شباب محتار بين الالنترا والمايتريا انا عارف انه فى منتدى الهونداى اكيد الناس متحمسه للهيونداى بس فى ناس كاتبه عن عيوب فى التوكيل وعيوب زى التاثر بذبذبات الموبايل وحاجات كده مش مطمنانى
ايه رأيكو افيدونى افادكم الله
عرض للطباعة
شباب محتار بين الالنترا والمايتريا انا عارف انه فى منتدى الهونداى اكيد الناس متحمسه للهيونداى بس فى ناس كاتبه عن عيوب فى التوكيل وعيوب زى التاثر بذبذبات الموبايل وحاجات كده مش مطمنانى
ايه رأيكو افيدونى افادكم الله
أنا مجربتش الاتنين
بس من شكلها بصراحة عمرى ما هفكر بينهم
إلنترا طبعا
وبالذات موديلات 2007 و 2008 رائعة
شكرا لاستجابتك السريعه دكتور احمد
بس الناس هنا كاتبين ابعد عن غبور فقلقونى شويه
ماتيريا لأسباب كتير جداً أهمها عوامل الامان الكتير فيها والمساحات الداخليه الرهيبة والشكل المميز جداً والكماليات المناسبة للسعر بتاعها وإنتهاءً بالوكيل
الوكيل كان عامل حملة بأسعار قطع الغيار وكانت معقولة جداً مقارنةً بوكلاء تانيين
إذا كانت عفشة الماتيريا ضعيفة يبقى أكيد عفشة السريون من بلاستيك :) إسأل أصحاب السريون عن عفشتها عاملة ازاي
الإلنترا تفتقد للتميز و غالية بدون كماليات وتمتاز بسرعة البيع
Thanks
Eng.Sherif Shaker
التوكيل مش فيصل بخصوص الالنترا لأنى أعتقد خدماتها متوفرة خارج التوكيل
والتوكيل المريح لعملائه عموما نادر جدا فى مصر
صراحة دى فئة و دى فئة تانية خالص
اللى هيفرق, متطلبات حضرتك من العربية ايه؟
ولا تنسى أهمية سعر إعادة البيع لو كان عامل مهم عندك في الاختيار
لأن طبعاً سعر إعادة بيع الماتيريا مش زي الإلانترا
الانترا طبعا
اجمل حاجه فى ردودكم شباب انكم مش محتارين زيى ناس مرجحه الماتيريا بشده وناس مرجحه الالنترا بشده انا عاجبنى فى الماتيريا الوسع وعاجبنى شكلها كتير بس خايف انها تطلع ميكانيكيا مش اد كده او يطلع فيها عيوب مش عارفها وكمان خايف من سعر اعاده البيع انا مش هابيع قبل 5 سنين مثلا علشان انا هاجيبها قسط هل مثلا هابيعها بعد 5 سنين بنص التمن مثلا ولا اقل ؟
واللى خلانى ابص ل الالنترا انتشار الهونداى والعربيه المنتشره يقال ان بتكون حاجتها متوفره (مع انى مش عايز اركب عربيه ماليه الشارع)
معلش استحملونى وساعدونى فى اتخاذ القرار
سؤال حلو ... و الاحلى انى هاقولك مــــــــاتيرا طبعاً :)
دى مابتحصلش مع دايهاتسواقتباس:
خايف انها تطلع ميكانيكيا مش اد كده
مش عارفين نمسك عليهم حاجة الناس دىاقتباس:
يطلع فيها عيوب مش عارفها
انت قلتها ..مش قبل 5 سنين ..يبقى كدة ممكن تكسب فيها مش تخسراقتباس:
خايف من سعر اعاده البيع انا مش هابيع قبل 5 سنين
الانتشار و التوفر ..مش هايفيدك طول ما انت جوة ال 5 سنين مع توكيل محترم .اقتباس:
واللى خلانى ابص ل الالنترا انتشار الهونداى والعربيه المنتشره يقال ان بتكون حاجتها متوفره
طيب معلش حد يفدنى فى النقطتين دول بالنسبه للماتيريا موضوع العفشه ده هل فعلا ناشفه شويه؟ وموضوع ارتفاعها عن الارض علشان انا ممكن يكون راكب معايا 5 افراد وشنط كمان
وبالنسبه ل الاانترا هل فعلا صاجها خفيف وبيتاثر باى حاجه ؟
ممكن اقول لحضرتك مميزات الإلنترا
- المحركات اكثر تطور وهي من نوع Cvvt اكثر استجابه واوفر وقود واقل صيانه لان سير
الكاتينة مصنوع من الحديد ولا يحتاج تغيير .
