الموضوع: رابطة مالكي وعشاق التمبرا (الجزء الرابع)

المشاركة الأصلية كتبت بواسطة moh1973

السادة الافاضل اعضاء المنتدي وكذلك السادة الخبراء اعضاء رابطة مالكي ومحبي الفيات تيمبرا هذه المرة الثانية التي اطلب فيها العون والمساعدة انا بقالي شهرين عمال اجمع معلومات عن الفيات تيمبرا ومش عاوز اقوا اني جمعت اكثر من 35 صفحة عن هذه السيارة وبالفعل انا امامي سيارة تيمبرا معوقيين لموديل 1992 ايطالي 1600 و كل ما انوي اخلص فيها يطلع واحد يقولي بلاش دي عربية سيئة وهدبهدلك ، صيانتها صعبة ومعظم المكيكانيكية والكهربائية مابيعرفوش فيها وبقعدوا يفتوا عند اصلاحها ، كمان قطع الغيار علشان تجيبها لازم تدب مشوار لحتة ثانية وسط البلد مثلا او شارع شمبليون وياعالم الميكانيكي العلامة ممكن يقولك مش هية دي قطعة الغيار وتروح راجع ثاني ياعني رايح جاي الخلاصة قرف في قرق وكمان دي عربية ثقيلة جدا في البيع وهذا غير عيوب السخونة ومشاكل المروحة وغيرها الاي ما مبتبطلش هذا طبعا كلام المعارضين للشراء
ولما ابتديت اقراء في المنتدي وخاصة رابطة محبي التيمبرا الجزء الاول 402 صفحة انا خلصته بالكامل وكذلك الجزء الربع بالكامل وهدخل علي الجزء 2 ثم الثالث كان المعظم بيشكر فيها لكني لما بصيت علي المشاكل الي انتم بتعروضوها حسيت ان الموضوع واسع ومتشعب والاعطال عايزة واحد يكون واخد دورة تدريبية قبل شراء السيارة وابتديت احس بقلك مش عارف لية علي الرغم ان لسة متحمس جدا لهذه السيارة وحاسس انها مش واخدة حقها وكنت بدافع عنها امام المعارضيين لشرائها
علشان كدة انا بطلب النصيحة للمرة الاخيرة وبكل موضوعية وصراحة وعايز حد يطمني اتوكل علي الله واجيب العربية وان فعلا هذة السيارة جيدة وان مخاوفي ليست في محلها ، طبعا في ناس هتقول المهم حالة العربية انا هرد علية واقولة حالة العربية بشكل عام 80% جيدة وماتنسوش برضوا يا دكاترة التيمبرا بجانب النصيحة توصفولي ميكانيكي وكهربائي اساتذة في هذه السيارة وياريت يكونوا قريبين من مسطرد - شبرا الخيمة او حتي شبرا مصر
ان عارف اني طولت عليكم لكن ما خاب من استشار ولكم خالص تحياتي وامتناني

بص يا باشا التمبرا عربية ممتازه بس فعلا يعيبها مشاكل دورة التبريد ولكن ده لأن الأجزاء دورة التبريد بتكون تعبت بعد 16 او 17 سنه استخدام وقطع الغيار الجديده لو استرخصت فيها هاتفضل المشكله
يبقى مبدئيا العربية تعتبر افضل عربية في رنج سعرها مش هاتلاقي احسن منها كركوبه وراحه وتكييف وسعر قطع غيار وتوافر كمان وممكن كمان تكون احسن من عربيات اعلى منها في السعر زي اللانوس مثلا بس طبعا الفارق هنا الحاله يعني تمبرا ماشيه 90 الف ولانوس ماشيه 150 الف اشتري تمبرا طبعا وحتى لو هاتصرف عليها شويه لحد ما تظبطها مش هاتصرف عليك كتير وهاتكون احسن من الكوري بس ارجع واقولك لو معاك تجيب حاجه اعلي يبقى هات لانسر او نوبيرا لأن برده العربيات الجديده لها رونقها وطبعا تكييف الكوري والياباني عامة اقوي من الأوروبي التمبرا تكييفها مش وحش بيحسسك ان الجو لطيف لكن مش بقوة الياباني اثناء الحر
ميزة التمبرا برده لو العربية كاربيراتير سهولة الصيانه وتوافر قطع الغيار لأن مافيش كمبيوتر ولا تعقيدات الكترونيه فالدنيا بالنسبه للصيانه سهله
التمبرا في نظري افضل عربية في فئتها السعرية من حيث الفخامه والثبات وتوافر قطع الغيار وسعر بيعها تقريبا معروف بالاضافة لقوة الصاج والمتانه وربنا يوفقك للي فيه الخير بس اهم حاجه حالة العربية ودور على عربية ما تكونش ماشيه كتير

