العدد الحقيقي للأقباط في مصر

**atefadel** · 22-03-2011 12:36 AM

المشاركة الأصلية كتبت بواسطة m_elkhishin

طيب ليه الاخوة الشركاء أصحاب النصيب الاصغر زعلانين ان حق الادارة مع الشريك الأكبر؟؟

هما زعلانين لان الادارة ومفتاح العمارة مع عم محمد بس
ومش مدي عم جرجس اي حاجة وكمان عاوز يتحكم فية
يبقي دة ميزعلش

**أبو عبدالله** · 22-03-2011 01:23 AM

المشاركة الأصلية كتبت بواسطة medo_2060

انا معرفش العدد بس الحاجه الوحيده الاكيده 100% ان موضوع حشد الكنيسه للاصوات الى بتقول لا طلع اشتغاله .. لان كل الى قال لا 4 مليون والعدد دا ميجيش اصوات المسيحين الى ليهم حق التصويت لوحدهم دا غير ان منهم مسلمين كتير جدا قالوا لا...يعنى بالارقام مكانش فى حشد ولا يحزنون

حشد الكنيسة طلع اشتغاله
ازاي يعني
طيب حضرتك راجع الفيديوهات وانت تعرف

المشاركة الأصلية كتبت بواسطة sharky

رأى الشخصى و قد يكون خطأ لكنى ارى ان النسبة تترواح ما بين 5% - 8% يعنى ما بين 4 - 6 مليون فقط

تما يا شاركي ايه الحلاوة دي .............. الى الامام

المشاركة الأصلية كتبت بواسطة atefadel

هما زعلانين لان الادارة ومفتاح العمارة مع عم محمد بس
ومش مدي عم جرجس اي حاجة وكمان عاوز يتحكم فية
يبقي دة ميزعلش

ممكن اقول لحضرتك انك خليتها كحلي قوي او اسود قوي
يعني مش للدرجة دي
أولا المثال لا ينطبق على البلد
بمعنى
ماهو انا مش حابس حد منهم وبقول متخرجشي ولا تدخل يعني مفتاح العمارة ده شئ مزايد فيه قوي
انا مش بفرض عليك حاجات غصب يعني
الادارة مش فاهم المقصد منها ايه
وبعدين ليه انت محطتشي ان احنا زي ما متخوفين من الأخوان بدون اي سبب وجيه انهم يمسكوا الحكم والناس مخلينهم اكنهم اجانب ومتنكرين يعني
ليه منخفشي من ان الادارة برضه تبقى في يد اي نصراني
على الأقل يا أخي شوف كلام النصارى اللي في الخارج عامل ازاي
وبيهاجموا البلد ازاي
اخر حاجه لسه مكتوبة انهم بيشككوا في المجلس الاعلى للقوات المسلحة وعاوزين الناس تقوم عليه
طيب انا بقه مشوفتش اي أخوان من الخارج بيتكلموا كلامه زي ده وحسيت بخوف ان اللي جوه مصر ممكن يبوعوني لبتوع الخارج او يطبقوا سياسات خارجية

ده قياسا فقط

**MEDO84EG** · 22-03-2011 08:40 AM

المشاركة الأصلية كتبت بواسطة atefadel

هما زعلانين لان الادارة ومفتاح العمارة مع عم محمد بس
ومش مدي عم جرجس اي حاجة وكمان عاوز يتحكم فية
يبقي دة ميزعلش

ان شاء الله مفيش زعل
و شيء حلو اوي اننا نتكلم سوا مسلم و مسيحي علشان ممكن احنا بنفسنا نحل اي حزازيات بنفسنا
المهم
بالنسبه لحكايه الاداره و المفتاح و مش مدي جرجس اي شيء
احب اقولك
اننا كلنا و بالاجماع عارفين ان عمر ما الاسلام ظلم اي حد من اي ديانه اخري و خاصه المسيحيه
و في اخبار و اثار و اشياء كتير عن الصحابه الكرم و النبي نفسه تدل علي كده
بس طبعا في ناس كتير من غير المتدينين او ممن لا يعلمون شيء عن الاسلام ممكن يظلموا او ينتهكوا من باب الاختلاف الديني
بس زي ما بقول اننا متفقين ان الدين الاسلامي الصحيح و منهجه المعلوم عند اهل العلم الثقات مطمئن جدا لاي حد غير مسلم
و خاصه الدينه النصرانيه او المسيحيه
و اكبر دليل في وقتنا الحاضر الشيخ محمد حسان و موقفه و خاصه في احداث الكنيسه
لانه بيمشي علي مباديء دينيه صحيحه مش باجتهادات عشوائيه
تاني شيء عاوز اتكلم فيه و يا ريت توسع صدرك حبتين و ناخد الموضوع بحياديه
مصر دوله مسلمه لكذا سبب و ده معلوم و مقرر
و لو خدناها بالمدنيه و الحريه
اننا لازم نتوافق مع هويه الدوله و دينها الرسمي برأي الاغلبيه
يعني هضرب لك مثال
انجلترا مثلا
فيها نسبه مسلمين مش قليله
صح ؟
هل سمعنا مره انهم خلوا حاكم او وزير مسلم
لا
ليه ؟
بيقولك اصل دي دوله و ليها احترامها و دينها الرسمي فلازم المسلمين القله يلتزموا بكده
صح ؟
طيب
فرنسا نفس الشيء
بالعكس
لان فرنسا نسبه المسلمين فيها اكتر من انجلترا بكتر
و نسبه الاسلام فيها بتتزايد
في الدستور الفرنسي ان لازم الرئيس يكون مسيحي
عمر حد اتكلم و قال لا يا جدعان مينفعش كده و الحريه و احنا دوله مدنيه و نشيل الدين و كده
لا عادي
و احترمنا بردو كده
نفس الشيء في مصر
دوله فيها ما لا يقل عن 91% مسلمين
من حقهم الطبيعي انهم يعيشوا في دوله مسلمه ذات طابع اسلامي و دستور اسلامي و حاكم مسلم
طبيعي جدا
زي ما طبيعي للدول العظمي دي بردو طبيعي لينا
و كمان بجد نقطه الحوار المفروض تبقي ايه
ايه الاضرار الواقعه علي غير المسلم لو طبقت الشريعه الاسلاميه ؟؟
و هل فيه مميزات ممكن يحصل عليها غير المسلم في حاله تطبيق الدين الاسلامي ؟
ده المفروض يبقي نقطه البحث
و نشوف و نقارن و بالادله
و ساتها نبقي علي ارض صلبه
و مبن عالم
مش يمكن اي واحد غير مسلم لما يشوف ويسمع من المصدر نفسه يعرف الحقيقه و يلاقي انه ممكن يعيش في امان اكتر من الان
و ممكن ياخد مميزات كتير اكتر من الان
و في الاول و الاخر عاوزين نكون حيادين و دون تعصب
و الف شكر لادارة المنتدي العظيم