2- قاعدة العجلات اطول يعني راح اكثر وسعه اكبر .
3- تعليق جديد متعدد الوصلات يعطي ثبات اكبر للسياره
4- الشنطه لموديل 2007 اكبر من 2006 السابقه
5- المقود متطور اكثر وهو من نوع الكتروبور اقل قطع لايوجد به طرمبة زيت دركسون او علبة
زيت دركسون او سير دركسون او ليات ومواسير زيت وبالتالي يعني اقل صيانه واقل تاثر بظروف
الطريق لانه لا يوجد عمود دركسون بين المقود والكفرات فلا تنتقل الاهتزازات الى المقود مثلا عيون
القطط اكثر دقه لعدم وجود مايسمى بالدوده واكثر سلامه في الحوادث لا قدر الله لانه لا يوجد عمود
خلف المقود ويوجد فقط اسلاك كهربائيه . وهذا النظام تم تجهيزه في اكسنت 2006 قبل كذا واثبت
فعاليته والان تم اعتماده من تايوتا في سيارتها كورلا الجديده 2008
طبعا غير المساعدين الغاز
باختصار عربية رفاهية و راحة و نعومة ،،
و عيوبها من وجهة نظري الشخصية و اللي سمعته من الناس
نظام الباور الجديد ناعم بطريقة مخيفة للي مش واخد عليه
افتقاد اوبشنز المفروض تبقي اساسية في عربية بالمستوي ده زي الإيرباج و abs
بحس ان حجم العربية كبير نسبيا و ابعادها محتاجة تعود
الكماليات اللي غبور بيركبلها في مصر
قطع غيارها مازالت غالية لأنها لسه جديدة
بخصوص الماتيريا فهي عربية مجهولة الهوية ،،
و انتشارها ضعيف جدا الإنتشار اللي متسمهوش تميز اسمه ندرة
يعني هتكون تحت رحمة الوكيل و إعادة البيع ضايعة ،، في القيمة و لو عرفت تبعها اساسا
رأيي متجبهاش غير لو حضرتك كبير في السن أو بتشكو من حاجة معينة ،،
و محتاج MPV سقفها عالي فبتبقي ظريفة في الركوب و الطلوع و الخروج ،،
الالنترا ممتازة جدا
واسعة جدا من جوه والسحب بتاعها اقوى من الماتيريا (جربت الاتنين)
قطع غيارها متوفرة جدا (لسة مغير الفانوس الخلفي اصلي كوري ب 430 جنيه )
اعادة بيع ممتازة
متوفرة بتكييف وباور وسنتر وانذار ومرايات كهرباء (قياسي) في اول فئاتها
صيانتها سهلة خارج التوكيل (مجربة جدا)
ولم اشتك اطلاقا من اي شيء في السيارة وعاملة دلوقتي 20 الف كيلو متر ولم اذهب للتوكيل الا عند صيانة ال 1000 وال 10000
واعلى من الماتيريا عن الارض والشنطة بتاعتها واسعة جدا
شوف لو عندك اي استفسار تاني
انا مبسوط جدا لاهتمامكم وردودكم بس انا لسه محتار الاستاذ seatlover مرجح الماتيريا والاستاذ احمد انور ومومو مرجحين الالنترا وانا بعتز بارائكم كلها
مش عارف اخد قرار لسه او بمعنى اصح مش عارف امتى دى تبقى انسب او دى تبقى انسب (بغض النظر عن موضوع انى كبير السن او بشكى من حاجه ) انا لسه 27 سنه
معلش ياجماعه سؤال كمان هى الالنترا بتتجمع كلها هنا فى مصر؟
بص يا outosend انا هاقولك على حاجة تريحك ..فى العربيات دى بالسعر دة يعنى اللى بدور حوالين 100 الف ج ... بيبقى الفروق ال technical بينهم بسيطة جداً ومايحسش بيها غير حد ساق مائة عربية من انواع مختلفة .
