الموضوع: icdl في القوات المسلحة

نصيحة مني ابعد عن القوات المسلحة بالذات المعهد بتاع مدينة نصر مواعدهم زفت جداااااا
افضل مكان تروح فيه المركز بتاع التعبئة العامة والأحصاء اللى في شارع امتداد رمسيس منظمين وكمان ساعات بروح امتحن فيه من غير ما احجز ...لو هتاخد الكورس علي حسابك بتجيب بطاقة التسجيل ب150ج والأمتحان كل واحد ب30ج والتدريب ببطاقة التسجيل تقريبا ب500ج...المنحة ب200ج وتستردهم لو نجحت.

المشاركة الأصلية كتبت بواسطة mikho83

هو أنا لازم أدرس ولا ممكن أدخل الاختبار على طول؟؟؟
وهل فيه اختبار تحديد مستوى؟؟؟

ممكن تخش الأمتحان علي طول لو ذاكرت الأسئلة وده في حالة انك بتاخد الكورس علي حسابك
لو منحة بيبقي فيه اختبار تحديد مستوي.

المشاركة الأصلية كتبت بواسطة ehab

طيب استاذ محمد المنحه دي في اي وقت و لا ليها اوقات معينة و باخد المنحه دي ازاي للعلم انا طالب جامعي بس في الجامعة الي بياخدوها دفعة اولي بس تقريبا.

المنحة بتبقي في اي وقت وممكن تسجل علي موقع وزارة الأتصالات وكان ليها شروط هتلاقيها علي موقع الوزارة

المشاركة الأصلية كتبت بواسطة mikho83

يعني المنحة دي بتاع وزارة الاتصالات كويسة وبتعمل تحديد مستوى؟

هو الفرق بين المنحة والخاص ان المنحة بتبقي الكود بتاعها eg يعني شهادة مصرية لكن الخاص بتبقي un يعني شهادة دولية المنحة ممكن تحتاج تعتمدها من الخارجية لو حبيت تسافر برة ..كمان صلاحية بطاقة التسجيل في الخاص 3سنوات لكن في المنحة بيلزمك بوقت محدد ...والله اعلم.
ولو فيه اي استفسار انا رايح امتحن يوم السبت القادم ممكن اسألكم علي اي حاجة عايزينها.

المشاركة الأصلية كتبت بواسطة m.osama

علي فكره معهد القوات المسلحه اللي قدام سينما طيبه ممتاز انا اخدت فيه اكتر من كورس انما موضوع المواعيد دي اعتقد دي حاجه استثنائيه لاني حضرت فيه 3 كورسات وكانت المواعيد مظبوطه خصوصات ان الـ instructor اللي كان مع الكورس كان ظابط اساسا

في مواعيد الكورسات هتلاقيهم مظبوطين لكن مواعيد الأمتحانات بتاعت الرخصة الدولية لعنة...كنت بروح وابقي حاجز ودافع فلوس وفي الأخر الاقي ناس بتدخل قبلي او الاقي المسؤول طالع بعد انتظار ساعات يقولنا مافيش امتحانات خلصنا...لكن بتاع مركز التعبئة العامة والأخصاء ممكن اروح من غير ما احجز واول ما مكان يفضي بيدخلني كمان قاعة الأ،تظار هناك مكيفة لكن في القوات المسلحة بتقعد في الشمس لغاية ما ملامحك تتغير.