الدقن الكثيف والشعر الا تحت الجلد

**egyptawy2010** · 22-03-2011 09:17 PM

المشاركة الأصلية كتبت بواسطة tammmer

االقصة دى معايا من زمان من 10 سنين من اولى جامعة
وعملت كل حاجة ووصلت لاكبر دكاترة الجلدية فى مصر
من ادوية مستوردة غالية جدا الى ليزر ومن دكتور الى دكتور
وصرفت فوق 10 الاف فى حواى 3 سنيين ساعتها كان مبلغ
ومفيش فايدة
ولاكن اليك بعض الطرق الى ممكن تساعدك شوية
احلق دقنك باغلى مكنة جيليت كل يوم وش واحد فى اتجاة الشعرة
مفيش فايدة
استعمل مكنة كهرباء فى الحلاقة وهات البناسونيك اللى بمشط وليست كور
وميزتها انك مهما تحلق بيها الشعر هيكون منبت شوية فوق الجلد
ودة الللى بعملة والحمد لله الاتهابات ومشكلة الشعر تحت الجلد افضل حوالى 75%

الف شكر لحضرتك ومعلوماتك المفيدة طيب ياترىالتحسن ده يتضمن تقليل كثافة الشعر و تقليل معدل النمو ولا مش بيفرق

**elrasy** · 23-03-2011 01:05 AM

المشاركة الأصلية كتبت بواسطة hh

بص حضرتك هو مش كل أنواع ليزر الشعر بتعالج القصة دي, عشان كدة قولت لحضرتك نوع الليزر اللي المفروض يستخدم, ده نوع مش ماركة على فكرة. أنا بشتغل في مجال أجهزة ليزر الجلدية و التجميل و متأكدة ان الموضوع ده بيتعالج بالليزر.

موضوع الناس اللي بتقول انها جربته و منفعش ده أنا مقدرش أحكم عليه غير لما أعرف تفاصيل, و أهمها أسم الدكتور لأن للأسف فيه دكاترة مش أمناء. و يمكن حاجة تانية الله أعلم.

ياترى حضرتك بتشتغلى مع اى شركة ليزر ؟
اصلى انا زميل بس شغال حاليا فى السعودية.

**hossam20102010** · 23-03-2011 06:49 AM

منابع

hh · 23-03-2011 09:16 AM

المشاركة الأصلية كتبت بواسطة elrasy

ياترى حضرتك بتشتغلى مع اى شركة ليزر ؟
اصلى انا زميل بس شغال حاليا فى السعودية.

بتشتغل مع مين في السعودية؟؟ أمداد؟

أنا بشتغل في أميكو مصر

**تامر.محمد** · 23-03-2011 11:10 AM

المشاركة الأصلية كتبت بواسطة hh

هي الفكرة ان الشعراية بتبقى تخينة زيادة شوية و اتجاهها مايل ناحية الجلد فبتنمو تحتيه و تسبب التهابات. الليزر اللي المفروض بيستخدم في ازالة الشعر الزايد أساس فكرته انه بيضعف بصيلات االشعر تدريجيا لغاية لما يبطل الشعر ينمو خالص. الشعر خلال العلاج بالتدريج بيبتدي يرفع و كثافته تقل لغاية لما معظمه يبطل يطلع. بالنسبة لحالة الدقن بيتعمل جلسات قليلة بحيث متوقفش طلوع الشعر انما ترفعه بس بحيث ميلفش تحت الجلد.

أنواع ليزر ازالة الشعر كتير انما الموضوع ده بالذات لازم نوع ليزر معين اللي هو nd:yag لأسباب تتعلق بنوعية الشعر و عمق البوصيلة.

و يا ترى مكلف الموضوع ده ؟

hh · 23-03-2011 01:44 PM

المشاركة الأصلية كتبت بواسطة elrasy

اهلا بيكى فرصة سعيدة , انا مع فوتونا السعودية

تبقى منافس مش زميل

بهزر طبعا, أهلا و سهلا بيك.

**MRBEBO** · 23-03-2011 09:31 PM

بص يا باشا خبرتي في الحلاقة

الحلاقة الصح .... ماكينة محترمة + معجون حلاقة محترم

اولا تختار ماكينة محترمة وانصحك بجيلت

لو معندكش مشكلة جيب

Fusion ProGlide power

او ممكن تجيب الجيليت البلاستيك بس متستخدمهاش اكتر من مرتين

لما تيجي تحلق اولا لازم تستخدم مياه دافية يعني تشغل السخان وتخلي المياه دافئة وبعدين شطف وشك كذا مرة

وبعدين جيب كوباية واملها مياه دافية وحط عليها نقطتين ديتول وغطس الماكينة قبل ما تحلق بيها في الكوباية وبرضوا اثناء الحلاقة

نيجي لحاجة مهمة جدا وكتيرررر مش بيهتموا بيها

معجون الحلاقة لازم تجيب حاجة محترمة

زي فوم جيليت او نيفيا او intesa

ولو مش فارق معاك الفلوس جيب الجيل من جيليت او نيفيا زي ده مثلا

وهتلاقي في كل نوع من الفوم او الجيل انواع للبشرة الحساسة ممكن تجيبها

صدقني كتير بيهمل موضوع معجون الحلاقة مع انه مهم جدا زي اهمية الماكنة بالظبط

لانه المسئول عن حماية بشرتك من الالتهابات ومشاكل الحلاقة

وكمان لازم تعرف طريقة الحلاقة الصح

تحلق في اتجاه الشعر مش العكس وممكن تحلق دور تاني لو عاوز مظهر انعم بس برضوا في اتجاه الشعر مش عكسه

وبعد الحلاقة تشطف وشك بمياه بارة مش دافية وتنشفها كويس جدا

وبعد 10 دقايق كده تستخدم افترشيف محترم او لو برضوا حسيت بالتهاب جيب مرهم

فيوسيكورت وده مضاد حيوي وكورتزون زي ما الاخوة نصحوك

او لو مش عاوز حاجة فيها كورتيزون جيب مرهم Fucidin فيوسيدين كويس جدا برضو وتدهن بشرتك بطبقة خفيفة

وان شاء الله هتنسى الم الحلاقة والالتهابات لو نفذت كل ده لاني بعاني من نفس المشكلة وكل ده كان حل المشكلة دي

بالتوفيق

**tito_1980** · 23-03-2011 09:41 PM

الحل في مكن الحلاقه الكهربه ... اي مكنه بتقوم بالواجب

**elrasy** · 24-03-2011 12:13 AM

المشاركة الأصلية كتبت بواسطة hh

تبقى منافس مش زميل

بهزر طبعا, أهلا و سهلا بيك.

مش منافس ولا حاجة ان بعيد فى قارة تانية

-

الموضوع: الدقن الكثيف والشعر الا تحت الجلد

LinkBack

أدوات الموضوع

عرض

-

-

-

-

المواضيع المتشابهه

مكنة لحلاقة الدقن

استفسار عن مكن جلاقه الدقن فيلبس او براون

حصريا ..أول مقارنة سربعة بين الفيليبس راللى و الزينون8000 --فى الضباب الكثيف---

الدروس المستفادة من السير في قوافل أثناء الضباب الكثيف

العتب الجلد

الكلمات الدلالية لهذا الموضوع

المفضلات

المفضلات

ضوابط المشاركة