انت احسن حاجة تعملها ..تروح تتقرج على الاتنين و تقعد جواهم 5 دقايق وتشوف الدنيا حواليك عاملى اذاى و احساسك بيهم اذاى ... وتشوف راحتك النفسية رايحة لمين فيهم ... ومين إرفتها حلوة ....(العربيات إرف ..احياناً)
بس متنساش تبص فى مراية الصالون الوسطانية :p
والله راى جميل فعلا هاجربه فعلا بس هو مافيش مكان ممكن اعمل فيه test drive ولا على الواقف بس كله ؟
وحضرتك عارف طبعا ان الواحد صعب يغير عربيه بسهوله اليومين دول انا مثلا حاطط كل فلوسى فى المقدم علشان القسط يبقى معقول ده اللى مخلينى خايف او متردد اشترى حاجه واتخم فيها لانى بمعنى اخر هالبسها هالبسها الامكانيات الماديه مش هاتسمح بالتغير قبل 2020 مثلا
وتقبلوا وافر تحياتى واسه مستنى ارائكو القيمه كده مجموه الاراء 4\3 لصالح الالنترا
روح توكيل دايهاتسو و بس اقعد في الماتيرا :)
و اقعد في الكراسي اللي ورا كمان وشوف ازاي حتكون مريحه وواسعه للي حيركبوا معاك :)
انا رحت فعلا يابرو توكيل دايهاتسو وقعدت زى مابتقول كده وعجبنى الاتساع فعلا
بس معظم اصحابى متخوفين من قطع غيارها ارتفاعها من على الارض سعر اعاده بيعها وناس اتكلموا على العفشه بتاعتها وكل ده انا معنديش معلومات مؤكه بيه يعنى مش من تجربتى الشخصيه
كده بقينا 4\4
مين كمان؟
ممكن ادلو بدلوي بس من غير ما اطرطش على حد
اولا الماتيرا معروف ان دايهاتسو شبه مملوكة لتويوتا وكل المحركات والعفشة بتاعتها تويوتا
ماعتقدش في حد هنا يقدر يتكلم عن عفشة تويوتا
الوسع فعلا ممتاز ارتفاع 15 سم تقريبا مقابل 16 تقريبا للالنترا
توكيل محترم جدا جدا جدا
قطع غيار مش غالية لما اعلن عنها في حملتة الاعلانية
موتور 1500 موفر بنزين عزمة محترم مكفي العربية كويس
ضمان كويس جدا جدا
شكلها انا عن نفسي ماتقبلتوش بس غيري ممكن يتقبلة بسهولة وانا ماتقبلتش الماتركس وال بي تي كروزر يعني مش هيا بس
سعرها عادل جدا بالنسبة لامكانياتها وخاصة عوامل الامان
توكيل بيسعى لتثبيت اقدامة في السوق المصرية وبيخاف على العميل
نيجي لهيونداي النترا
انا شخصيا كنت معجب بيها قبل ماجيب الكرولا وكانت احد اختيارتي المرشحة بقوة وجربتها وعجبتني وكتبت تجربتي معاها هنا
عربية حلوة وواسعة ثباتها عالي وامكانياتها متقدمة
كاتينة جنزير مش سير وكمان ماتيرا كدة على ماعتقد لان كرولا كدة وهيا نفس المواتير تقريبا
مساعدينها غاز مش غاز وزيت زي بقيت العربيات وده بيعزز الثبات لاكن مخليها ناشفة قوي في الطبات وتحس بخشونة واضحة
فتيسها المانيوال معجبنيش وحسيت فيه بعضة خفيفة خاصة في الاول والتاني ومش ناعم كدة زي الياباني
باور كهربا مش عارف ماستريحتلوش ليه في السواقة
اعجبت بيه اول مرة تاني مرة ماعجبنيش
وكيل مش حاطط الاير باج غير في اعلى الفئات وكان امان الراكب عندة حاجة مالهاش لازمة بعكس عربيات زي تويوتا ياريس او كرولا بينزلو الاير باج قياسية في كل الموديلات حتى لو عربية مافيهاش زجاج كهرباء
