الموضوع: رابطة مالكي وعشاق التمبرا (الجزء الرابع)

المشاركة الأصلية كتبت بواسطة heshamzaky

هههههههههه طيب تمام يا باشا و مبروك الكلاكس ههههههههههههه

الله يبارك فيك

المشاركة الأصلية كتبت بواسطة eng_tefa

انا كونت بحط 90 واخر تفويله دى حطيط 80 اعمالا بنصيحه وسام
وفعلا مفرقش اى حاجه خالص عامل دلوقتى 250 كيلو بيها وانهارده بس اللى عملت كدا
طب يكون العيب من ايه؟؟؟؟
انا مش فاهم حاجه

لازم تحط اسمي في موضوع ال 80 يعني ههههههههههه
هو غالبا كان فيه شويه شوائب وعلى حظك دخلو الكربراتير وانت على الكوبري
الطوبه بقى اللي فرقعت الكاوتش دي مترتبه
اكيد واحده من اللي زحلقتهم يا قاسي عارفه انك حتركن هنا
وهي اللي جايبه الطوبه دي
عموما احمد ربنا انها محدفتكش انت بالطوبه

عدولة انت عارف اية الى الراجل بيحطهولك فى القربة علشان يمنع الاخرام هى حاجة شبة الردة بتاعت العيش صح كدة ههههههههههههه . دى يا باشا بذرة الكتان و مطحونة و مشكلتها ممكن بعد فترة تسد المواسير شوية

المشاركة الأصلية كتبت بواسطة ahmed79

كل العربيات مفهاش كرتيره وره شمال والله انا بفكر انى افصل الكرتيره الى وره عشان الاكصام والشكمان بيتبهدلو
فى حاجه عندى وانا ماشى بالعربيه لو هديت السرعه وجيت ازود بلاقى فى تنتيشه وبعد كده تسحب ممكن تكون ايه هل الكاربرتير ولا حاجه تانيه بس ده بيحصل عللا السرعه التانيه

ممكن تتعمل بس عاوزة بلاستيك مرن شوية علشان ما يقطمش لو أتخبط فى الرصيف

المشاركة الأصلية كتبت بواسطة zalabany

يا تيفا حد يسمع كلام وسام برده يوووووه لو قلتلك عدد الناس اللي بتسمع كلامي حتستغرب
عامة اكشف على الكاربيراتير وعلى بيك السلانسيه ممكن يكون السبب

لعلمك بقى بنزين 80 ده اخر ألاجه يا بيه
بصراحه مره حطيت 20 لتر في الأوبل ...بقت بطه بلدي هههههه
وكانت ليله مش باينلها نهار لحاد ما فضيت البنزين واستعنت بصديق
اوعى تعمل زيي

المروحة سرعتين البطئية بتشتغل 92 وتفصل 87 والسريعه 97 نتفصل 92 ولما بتشغل التكييف بتشتغل السرعه العاليه
لما المروحة ما تشتغلش ممكن يكون ليها اسباب كتير فيشه سايحه او في مشكله في مجموعة المروحه او فيوز المروحة العمومي ضارب او المروحة نفسها قافشه
الزيت اللي بنستخدمه انا وهشان فيسكو 2000 من محطات كارجاس وبيقعد 5000 افضل جوده واقل سعر
العربية واخده هوا يعني دورة الميه فيها فقاقيع هواء وده بيخلي الثرموستات ما تقيسش الحراره مظبوط وبالتالي العربية هاتسخن
وبتطلع الميه بفك مسمار الهوا او فك الخرطوم الرفيع اللي داخل على القربه وتزود ميه والعربية دايره لحد ما تفضي الهوا

انت كاتب ارقام عاليه كده ليه ؟
في ال 128 بتاعتي المروحه بتشتغل على ال 90 وتفصل تحتيها بشرطه تقريبا
عمرها ما وصلت ل 97 دي خالص
حتى امبارح لما اكتشفت ان الترموستات بايظ كانت عند ال 90 ولما وقفت طلعت عن ال 90 ب 3 شرط بس
اعتقد 97 دي كتيييييييييييييير مش صح ؟؟
عموما انا جبت النهارده ترموستات بدل اللي باظ وركبته
ودلوقتي بتشتغل بعد ال 90 بشرطه وتبطل عند ال 90
يبقى كويس ولا ميه بطيخ ؟؟

المشاركة الأصلية كتبت بواسطة yoyomano

ازيك يا عادل باشا انت بتختفى فين ليك وحشة فين مشاركاتك اللى كانت بتفطسنا من الضحك
الاخوة الاعزاء اللى كانوا بيسألوا عن مؤشر البنزين العيب دة ممكن يكون من الفيشة اللى راكبة على العوامة او من العوامة ذات نفسيتها يعنى تكون الفيشة او السلك بيلامس الارضى او العوامة بايظة بالمناسبة انا عايز اجييب عوامة استراد بس مش علشان بايظة بلعكس ابسيلوتلى ههههههههههه
هية شغالة تمام بس للاسف مكسورة من الشفة العلوية فا دايما بتسرب بنزين من اعلى وخصوصا فى الملفات وكمان مبقدرش افول التانك لأن كل لما افول الاقى بحر بنزين تحت العربية قبل ما اصرخ فى الراجل اللى بيمون علشان يفصل المسدس

ياباشا سد حوالينها باللزق ده اللي هو انبوبتين بتخلطو ببعض
او فيه بتاعه كده اسمها العجينه السحريه ب 5 جنيه
او اديها سليكون
بس متكترش لا تلاقيها بقت هيفاء وهبي