرعيه و بطريقه سلميه مش تكون سلبي و تقاطع و تتظاهر و العيب عليك اساسا انك منزلتش تقول صوتك!)....
يا جماعه من له شكوي فعليه من قيام اي شخص بإدلاء صوته اكثر من مره او اي شكوى اخري يتقدم بشكوي رسميه و صدقومي والله الموضوع مش زي الاول نهائي.....
و السلام ختام
الحمدلله
دا التزوير كان ارحم
على الاقل الواحد مكنش بيبقى عنده امل :) :) :) :)
بس ربنا يقدم ال فيه الخير
بالنسبة لموضوع ميدان التحرير ناس كتييييييييييير من ال كانو هناك قالو نعم
بالنسبة للكنيسة انا اعرف ناسو قالو نعم برضو يعني عادي
بس بتهيالي ال رجح الكفة اوي كدا الارياف
يا سيدى الفاضل انا اعرف الكثير من العائلات و جيران فى مصر الجديدة قالوا نعم
ثم هو مصر الجديدة اصلا كام الف صوت :)
اقتباس:
دا التزوير كان ارحم
على الاقل الواحد مكنش بيبقى عنده امل :) :) :) :)
بس ربنا يقدم ال فيه الخير
يا على باشا
بلاش شك فى قضائنا لإننا لو شكينا فيه يبقى على بلادنا السلام :)
الخلاصة
النتيجة بانت بقبول الشعب للتعديلات الدستورية
واحنا كلنا ايد واحدة وهنفضل كده
المهم دلوقتى المجلس العسكرى يبدأ بتنفيذ الوعود المقدمة فى حالة قبول التعديلات
لن نحققق اى تقدم اذا انقسمنا
النجاح فى الاتحاد
مصر الجديدة اللى هي المكان ولا الزمان
اكيد الزمان
ايه الدليل على ان مصر الجديدة كلها قايلة لا
الاستفتاء نتيجته واضحة جدا ولا داعي للتشكيك فيها ومن لديه اي دليل يقدم شكوي رسمية وليس القول على النت ان النتيجة غير صحيحة او مزورة او او - طبعا الكلام مش حضرتك لكن لاي حد معترض على النتيجة -
يعني هو التزوير ارحم لو الاغلبية اختارت اختيار اخر غير اللى حضرتك عايزه ؟؟؟؟؟؟؟؟؟؟؟؟
ومالهم الارياف معظمنا من اصول ريفية ومعظم رموز مصر طوال تاريخها من الريف والصعيد
يا ريت كفاية تشكيك في ريف مصر او اتهام اهله بالجهل او عدم الوعي
عين العقل و ده اللى المفروض كلنا نقوله ونعمله دلوقت
الفائز هو الشعب المصري
نعم او لا
المهم نشوف هانعمل إيه المرحلة الجاية
مع إني متوقع[color="magenta"] جمعة لا[/color] في ميدان التحرير
مبروك علينا كلنا عدينا أول أختبار بنجاح عقبال الباقي ...
أنا قلت لأ وهأحترم رأي الأغلبية .
ده أثبات أن :
مش كل المسيحيين مشيوا ورا دعوات لأ من القساوسه زى ما أتقال كتير على النت
و مش كل المسلمين مشيوا ورا دعوات نعم من الأخوان المسلمين زى ما أتقال على النت
مع أحترامى للكل
كل مجموعه بتقول وجهة نظرها وأتباعها بتفكر وتقرر
يعنى أنا شايف أن الجدل اللى دار اليومين اللى فاتوا فى موضوع أن الدين هيتحكم فى الاستفتاء ( سواء من المسيحيين أو المسلمين ) مكنش ليه لازمه , كل الناس مشيت ورا الأشاعات اليمين والشمال وبدأنا نهاجم بعض وأكتشفنا زى كل مره أنها محاولة تفريق
ياريت تكون أخر محاولات التفريق بينا
لماذا الاصرار على تسطيح اراء الاغلبية... وجعل من قال لا في مصاف المثقفين وأصحاب الوطنية الحقيقية
هما لحقو يفرزو الورق ده كلووووووووووووووووو من امبارح ابتداء من الساعة 10 او 11 مثلا والنتيجة تظهر النهاردة قبل 7؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده انتخابات الشعب والشوري والرئاسة والصناديق كانت فاضية وكانو بيعدو اكتر من كدة يفرزو.