توكيل من اسواء التوكيلات اللي اتعاملت معاهم في حياتي وكان السبب الاساسي في بعدي عن العربية ولو كنت لقيت منها خليجي وقت ما جبت عربيتي كنت جبت وبعدت عن الوكيل(انا اتعاملت معاه في 3 عربيات)
صلي استخارو واللي تعجبك بعد الاستخارة 3 ايام هاتها
بس لو عايز كلمة في ودنك
يا ريت تروح تتفرج على السيراتو
لانها نفس موتور وعفشة وشاسية اللنترا الجديدة
وهيا شكل جديد لسه اولة 2008
وكيل محترم راجع بقوة وسبق التعامل معاه لمدة سنة تقريبا وكنت متشال على كفوف الراحة
اعادة بيع هاتكون كويسة لانها عربية معروفة من 2004 زي البيكانتو
وتمن اقل من الالنترا بكام الف انت اولى بيهم
وربنا يوفقك
اخر حاجة
مافيش في العربيات الجديدة حاجة اسمها ابعد عن التوكيل لانها مليانة تكنلوجيا معقدة هاتخليك محتاجلة دايما خاصة في الظبط الدوري للعربية وعشان تحافظ عليها بكامل ادائها اطول فترة ممكنة
-ماتيريا تعني:
-مساحة داخلية رهيبة
-شكل عجيب(حسب الاذواق)
-مش عارف ليه حاسس ان ثباتها مش هيكون عالي لان وزنها خفيف و 105 حصان بس قاعدة العجلات عريضة
-اوفر في البنزين 1500 مش 1600
-اطول عمرا (ياباني-كوري)الياباني يكسب..........
-التوكيل معنديش اخبار عنه بس بكل المقاييس احسن من غبور طبعا
الانترا تعني:
-1600 سي سي يعني جري اكتر لانها 121 حصان و بنزين اكتر
-الثبات عالي
-التحمل لو هتعاملها براحة هتبقي كويسة هنتها هتموت منك و الكلام ده مؤكد من عضو مالك هنا في المنتدي بيقول بالظبط(وحش علي الطريق لكن مش بتستحمل)
-توكيل ينطبق عليه نفس الوصف اللي قلته علي توكيل vw (عذاب كفار مكة للمسلمين ارحم منه)
-سعرها عالي في نظري علي سلعة كورية غير معمرة مع الشغل الجامد
-التقفيل حلو لكن خامات التابلوه رديئة (بلاستيك)مع الشمس هتتفرتك..
المحصلة النهائية في رأيي ماتيريا بس اتأكد من موضوع الثبات بعد 150كم\ساعة لان ياما عربيات قاعدة العجلات بتاعتها عريضة لكن الوزن الخفيف مع القوة الحصانية ضاعت
IBIIIIIIIIIIIIIIIIIIIIIIIIIIZZZZZZZZZZZZZZZZZZZZZZ ZZAAAAAAAAAAAAA FOR EVER
كريم ومحمد شكرا بجد لاضافاتكو الهايله بجد مرسى
بس هو انا راجل مش بتاع جرى يعنى اخرى 100 ده لما اكون طاير يعنى وماشى 3 بالليل لوحدى او على سفر ومعايا دلوقتى لادا سمارا فاى عربيه جديده بالنسبالى نقله وهاحس انها طياره
لو الماتيريا حايزه على اعجابكو ومش شايفين انها ااقل من الالنترا فى الكفاءه هاتكل على الله واجيب الماتيريا
لو الالنترا رفاهيه اكتر ونعومه اكتر انا كده كده مش هاجرى بيها
مرسى لاهتمامكو
طبع أخواني استفاضو في الحديث عن العربيتين
ولكن أضيف بعض الحقائق عن الماتيريا
أولا شركة دايهاتسو مملوكة لتويوتا وشركة سيون في امريكا حيث انها مخصصه للسوق الأمريكي فقط مملوكة ايضا لتويوتا
والماتيريا عربيه متواجده في بعض البلدان العالمية واليابان باسم تويوتا DB وباسم سيون في امريكا XB
يعني ليست عربيه مجهولة ولا حاجه
ودي صورة لها في معرض طوكيو الأخير في اليابان نفسها ومعروضه باسم تويوتا
وهنا موجوده في موقع تويوتا اليابان نفسه http://toyota.jp/bb/garnet/
وعن راي الشخصي انصحك بالأستخارة وربنا يرزقك الخير ان شاء الله
