الموضوع: رابطة مالكي وعشاق التمبرا (الجزء الرابع)

يا تيفا حد يسمع كلام وسام برده
عامة اكشف على الكاربيراتير وعلى بيك السلانسيه ممكن يكون السبب

المشاركة الأصلية كتبت بواسطة sohagy

والله انا ربنا رزقني بواحد استااااااااااذ في الكربراتير زبطلي العربية خلاها حرير بعد اما كانت مبرجلة تقيلة ودلوقتي بقيت يدوب المس رجلي علي دواسة البنزين الاقي العربية طلقة ومواعيده مظبوطة جدا ..
المهم انا حطيت عليات قدام تقريبا اقل من 3 سم علشان الاكصدام كان بحك في المطبات وكل حاجة حاليا زي الفل . انا بظبط حاجات في الكهربا زي لمبة مستوي قياس الزيت وعداد مستوي البزين .. العربية حاليا عند الكهربائي وسأوافيكم بالتفاصيل اللي ممكن تهم البعض
الأسئلة :
1- المفروض المروحة تشتغل علي كام وهل ليها سرعات
2- لما العربية تسخن وتعدي المية والمروحة ما تشتغلش يبقي ايه السبب
3- افضل انواع الزيت وعدد الكيلو متر
4- يعني ايه العربية واخده هوا .. وايه علاقة ده بالسخونة
5- لسة لما تقابلني مشكلة

المروحة سرعتين البطئية بتشتغل 92 وتفصل 87 والسريعه 97 نتفصل 92 ولما بتشغل التكييف بتشتغل السرعه العاليه
لما المروحة ما تشتغلش ممكن يكون ليها اسباب كتير فيشه سايحه او في مشكله في مجموعة المروحه او فيوز المروحة العمومي ضارب او المروحة نفسها قافشه
الزيت اللي بنستخدمه انا وهشان فيسكو 2000 من محطات كارجاس وبيقعد 5000 افضل جوده واقل سعر
العربية واخده هوا يعني دورة الميه فيها فقاقيع هواء وده بيخلي الثرموستات ما تقيسش الحراره مظبوط وبالتالي العربية هاتسخن
وبتطلع الميه بفك مسمار الهوا او فك الخرطوم الرفيع اللي داخل على القربه وتزود ميه والعربية دايره لحد ما تفضي الهوا

سوهاجى باشا أنا فاكر أنك قولتلى فية تسريب مياة من الصمام الى سألتنى علية و قلت لك دة بياخد هواء هو بيسرب مية و لا لآ ؟ لو بيسرب مية لازم تغير الخرطوم الاول و قولنا الموضوع كامل علشان ما ندليكش حلول مش مظبوطة تكلفك قطع غيار مالهاش لازمة تتغير و علشان ما نضربش أخماس فى أسداس و نعرف نقول حل المشكلة من أرض الواقع