رابطة مالكي وعشاق التمبرا (الجزء الرابع)

**zago** · 30-04-2011 09:08 PM

مساء الخييييييييييييير
شلونكم شوخباركم شوحوالكم
الترجمه : ازيكم اخباركم ايه ازي الحال ؟

وسام الدين معاكم في بث مباشر من فوق السرير ويتمنى لكم سهره سعيده

ملحوظه : الناس اللي معاها برافا تروح علشان حنرش ميه

**heshamzaky** · 30-04-2011 09:10 PM

المشاركة الأصلية كتبت بواسطة madyyuri

الفضي دا منظف لدورة الوقود

اما الأسود دا منظف رشاشات لكن الأصفر دا أوكتين بوستر بزود رقم الأكتان بتاع البنزين

الاحمر دا معرفش بيعمل ايه، انا بدور علي الفضي علشان انضف الدورة كلها علشان لو في اوساخ نزلت جوه الماتور والراجل بينضف البوابة، هو فعلا لازم يتحط علي التفويلة،
التفويلة عندي 60 لتر

ما أنا كتبت على كل واحد بس الكلام ساح مع الصور هههههههههه
التمبرا برضو 60 لتر لو مفول 30 لتر بس أبقى حط نص العلبة و السلام أدينا حليتهالك و بعد كدة 30 لتر و باقى العلبة بسيطة جدا

**JUVENTUS** · 30-04-2011 09:11 PM

المشاركة الأصلية كتبت بواسطة zago

طيب اصبر عليا جايلك يا جميل

ههههههههههههههههههههه يا عم و الله ما اقصد حاجة لاسمح الله ههههههههههههههههههه
بص الفترة الاخير بالذات في ناس كتير بتشتري تمبرا و العربية بقت مطلوبة
و لما بيدخلو المنتدى يسالو على العربيات اللي شافوها بتلاقي ان معظم العربيات لازم يكون فيهم حاجة من الاتنين يا اما ترموستات عادي او الاسبراتير عادي الحاجتين دول بالذات الميكانيكية غاويين لعب فيهم
المهم انت عامل ايه و مختفي فين

**heshamzaky** · 30-04-2011 09:15 PM

دة شكل الترموستات للى كان بيسأل عليها

**zago** · 30-04-2011 09:20 PM

احمد بيه
الترموستات التعبان بتاعي ابو 15 جنيه بيشغل المروحه بعد ال90 بشرطه
اللي كان راكب قبله وزيه بالظبط كان بيشغلها على ال90 بالظبط
اصلا العربيه عندي نادرا لما توصل لل 90 والمروحه تشتغل لاني دايما سايق فوق ال 120 كيلو فصعب تسخن
ولكن حدث الاتي : اهيء اهيء اهيء...

وانا راجع من العبور النهارده وطاير على 140 وشويه فكه لقيت عداد الحراره على ال90
ركنت وفتحت غطا القربه
لقيت الميه بتغلي وتفور
كتنين يزمجر قبل افتراس الاعداء
بعد ما بردت
وزودت ميه
وقفلت واتاكدت ان المروحه شغاله والترموستات تمام
طيران على البيت ودخلت على سياده الباشا الميكانيكي قلتله القصه
قاللي روح لبتاع ردياتير وخليه يكشف على دوره التبريد
جيت اركب العربيه
لقيتها عامله تحتها فطيره والميه بتفور برضو وبتطلع من الغطا
طلعت نمت وكلت وروحت لبتاع الردياتير وانا نايم
قاللي غطا القربه بايظ وعايز يتغير وبعتني جبت واحد لونه اصفر ب 20 جنيه وقاللي ده كويس وعلى ضمانته ومكتوب عليه 1.4 بار
وغسل دوره التبريد وطبعا طلعت الميه نضيفه زي الفل لانها متبخره كلها النهارده ههههههههههههههه
وحشوف بكره ربنا يسهل وما تسخنش لاني مبحبش حوار السخونه ده
على فكره ...
الجيب عمرها ما سخنت مع اني حولت اسخنها والخطه فشلت ... الله يمسيها بالخير

انا بقى حاسس ان الاخ لما عمل الشنبر والبستم وغير الجوانات عمل حاجه غلط خلت العربيه تسخن ... ممكن ولا انا بتلككله ؟؟؟؟؟

**zago** · 30-04-2011 09:21 PM

مستر هشام ازيك يا باشا
عامل ايه من غيري ؟؟ اكيد مستريح ههههههههههههههه

**heshamzaky** · 30-04-2011 09:28 PM

المشاركة الأصلية كتبت بواسطة zago

مستر هشام ازيك يا باشا
عامل ايه من غيري ؟؟ اكيد مستريح ههههههههههههههه

لا لآ لآ لآ لية بس واحشنى يا وسام أزيك

**JUVENTUS** · 30-04-2011 09:29 PM

في ترموستات بيشغل المروحة على درجات حرارة اقل من 90 يا وسام

**zago** · 30-04-2011 09:33 PM

المشاركة الأصلية كتبت بواسطة JUVENTUS

في ترموستات بيشغل المروحة على درجات حرارة اقل من 90 يا وسام

مانا عارف
شاري واحد امبارح بس مش حركبه
ههههههههههههههههه حخوف بيه الترموستات اللي راكب

**heshamzaky** · 30-04-2011 09:35 PM

بص يا وسام أفضل الغطيان الاول الاصلى بتاع العربية و دة أسود و مرسوم علية زى ثعبان كدة و مش بيتباع جديد و لو أستيراد مش حا يبيعة غير مع القربة
النوع الذى يلية فعلا هو الاصفر و دة أسبانى و فية منة نوعين و النوع دة ممتاز جدا و عدولة جابة مش شارع زكى ب 25 جنية تقريبا