مشكلة في الجيتز .. برجاء المساعدة

عرض للطباعة

21-03-2011, 11:50 AM
mada_76

مشكلة في الجيتز .. برجاء المساعدة

العربية وانا ماشي بتبطل فجاة كانها قطعت بنزين . وبحاول اقعد ادور فيها مش عايزة تدور .
بتدور مارش لكن الموتور مش عايز يدور . والبوجيهات لسة مغيرها والعربية مش متلتة ولا حاجة وكل حاجة سليمة والزيت متغير .
بفضل احاول حوالى 10 دقايق وبعدين الاقي العربية دارت ورجعت تاني زي الفل . عملتها معايا مرتين على الطريق الدائري وبصراحة خايف تعملها معايا بليل خصوصا في الايام اللى احنا فيها دي .
روحت اكشف عليها بس المشكلة اني لما بروح مركز الخدمة بتكون العربية كويسة وبيحطوها على الجهاز بس الجهاز مش بيطلع اي مشكلة .
هما شاكين في طرمبة البنزين . يا ترى الكلام ده صح ولا ايه ؟
شكرا للاهتمام
21-03-2011, 11:54 AM
HeMa_LanCeR

صح مليون في الميه :))
21-03-2011, 12:15 PM
mada_76

اقتباس:

المشاركة الأصلية كتبت بواسطة hema_lancer

صح مليون في الميه :))

يعني اتكل على الله وانزل اجيبها واخليهم يغيروها وماستناش شوية لما اتاكد ولا ايه ؟
21-03-2011, 12:28 PM
EslaM_NagY

اظن انها طرمبة بنزين
بس مش عارف ممكن تتاكد منها ازاى !
21-03-2011, 12:33 PM
mada_76

اقتباس:

المشاركة الأصلية كتبت بواسطة eslam_nagy

اظن انها طرمبة بنزين
بس مش عارف ممكن تتاكد منها ازاى !

هي دي المشكلة
اتاكد منها ازاي ؟
لما روحت المركز وصلوها بجهاز كده بيقيس الضغط وكانت القراءة زي الفل.
لازم يكونوا موصلين الجهاز ساعة لما العربية تبطل وتكون الطرمبة مهنجة . ساعتها هايقدر يعرف
يعني لازم افضل مقعد الميكانيكي ورا على الكنبة ويكون موصل الجهاز ومستعد لاي ظرف
يعني ممكن استضيفه في العربية بتاع اسبوع كده
مشكلة والله
21-03-2011, 12:34 PM
HeMa_LanCeR

ماهي دي بقي العيوب اللي مش بتتعرف بسهوله
يعني انت ممكن تجيبها وتغيرها ويطلع العيب مش منها
بس لازم تتغير علشان تتأكد
يا اما بقي لما العربيه تعملها معاك تنزل تفك الخرطوم بتاع البنزين اللي رايح للموتور وبتدور
لو طلع بنزين يبقي شغاله
21-03-2011, 09:03 PM
exact

حصل عندي فالسويفت نفس الموضوع
كنت امشي بالعربية فل واول ما اعوز اقرص تروح مبطلة
والطرمبة سليمة زي الفل
طلع العيب منين بقى
طلع العيب من الفيشه اللي تحت الشلتة بتاع الكنبة الورانية...قصيتها ووصلت السلك وشيكارتون
بقت زي الفل...
ياريت تعرفني عملت ايه
21-03-2011, 11:35 PM
mada_76

اقتباس:

المشاركة الأصلية كتبت بواسطة exact

حصل عندي فالسويفت نفس الموضوع
كنت امشي بالعربية فل واول ما اعوز اقرص تروح مبطلة
والطرمبة سليمة زي الفل
طلع العيب منين بقى
طلع العيب من الفيشه اللي تحت الشلتة بتاع الكنبة الورانية...قصيتها ووصلت السلك وشيكارتون
بقت زي الفل...
ياريت تعرفني عملت ايه

اشكرك لاهتمامك اولا
بس انا عندي الموضوع مختلف . يعني مالوش توقيت معين ولما بقرص على العربية عادي برضه مافيش مشكلة .
في واحد ميكانيكي قالي على فكرة كويسة انه اجرب امشي والتنك تحت الربع يعني تكون قربت تشطب بنزين لان في الحالة دي بتكون الطرمبة في اقصى قوة سحب ليها ولو الطرمبة ضعيفة هايظهر العيب بوضوح فانا حاليا محافظ على التانك مليان علطول لغاية اخر الاسبوع بس كده وهابدأ افضيه واجرب بقى وربنا يسهل واكيد هابلغ الجميع بالحل .
22-03-2011, 10:19 PM
exact

اقتباس:

المشاركة الأصلية كتبت بواسطة mada_76

اشكرك لاهتمامك اولا
بس انا عندي الموضوع مختلف . يعني مالوش توقيت معين ولما بقرص على العربية عادي برضه مافيش مشكلة .
في واحد ميكانيكي قالي على فكرة كويسة انه اجرب امشي والتنك تحت الربع يعني تكون قربت تشطب بنزين لان في الحالة دي بتكون الطرمبة في اقصى قوة سحب ليها ولو الطرمبة ضعيفة هايظهر العيب بوضوح فانا حاليا محافظ على التانك مليان علطول لغاية اخر الاسبوع بس كده وهابدأ افضيه واجرب بقى وربنا يسهل واكيد هابلغ الجميع بالحل .

مع احترامي للميكانيكي اللي قال لك الكلام ده انا ليا تحفظات جامده جدا...لأن الطرمبة ملهاش دعوة بملو التانك او فراغهوهي كده كده بتسحب من التانك من تحت...جرب كلامي وراجع الفيش بتاعها والفيوز والريلاي(الكتاوت) وغالبا هتلاقي مشكلة فيهم
24-03-2011, 10:11 AM
mada_76

اقتباس:

المشاركة الأصلية كتبت بواسطة exact

مع احترامي للميكانيكي اللي قال لك الكلام ده انا ليا تحفظات جامده جدا...لأن الطرمبة ملهاش دعوة بملو التانك او فراغهوهي كده كده بتسحب من التانك من تحت...جرب كلامي وراجع الفيش بتاعها والفيوز والريلاي(الكتاوت) وغالبا هتلاقي مشكلة فيهم

فعلا كلامك صح لانه لما فكيت الطرمبة اكتشفت انها بتكون واصله لغاية قعر التانك فإذن ملهاش علاقة بملو التانك ولا يكون فاضي .
انا الحمد لله غيرت الطرمبة وجبت واحدة اصلي بـ 800 جنيه وركبتها والحمد لله العربية ماشية كويس لغاية دلوقتي وماظهرش اي عيب من العيوب اللى كانت بتظهر قبل كده . ربنا يسهل ان شاء الله ويكون العيب اختفى كده .