شكرا ابو عبد الله على اهتمامك
يا جماعة انا اشتريت ماتيريا و حاستلمها النهاردة ان شاء الله و اقول لكم بعد ما اجربها
اللون الاحمر مخصص للادارة يا ريت قراءة قواعد المنتدي
الادارة 1
مبروووووك
ياريت تطمنا على العفشه اخبارها ايه اهم حاجه
اسف على الغلطة الغير مقصودة
و ان شاء الله اقول لكم على الاخبار بكرة ان شاء الله
كلامك مظبوط و على فكرة جابوها فى حلقة من pimp my rideاقتباس:
أولا شركة دايهاتسو مملوكة لتويوتا وشركة سيون في امريكا حيث انها مخصصه للسوق الأمريكي فقط مملوكة ايضا لتويوتا
والماتيريا عربيه متواجده في بعض البلدان العالمية واليابان باسم تويوتا DB وباسم سيون في امريكا XB
يعني ليست عربيه مجهولة ولا حاجه
ودي صورة لها في معرض طوكيو الأخير في اليابان نفسها ومعروضه باسم تويوتا
معلش اسمحلى اختلف معاك شويةاقتباس:
التحمل لو هتعاملها براحة هتبقي كويسة هنتها هتموت منك و الكلام ده مؤكد من عضو مالك هنا في المنتدي بيقول بالظبط(وحش علي الطريق لكن مش بتستحمل)
-توكيل ينطبق عليه نفس الوصف اللي قلته علي توكيل vw (عذاب كفار مكة للمسلمين ارحم منه)
-سعرها عالي في نظري علي سلعة كورية غير معمرة مع الشغل الجامد
كلامك تقيل اوى و فيه مبالغة شديدة
اولا انا عندى عربية هيونداى و متجمعة فى مصر و مش بشتكى من توكيل غبور الا علشان سعر تيل الفرامل المباغ فيه جدا, طيب الناس بتقول وحش انا معاهم بس برده الناس بتبالغ و متوصلش لدرجة (عذاب كفار مكة للمسلمين ارحم منه).
على فكرة كل التوكيلات وحشة مش توكيل غبور بس و كمان توكيل غبور اتحسن بشكل ملحوظ (اخر مرتين اتصلحت احجز الصيانة لقيت حجز تلنى يوم عليطول) و كمان أنا شايف الناس زوق من مهندسين و مديرين . بس الفكرة فى ناس بتروح منغير حجز و اكيد دا اللى بيسبب مشاكل انما لو كل واحد حجز و راح فى معاده هيستلم العربية فى الميعاد برده , بعدين انت ممكن تروح تعمل صيانة عند أبوغالى فى العبور مثلا لو عايز , هى مشكلة غبور الحاجات المصرى زى الانذار و الكلام دا فى العربيات المستوردة بيحط اسوا حاجة (انا قريت موضوع الانذار اللى بيخلى نور العربية يطفى و ينور لما الموبايل يرن) و ضريبة التهليب ( اسعار قطع الغيار المبالغ فيها و اللى وصلت لدرجة انها اغلى من قطع غيار التيوتا فعلا فى كل العربيات )
طبعا الفرنا عربية ب 60000 و متجمعة فى مصر و كمان مصنع (بير السلم) بتاع غبور وحش اوى فاكيد اللى بيدفع 60 فيها مش متوقع انه شارى مرسيدس مثلا
بس برده العيب عليه انه لازم يهتم بالجودة مش يسلم عربية فيها عيوب واضحة جدا تبان اول ما الواحد يستلمها و انا رايى يرفد فورا اى حد شغال فى المصنع و مهنته فيها كلمة جودة (مراقب جودة - مدير جودة ) كل دا!!!!!
, دا غير اللى بيحطوا السياسة التسعيرية للعربية اللى مش عارف بيجبهم من انى ***** *****.
يعنى مش معقول يزود كل العربيات 5000 جنيه حتى الفرنا, يعنى 5000 جنيه فى الالنترا 5% من تمنها , 5000 فى الفرنا حوالى 8-9 فى المية من تمنها!!!