المشاركة الأصلية كتبت بواسطة zalabany

بص يا باشا التمبرا عربية ممتازه بس فعلا يعيبها مشاكل دورة التبريد ولكن ده لأن الأجزاء دورة التبريد بتكون تعبت بعد 16 او 17 سنه استخدام وقطع الغيار الجديده لو استرخصت فيها هاتفضل المشكله
يبقى مبدئيا العربية تعتبر افضل عربية في رنج سعرها مش هاتلاقي احسن منها كركوبه وراحه وتكييف وسعر قطع غيار وتوافر كمان وممكن كمان تكون احسن من عربيات اعلى منها في السعر زي اللانوس مثلا بس طبعا الفارق هنا الحاله يعني تمبرا ماشيه 90 الف ولانوس ماشيه 150 الف اشتري تمبرا طبعا وحتى لو هاتصرف عليها شويه لحد ما تظبطها مش هاتصرف عليك كتير وهاتكون احسن من الكوري بس ارجع واقولك لو معاك تجيب حاجه اعلي يبقى هات لانسر او نوبيرا لأن برده العربيات الجديده لها رونقها وطبعا تكييف الكوري والياباني عامة اقوي من الأوروبي التمبرا تكييفها مش وحش بيحسسك ان الجو لطيف لكن مش بقوة الياباني اثناء الحر
ميزة التمبرا برده لو العربية كاربيراتير سهولة الصيانه وتوافر قطع الغيار لأن مافيش كمبيوتر ولا تعقيدات الكترونيه فالدنيا بالنسبه للصيانه سهله
التمبرا في نظري افضل عربية في فئتها السعرية من حيث الفخامه والثبات وتوافر قطع الغيار وسعر بيعها تقريبا معروف بالاضافة لقوة الصاج والمتانه وربنا يوفقك للي فيه الخير بس اهم حاجه حالة العربية ودور على عربية ما تكونش ماشيه كتير

جبت الخلاصة و الفايدة يا زلبانى مية مية يا باشا

و الله يا ادهم بك كلام جميل الفكرة ان بعض الاخوة من ذوى الاحتياجات الخاصة لما بيركبو العربية دى بتبقى واقفة عليهم بسعر رخيص جدا و ممتاز و طبعا هو عارف انة بعد 3 سنوات ممكن يبيعها و يجيب غيرها علشان كدة مش بيصينها صح و ما بيبقاش عاوز يصرف عليها خالص لو كانت أنجيكشن و حصلتلة مشكلة يقوم رايح للميكانيكى و هوب يا باشا يضرب مفكين فيها و يقوم قالبها عادة كاربراتير و لو عفشة أتدمرت يجيب عفشة استيراد و يلزق العربية و يلصمها لغاية ما يبيعها

المشاركة الأصلية كتبت بواسطة nona4455

السلام عليكم --كنت عايزك تسالي ياوسام علي الفانوس الامامي بلاشاره بكام عند فاروق وياريت الكرتيره الخلفيه شمال لاني دايخ عليها ومش لاقيها

للأسف مش رايح علشان الجو ولعه
بس استاذ هشام قالك السعر
كمان انت عندك كارتيره ورا اصلا ازاي ؟ واحنا اتاكدنا انها ملهاش ورا
ولا دي بتاعت شاهين ؟
عايزك تبص عليها وتشوف اي كتابه عليها

المشاركة الأصلية كتبت بواسطة man_faraway

والله يا اخى نفس العيب عندى برده اباه مفول تلاقى العداد بيدى اشارة تحزير وحبه يجيب القياس الصح وكده على راى عدويه حبه فوق وحبه تحت واضح ان معظم العربيات التمبرا كده سالت مرة كهربائى قالى العوامة عايزة تتظبط ومعرفش فى جهاز كده بيعمل الموضوع ده بصراحة طنشط الا ممكن يطلع الى بيشغل الجهاز متعارك مع مراته بدل ما يكحلها يعميها فقلت لا كده كويس اوى بس برده لازال السؤال قائم ؟؟؟؟؟؟؟؟

كان فيه موضوع عن تصليح العوامه هنا في المنتدى
انا فكيتها قبل كده والموضوع كلامه مظبوط
بس هي عندي سليمه انا فكيتها علشان اخربها والخطه فشلت

استاذ هشام
بيب بيب كله تمام
ههههههههههههههههه