هل ترفع " هيونداي " العين فوق الحاجب ؟!!!

**Hegazio** · 22-03-2011 10:31 AM

و قبل سوء الفهم و حتي لا يدخل الأنصار المهاجمون
صحيح ان السيارة جيدة الي حتي كبير و فيها موديلات جربتها بنفسي لم اكن اتخيل ان هيونداي بهذه الجودة مثل الأزيرا
إلا انها دائما في فئة سعرية و جودة اقل من الفئة المنافسة المستهدفة !!!
فمثلا مثلا .. الالانترا فئة و منافسة للكورولا و السيفيك و الجيتا من الناحية النظرية
و السوناتا مثلا فئة و منافسة الكامري و الأكورد و الباسات كذلك

ملحوظ في الموديلات الأخيرة في مصر أو غيرها وصول اسعار بارتفاع قوي لتصبح نفس اسعار المنافسين تقريبا مع فارق الجودة و الأداء و لكن ليس الي حد كبير ...
و السؤال هنـــا .. هل رفعت بذلك " هيونداي " العين فوق الحاجب ؟
ام انها تستهدف تقليل حجم بيع الوحدات مع الحفاظ علي رفع المبيعات الاجمالية و التركيز علي الجودة
و هل السياسة ستلقي قبولا ؟!!!!

**MohssenRashed** · 22-03-2011 12:52 PM

انا شايف ان اسعار هيونداي مش مقبولة مقارنة بالجودة ( دة غير ان اللي بيحدد السعر عندنا الاقبال على العربية مش جودتها )

**chicobon** · 22-03-2011 02:16 PM

الاسعار بقت مبالغ فيها و افتكر ده عشان التوكيل يعني ازاي اكست يتباع بي 100 الف جنيه يعني حراام ده عربية متوسطة السعر في اي مكان بي العالم ليه في مصر سعرها وصل لكده معرفش ؟ و الجودة هي هي

**د.محمود صلاح** · 22-03-2011 02:21 PM

هيونداي بالفعل تهز عرش تويوتا عالميا , وكان هناك تصريح من احد مسؤولي تويوتا بخوفهم من ذلك

**SAMEH_FOUAD** · 22-03-2011 11:42 PM

للاسف الكورى كلة مبالغ فى سعرة اوى تلاقى عربية فيها عيوب كتير اوى بدون ذكر اسماء وتمنها معدى ال100 الف جنية ومافيهاش حتى ايرباج واحدة او كمبيوتر معلومات تدارى ارتفاع السعر

فامعتقدش طول ماهية ماشية على السياسة دية العين هتعلى عن الحاجاب ابدا

**Hegazio** · 23-03-2011 09:09 AM

المشاركة الأصلية كتبت بواسطة semsem kane

للاسف الكورى كلة مبالغ فى سعرة اوى تلاقى عربية فيها عيوب كتير اوى بدون ذكر اسماء وتمنها معدى ال100 الف جنية ومافيهاش حتى ايرباج واحدة او كمبيوتر معلومات تدارى ارتفاع السعر

فامعتقدش طول ماهية ماشية على السياسة دية العين هتعلى عن الحاجاب ابدا

ماهي بالاسعار دي كده العين بتعلي عن الحاجب فعلا ( اللي هو حاجة مش كويسة لأن اللي فوق فوق و اللي تحت تحت ) و ذلك بارتفاع سعر مالا يستحق
و لكن لو ارتفعت الجودة و المواصفات و الكماليات مع السعر اذن فهي تصبح من ضمن ( الحواجب ) !!!!