المشاركة الأصلية كتبت بواسطة hany121
انا علي كورنيش المعادي النهارده في الانتجاه اللي نازل علي مصر القديمه لاقيت عربيه كيا شوما سوداء مفيم ولازق استيكر 25 يناير علي النمر ولما قربت منه لقيته نقيب شرطه.. سبقته لحاد اول اشاره عند بنزينه الزهراء وركنت عربيتي في الاشاره ونزلت للضابط اللي في الاشاره(ملازم اول) وقلتله. بيقولي مغطي نمره واحده ولا الاتنين قلتله الاتنين. امين الشرطه اللي معاه بيقولي اوصفلي العربيه قلتلوا انا واقف معاك لحد ما ييجي واوقفه.. وقد كان. اول ما ظهر وقفته وطبعا الملازم سلم عليه وقالوا معلش يا باشا ممكن تركن بس دقيقه. وبعدين بيقولوا احنا عندنا تعليمات مشدده علي موضوع النمر ده وبيكلمه بكل زوق وحتي ما طلبش يشوف رخصه وبعدين النقيب بيقولوا اصلي كنت حاطط نسر علي النمر وحطيط الاستكر علشان يداريها لما الناس كانت بتكسر عربيات الظباط. كل ده وانا مكنتش اتكلمت خالص. وهو ما كانش فاهم انا واقف ليه..
وبعدين بدأت اكلمه وقلتله اللي انت عامله ده غلط وبعدين هو الاسهل تشيل النسر ولا تغطي النمر كلها وبعدين مهو انت مفيم العربيه ولابس ميري . هو النسر اللي علي النمرهو اللي هيعرف الناس انك ظابط . قالي يا باشا والله انا قلت للعسكري يشيله امبارح.. قتلوا لما احنا نعمل كده امال سواقين الميكروباصات يعملوا ايه؟ بيقولي ده فيه سواقين مكروباصات بيشيلو النمر خالص قلتلوا مهو انت كده عملت زيهم بيقولي لأ انا النمر موجوده مش شايلها!!! قلتلوا لما تحط عليها استيكر تيقي كانك شلتها. انت لو خبطتني وجريت هاخد نمرك ازاي. قالي لا يا باشا انا لو خبطك هقف.. لاقيته عمال يجادل وانا عندي شغل قلتلوا بعصبيه طيب لو سمحت تشيل الاستكر وتبين النمر علشان كده ما ينفعش وسيبتهم ومشيت..