رابطة مالكي وعشاق التمبرا (الجزء الرابع)

**heshamzaky** · 09-04-2011 12:54 AM

مساء الفل يا رجالة ازيكم . زاجو انا مش عارف العلامة دى بتاعت أية أول مرة اشوفها بصراحة مش عارف دى اية

**zago** · 09-04-2011 01:02 AM

ايوه اكيد كنت بخبط في الحلل فالمشرف دخل يجهز العده بتاعته علشان يرميني بره

**heshamzaky** · 09-04-2011 01:04 AM

المشاركة الأصلية كتبت بواسطة zago

ايوه اكيد كنت بخبط في الحلل فالمشرف دخل يجهز العده بتاعته علشان يرميني بره

مش طالبة وقف تانى عاوزينك يا ابنى يا حبيبى ههههههههههههههه
بلاش شد و جذب يا وسام مش مستاهلة لية أمشى على القواعد مستحيل حد يقولك حاجة

**zago** · 09-04-2011 01:09 AM

طيب ما تشوفوني ماشي ازاي وتعملو القواعد على حسب مانا ماشي ؟؟ مش كده يبقى اسهل ؟ ههههههه

**heshamzaky** · 09-04-2011 01:09 AM

المشاركة الأصلية كتبت بواسطة moh1973

انا ناوي ان شاء الله هشتري سيارة فيات تيمبرا موديل 1992 ايطالي انا عندي استفسار عن كام حاجة

1- تغيير الشكمان يتكلف كام
2- صاحب العربية بقول ان لمبة حساس الزيت معلقة وان في لمبتين للزيت بالعربية واحدة خاصة بالزيت تنور لما ينقص الزيت والاخري خاصة بحساس الزيت الخاص بعمود قياس الزيت هل فعلا الكلام ده حقيقي وايه اخطار المحتملة منوجود عطل في الاثنين .
3- سعر العربيات كام دلوقتي ومواصفات السارة اهيه
* موديل 1992 / بور / سنتر لايعمل / زجاج كهرباء ومرايات كهرباء / فتحة يقف / دواخل فابريقة / يوجد بعض الخبطات بس مش جامدة / لا يوجد تكييف - السيارة تعمل كام الايام دي

الشكمان ممكن يعمل 450 الى 850 جنية حسب النوع الى حا يركب و دة شكمان كامل جديد
لو حساس الزيت الى راكب فى جسم الموتور دة رخيص كبيرة 20 جنية مثلا لكن موضوع حساس الزيت الى فى مقاس الزيت دة شفتة فى الانشيا مش التمبرا مش عارف قصدك أية بالتحديد لان مقاس الزيت مفيهوش حساس دة فى الانشيا و لة سلك كهرباء لضغط الزيت و لة عداد مش عارف دة فى التمبرا الدجيتال و لا لآ
سعر السيارة مستحيل يتحدد ألا بعد الكشف عليها

**heshamzaky** · 09-04-2011 01:11 AM

المشاركة الأصلية كتبت بواسطة zago

طيب ما تشوفوني ماشي ازاي وتعملو القواعد على حسب مانا ماشي ؟؟ مش كده يبقى اسهل ؟ ههههههه

يا سلام هههههههههه لآ مش حا ينفع أحنا كلنا ماشين على قواعد المكان الى لامننا كلنا و مجمعنا . كأنى دخلت بيتك مش حا امشى على نظامك صح و لا غلط . بلاش مشاكل لانى عارف انة فى حالة تكرار الوقف العقوبة بتتضاعف عاوزينك بلاش مشاكل يا عمى ههههههههههههه .

**zago** · 09-04-2011 01:12 AM

على فكره عملت خطه شريره علشان العفشه
الخطه تنقسم لعده مراحل
المرحله الاولى واللي اتنفذت النهارده هي اني اخدت الاوبل وروحت البيت ههههههههههههه
اكيد حضرتك عرفت باقي المراحل ههههههههه

**zago** · 09-04-2011 01:19 AM

المشاركة الأصلية كتبت بواسطة heshamzaky

كأنى دخلت بيتك مش حا امشى على نظامك صح و لا غلط .

مانا معنديش نظام
اتفضل واتصرف براحتك

**heshamzaky** · 09-04-2011 01:25 AM

المشاركة الأصلية كتبت بواسطة zago

على فكره عملت خطه شريره علشان العفشه
الخطه تنقسم لعده مراحل
المرحله الاولى واللي اتنفذت النهارده هي اني اخدت الاوبل وروحت البيت ههههههههههههه
اكيد حضرتك عرفت باقي المراحل ههههههههه

هههههههههههه طبعا يبقى ناوى تسيبها لوالدك يتصرف و يعملها بمعرفتة هههههههههههه

المشاركة الأصلية كتبت بواسطة zago

مانا معنديش نظام
اتفضل واتصرف براحتك :oc_sun1[1]:

أيوة دة لما أكون فى البيت أنما هما مش حا يعملو كدة و النظام بيطبقوة على الكل . خلى بالك مش عاوزين مشكلة و خليك معانا ما تختفيش كل شوية ههههههههههههه

**zago** · 09-04-2011 01:39 AM

لا طبعا هو مش حيعملها
هو حيقترح عليا اني اعملها
يعني حيجيبني من قفايا ويقولي انت ماشي بالعربيه وعافشتها بايظه ليه يا وديييييييييييع ؟؟
فأروح انا اقوله والله ياباشا لولا انك حلفت انا مكنتش حعملها هههههههه
بعدين اديله اقتراحات الجنبين الاستيراد واسعار الجديد وكده واتناقش معاه ونشوف حيقول ايه .... ونعمل عكسه

متقلقش بكره ادهم وعمر حيعملو فيك نفس الكلام