و بعدين الالنترا غالية اوى (120 فى الاوتوماتيك الكاملة كتير اوى) بس برده لو بصينا لميتسوبيشى اللى بيبيعوا اللانسر الجديدة ب 129000 مانيوال فاضية (بداية) و توصل ل 156000 فانا رايى اللى يشترى الميتسوبيشى الجديدة ***** فعلا *****.
للعلم الالنترا فى امريكا بنفس تمن اللانسر بالظبط , الفرق بس ان احنا هنا بنقدس اللانسر بالذات و بنقدس اليابانى بوجه عام منغير حتى منعرف انى فيهم جودته احسن
يعنى ممكن تكون الالنترا جودتها احسن من اللانسر فعلا و علشان كده توكيل و مستوردى ميتسوبيشى يختموا اللى بيشتريها على افاه علشان هو *** و دفع المبلغ المباغ فيه بشكل غبى دا.
و ادى مقارنة
http://autos.yahoo.com/newcars/compa...4&carid2=22841
الكل يلاحظ الاسعار من فضلكم!!!!!!!!!!!!!!
منين جبت ان الالنترا سلعة كورية غير معمرة , انا الصراحة معرفش و مقدرش اقول هى معمرة و لا لأ بس لو قلنا علشان هى كورى تبقى مش معمرة يبقى دا علشان احنا مصريين مش اكتر.
أما ان العربية تموت منك لو هينتها الكلام دا مش للالنترا و لكن لكل السيارات .
هقولك حاجة بره بينتقدوا عربيات زى المرسيدس و البى ام و كدا , يعنى انا قريت reviews عن المرسيدس الs-550 موديل 2008 بيقولك مش عارف فى مشكلة ايه فى الفرامل و واحد يقولك مشكلة فى نقل الفتيس من الدركسيون , لو حد قال على التيوتا الكورولا هنا فى مصر فى مشكلة فى مسمار فيها ممكن يعدموه بالرصاص مع ان بره مصر التيوتا الكورولاو اللانسر و الالنترا و الكلام دا بيركبوا افقر الناس(مثلا واحد شغال فى مطعم و حاجات كده) و تعتبر عربيات رخيصة ذات جودة قليلة بس علشان سعرها غالى فى مصر بنعتبرها عربيات رهيييبة و لو حصل فيها اى مشكلة و لو بسيطة نقول دى عربية معفنة.
للعلم اىىى عربية مهما كانت حتى لو بره مصر و تمنها مليون عادى ممكن يظهر فيها عيوب او يبوظ فيها حاجة و تتغير فى الضمان و كده!
فانا الصراحة مبحبش اسمع كلام متحيز و خلاص.
أنا رايى غبور توكيل *** بس احسن من غيره 100000 مرة
يعنى فى الاسعار احسن من ميتسوبيشى مثلا
أنا رايى ان احنا نستاهل يضحك علينا و نتختم على افانف و ندفع مبالغ ضخمة فى عربيات متستحقش و نتعامل معاملة وحشة و التوكيلات تغلى قطع الغيار و ميهتموش بالعميل علشان احنا اللى بنقبل على نفسنا كدا , احنا اللى بنشترى العربيات باسعار مبالغ فيها و بنكبر دماغنا.
طب عايز اسال سؤال لو الناس كلها قاطعت اللانسر الجديدة تتخيل ان تمنها هيوصل كام؟؟
من الاخر انا مش عايز اسمع حد بيشتكى من سوء توكيل علشان بره لو توكيل وحش الناس مش بتروح تشتكى لجهاز حماية المستهلك(فتحة مش كاسرة على اللام), لا الناس بتادب التوكيل و اى توكيل يزود الاسعار او يعاملهم زى ماحنا بنتعامل فى مصر بيكون مصيره صفر فى ارقام المبيعات علشان كده التوكيلات بره محترمة و الاسعار رخيصة.