اللهم أخذيك ياشيطان ابعد عني متخلنيش اقول اللي حاسه عشان احنا اتعاهدنا نقبل النتيجة أيا كانت.
الفرز بدا من الثامنة مساءا
ثم القصة كلها نعم او لا
غير الشعب و الشورى العديد من المرشحين :)
علشان ياخدوا راحتهم فى التزوير :)
مافيش فايده
لما يبقى مافيش ثقة فى قضاة مصر امال المفروض نثق فى مين ؟؟؟
نجيب ناس من المريخ مثلا :)
[
مافيش فايده
لما يبقى مافيش ثقة فى قضاة مصر امال المفروض نثق فى مين ؟؟؟
نجيب ناس من المريخ مثلا :)[/quote]
نجيب حكام أجانب يا باشا:36_7_7[1]:
بعد الاستفتاء العينة دي المفروض يتم اعتقالها بتهمة الشغب وتعطيل المرور والاضرار بمصالح الدولة
ومتهيالي فيه قانون طوارئ واحكام عرفية ومحاكم عسكرية للبلطجية المفروض تطبق عليهم
الرد على شكك بسيط جدا ان القاضي الواحد بيشرف على عدد من 1 الى 4 صناديق كحد اقصي واكبر عدد ممكن يصوت امام القاضي هو الف مواطن - فيه مدارس ومنها التى صوت فيها كان بها اكثر من 4 قضاة كل منهم يشرف على 3 صناديق - يعني الف ورقة استفتاء المطلوب من القاضي في الفرز يقول نعم او لا وترصد فورا في اوراق الرصد يعني الموضوع كله لا يستغرق اكثر من 6 ساعات فرز من كل لجنة فرعية ثم ارسال النتائج للجنة العامة للتجميع وتحديد النسب
ابعد بقة الشيطان
احنا ليه بنشتت نفسنا وندخل فى نقاشات فرعية ونسيب القضايا الاساسية
لو لا كانت فازت
كان هيبقا ايه موقف مؤيدى نعم
نفس النقاش ونفس التشكيك
لازم نكمل تجربة الديمقراطية للآخر ونتقبل الرأى الآخر
وخلاص الاستفتاء خلص
نلتفت بقا للقضايا الفساد اللى انشغلنا عنها طول فترة الاسبوعين اللى فاتوا
نلتفت لتكوين احزاب جديد كما وعد المجلس
نلتفت لبناء الاقتصاد من تانى
وحاجات كتير اوى افضل نفكر فيها من التشكيك فى الاستفتاء
النتيجة طلعت خلاص ولازم نتقبلها وهنشوف الخطوة الجاية ايه ان شاء الله...وليا ملاحظة على نتيجة الاستفتاء انا فى رأيى ان الاغلبية الصامتة قالت رأيها وانه مش من السهل التأثير على جموع المواطنين وبرفض وبشدة اى محاولة للتشكيك فى النتيجة عشان لو ده حصل يبقى وجود مبارك كان يبقى افضل لانى سامع نغمة مش عاجبانى من رؤساء الاحزاب وتحليلات لتسبيب هذه النتيجة بأى سبب عدا ان يكون هذا هو رأى الاغلبية....
القاهرة
المصوتين 2 مليون تقريبا
الموافقين مليون و مائة الف
55%
غير الموافقين 900 الف
45%
الفرز كان بكل لجنه فرعيه عقب انتهاء التصويت (يعني بعد ما الوقت خلص و محدش بيطلع ولا بيدخل )....
و كل رئيس لجنه فرعيه بتقدم كشف في مقر اللجنه الرئيسيه (مثلاً المحكمه الابتدائيه بالمحافظه) اللي بدورها بتطلع النتيجه بالمحافظه و بتبعتها للهيئه العامه للاشراف على الانتخابات اللي بتجمع النتيجه النهائيه و تعلنها....
يا باشا اقل كلمه احنا اتفرمنا