ياجماعة انا لسة شارى عربية وعايز اظبطها ياريت الافادة

**shadyakso** · 21-03-2011 01:44 AM

انا اشتريت عربية 124 اسبيشيل لونها كحلى غامق كنت عايز اظبطها من برة ولو فى تظبيطات فى المكنيكا بسيطة ياريت ارجوا المساعدة

**nice_bird** · 21-03-2011 02:20 AM

ممكن يا يا ريس تبدا شغل من برا تعمل فيها لزق او افتكاسات بلون فضي مثلا و لو فيها جنط رشو لون ابيض افتح درجة وبالنسبة للموتور اللي فيها كام سي سي 1300 ولا 1500

**shadyakso** · 21-03-2011 02:49 AM

الماتور بتاعها 1500 العربية حالة الزيرو

**nice_bird** · 21-03-2011 04:08 AM

ممكن تركب ديفل و فلتر سبور

**keko** · 21-03-2011 07:45 AM

بص يا باشا
ربنا يباركلك فيها ويكفيك شر طريقها
الاول خليك شوية وبعدين ظبطها لان العربية الجديدة ليها فرحتها ولما بتعمل تعديل بيبقى ليه فرحتة كده تنبسط مرتين هههههه
روح لبتاع كاربراتير كويس غير طقم البوجيهات والابلاتين والكوندينسر وخليه يظبط الكاربراتير والاسبراتير هواء وبنزين وكهرباء دى حاجة هاتحسسك ان معاك عربية تانية خالص وياريت كل مده تروحله ينضف ويظبط والموضوع ده مش هايكلف كتير انا كنت بعمله ب 50 او 60 جنيه بالبضاعة والتظبيط بس 10-20 ج
راجع كويس جدا فى العفشة على بيض المقصات لانه اهم حاجة فى ال 124 واللادا ولو فيه حاجة غيره على طول الطقم ب 120ج تركى و 170 ج ايطالى
التابلوه بتاع العربية دى اصلا شكله تحفة ولو حالته مش قوى شده جلد عند سروجى نضيف ب 150ج و ظبط نور العدادات
فيه حركة بتبقى شيك قوى على العربية دى بالذات انها تترش لون ميتاليك والسقف بالقوايم قدام وورا من غير الاثنين اللى فى النص يترشوا ابيض او بيج او كريمى بتخلى شكل العربية تحفة وممكن الموضوع ده يليق على الكحلى من غير ميتاليك
لو مافيهاش جنوط ركب طقم طاسات فى الذيذ ب 35 ج
كمل كل النواكل بتاعتها ولمع الاكصدامات وممكن تجيب سبويلر وهوايات كبوت
روح عند محل بتاع اليكترونيات وقوله عايز لمبة ليد 5مم بمقاومة تشغلها على 12 فولت وركب كام واحدة فى كل فانوس بدل السهارى بتاعه هات ابيض او ازرق سعرها 25 قرش او فيه لمبة بتدى 3 الوان بجنيه
ارجو اكون افدتك باقل التكاليف