أنما لما توصل الدرجة توكيل ميتسوبيشى بالذات يبيع اللانسر ال1500 الفاضية المانيوال ب 129 و الناس تشترى والله العظيم تبقى ناس تستاهل كل اللى بيحصلها
شكرا
أما بالنسبة للماتيرا و الالنترا الاتنين حلوين , انا رايى لو عاجبك شكل الماتير(فى ناس بيعجبهم شكلها اوى و فى ناس مبتعجبهمش خالص!!!) توكل على الله و اشتريها فورا لان فرق السعر بينها و بين الالنترا كبير و كمان الاوبشنز و كمان سمعت توكيل دايهاتسوا كويس .
أنا شخصيا عاجبنى شكلها (اللى مبتعجبنيش خااالللص الماتريكس) و بتعجبنى ال بي تي كروزر , رايى عن اماتريكس لا شكل و لا ملامح و الصراحة مستغرب جدااا الناس بتشتريها ليه
كلام جميل ياسمعه فى مبالغات من بعض الناس فعلا بس خد بالك من حاجه العربيات ماينفعش ترخص عن كده انت شايف الشوارع عامله ازاى وانت بتقول ان الاسعار غاليه مابالك لو الاسعار بقت طبيعيه فعلا زى بره فالموضوع ده اكبر من انك تحمله على وكيل سيارات
لأ معلش مش معنى ان الشوارع مليانة التوكيلات تبالغ فى المكاسب , مهى الناس بتتصرف و تشترى عربيات صينى ب 50 الف و ارخص كمان و بعدين لو مثلا انا معايا 100 الف بدل ماشترى عربية محترمة كاملة فى الكماليات , اشترى عربية مش محترمة فاضية؟اقتباس:
ماينفعش ترخص عن كده انت شايف الشوارع عامله ازاى وانت بتقول ان الاسعار غاليه مابالك لو الاسعار بقت طبيعيه فعلا زى بره فالموضوع ده اكبر من انك تحمله على وكيل سيارات
التوكيلات تحط هوامش ربح معقولة مش اكتر من كدا, مينفعش توكيل يكسب 30-40 الف فى عربية ب 100 الف بعد الجمارك!!!
قد تكون محقا ولكن اللى انا متاكد منه ومش هاقدر اوضح اكتر ان دى سياسات عليا
وطبعا كلنا موافقين عليها
دى يا باشا احلى غلطة ... الناس كلها منتظرة تقييمك .. والف مبروك العربية .. عربية مميزة فعلا مش اى حد يفهمها....اقتباس:
اسف على الغلطة الغير مقصودة
انا استلمت العربية انبارح بالليل , طبعا انا ماكنش معايا فرصة اجربها كويس لانها من غير نمر لكن بصفة مبدئية لغاية ما اكمل التجربة العربية تمتاز بالاتي:
1- العفشة ناعمة جدا بالظبط زي التويوتا كرولا انا ركبت الاثنين و مافيش فرق يذكر
2- سحب الموتور كويس جدا بالرغم من اني لم اضغط عليها علشان التليين
3- واسعة جدا من جوة و تحس زي اللي داخل فيلا سقفها عالي بعد ما كان ساكن في شقة صغيرة
4- وضع و تصميم الكاسيت ظريف و لكن صوته مش بالقوة اللي كنت نتوقعها من 6 سماعات
5- ال ABS شغال و جميل وانا جربته تجربة خفيفة و كان واضح الفرق
اما العيوب اللي دايقتني بالرغم من انها بسيطة:
1- العربية من غير ريموت
2- المفتاح عامل زي مفاتيح العربيات القديمة بالرغم من انه مشفر
3-عصاية الفتيس الاوتوماتيك حاسس انها محطوطة غلط من عربية تانية (مافيهاش نفس الفخامة اللي في باقي العربية)
4- البواب اول ما شاف العربية ضحك (بالرغم اني كنت متوقع ده)
باقي التقييم حاحاول اقوله لما اجربها اكتر ان شاء الله بس بصفة عامة انا حاسس انها عربية جميلة جدا وتستاهل
ربنا يباركلك فيها ويديك خيرها ويكفيك شرها
الف مبروووووك...
يااااااه
أخيراً واحد جااب العربية ديه
ألف مبروك و ربنا يحفظهالك
و مستنيين التقييم..
برضه مستنيين التقييم في ساحة دايهاتسو
والف مبروك
وحلوه ان البواب ضحك دي