نيسان سامسنوج

**elshinzawy** · 22-03-2011 03:41 AM

ارجو من اى احد يعرف العربيه دى او معاه زيها يقولى بيشترى قطع غيارها منين لانى دايخ على كبالن ومساعدين ومش لاقى عندى خالص وفى ناس قالولى ان مفيش غير واحد بس فى القاهره فى التوفيقيه بس اسعاره عاليه قوى ياريت لو فى حد يقدر يفيدنى وهل فى حد فى بور سعيد عنده حاجاتها ورخيص مش غالى ولكم جزيل الشكر

**sedyrohy** · 22-03-2011 01:17 PM

دي صني خليجي
نفس الماتور
نفس العفشه
للصني المصري
ممكن تجيب حاجات الصني و تركبلها و الله اعلم

اسئل في توكيل نيسان كود الماتور هوا نفسه ولا لأأأأأأ

n16

**Ahmed.TV** · 23-03-2011 02:51 PM

بص حل العربية لو عايز قطع غيار اصلى اصلى عشان تعمر معاك التوكيل

يا اما توكيل نيسان او توكيل رينو , لان بتنزل تبع توكيل رينو دلوقتى باسم سكالا

قطع الغيار العادية بتاعت الصيانات الدورية من اى حد فى التوفيقية او الحرفين او شارع دمشق , وحتلاقى فى دمشق كتير لنيسان ,

وقطع الغيار بتاعت الصيانات العادية حتجبها زيها زى قطع غيار نيسان

والحاجات التقيلة اوى مش حتلاقيها فى المحلات العادية حتلاقيها فى التوكيل نيسان او رينو تبع الموزعين المعتمدين لقطع الغيار

حتلاقى فى شارع دمشق موزع معتمد لقطع غيار اصلية لنيسان والتقيلة زى الكبالن وغيره اسمه محمد جابر لو عايز اى حاجة تقيلة اصلية زى ما قولتلك يبقا من عنده

ولو عايز قطع غيار صيانات مش اصلية ورخيصة يعنى للصيانات العادية تيل وفلاتر وبوجيهات فى كام محل حواليه بيبعوا ارخص منه قطع الغيار الخفيفة دى

واذا كنت عايز استيراد عليك وعلى الحرفين فى كام محل هناك مشهورين لقطع غيار نيسان

تحياتى واسف على الاطالة