محتاااااااااااار وخايف من الفيكترا

**madawbs** · 22-03-2011 03:33 PM

السلام عليكم يا شباب انا لسه بايع عربيتى الجولف وعاوز اركب المانى برضه وقدامى عربيتين
الاولانيه اوبل فيكترا 1997 - 1600 سي سي مانيوال فابريكا بره وجوه وطالب 48 الف عامله 110 الف كيلو
التانيه فيكترا 1997 برضه - 2000 سي سي اوتوماتيك اوفر درايف مانع انزلاق جنوط 15 بكاوتش سرعات شاشة اعطال فابريكا جوه اول يد من الزيرو عامله 100 الف كيلو

ليا بقى كام سؤال :

1- بالنسبه لكماليات العربيه التانيه بيتهيألى انها مابتنزلش فى ال 97 بتنزل بعد ال 2000 وصاحبها بيقول انها اصليه وجايه كده مش هو الى مركبها

2- العربيه التانيه قلتله نفحصها فى منصور الى عند مقار قاللى ماشى بس هما بيقعدونا كتير قوى خلينا نفحصها فى اى بنزينه فيها كمبيوتر ( هل اى بنزينه فيها كمبيوتر ممكن تعرف تفاصيل الفيكترا انا سمعت انها مش هاتعرف لو العداد ملعوب فيه لانى شاكك بصراحه ان فيه عربيه 97 ماتكونش عامله غير 100 الف كيلو بس )

3- واحد صاحبى كان معاه فيكترا 99 وبيقوللى ان قطع غيارها غاليه بشكل غير عادى مثلا طرمبة المياه ب 2000 جنيه والمرايه ب 1000 جنيه فهل ده صحيح ولا كان بيتضحك عليه وكمان بيقوللى ان سعر الاستيراد مش فارق كتير عن سعر القطعه الاصليه

4- استهلاك البنزين ناس قالولى ان العربيه حوووووووت بنزين وناس قالولى انها عاديه

مش عارف ايه الرأى الصح ياريت تفيدونى لانى المفروض هاخد القرار يوم الاربع او الخميس (بكره او بعده)

شكرا للجميع

**فادى محمد** · 22-03-2011 04:13 PM

بص يابو كريم ...
الفيكترا ال2000 سي سي مو97 فعلا بتنزل بمانع التزحلق(زياده العزم) وده زرار جنب الفتيس
-لو العربيه دي كان ليها سجل اصلا عند مقار (راحتله عملت صيانه مثلا) قبل كده فهتعرف اذا كان العداد ملعوب فيه ولا لا بالاضافه لحاله الموتور(نسبه كبسه كام%؟ -حساساته..) انما اي بنزينه فيها كمبيوتر هتعرفك حاله الموتور فقط.
- مع الاعتذار لصديقك..الموديل ده حاجته رخيصه سواء 1600 او 2000 سي سي جديد او استيراد مثال طرمبه الميه جديده الماني160ج-المرايه الخارجيه كامله تايواني ب165ج والالماني استيراد ب250ج -فلتر البنزين او الزيت الماني ب35ج -رداخ البنزين استيراد الماني ب150ج ...
- هي ال2000 سي سي استهلاكها عالي شويه انما مش حوت الصفيحه تعمل 200كم متوسط في السفر انما ال1600 تعمل 260 وممكن 300كم كمان.
-احساسي والله اعلم ان العربيه ال2000 سي سي عدادها مش سليم ,رشت بره ليه طالما عدادها قليل والمفروض ان صاحبها محافظ عليها؟ده انا عربيتي موديل 99 وداخله في 245000كم ؟
-نصيحه لو مش فارق معاك موضوع الاوتوماتيك هات ال1600 موتور حمول جدا وسهل الصيانه وحساساته قليله جدا .وربنا يوفقك

**Ahmed_lol2007** · 22-03-2011 04:23 PM

الله ينور يا فادى ردك منطقى جدا
وفعلا الموتور ال2000 سى سى بيعمل زى مافادى باشا قال
وعلى الطرق السريعة كمان إستهلاكه بيبقى أقل
الكلام على الموتور الاسود الكامة واحدة مش الاتنين كامة اللى انت بتتكلم عليه
على فكرة الاتنين كامة أوفر فى استهلاك البنزين وأعلى ف القدرة الحصانية والعزم

**فادى محمد** · 22-03-2011 04:48 PM

المشاركة الأصلية كتبت بواسطة madawbs

ربنا يكرمك ياباشا هى ال 2000 اتباعت وراحت لصاحب نصيبها فمفيش قدامى دلوقتى غير ال 1600 بس كان نفسى اكمل فى الاوتوماتيك عارف انك ترجع تانى للمانيوال عاملالى بارومه فى دماغى وفى نفس الوقت مش عاوز اجيب عربيه من حد ماعرفوش علشان انت عارف قد ايه الدنيا دلوقتى مليانه بلاوى ونصب

يعنى رايك ما اترددش واتوكل على الله

اكشف عليها ولازم تاخدها كل كمالياتها شغاله واهمها التكييف ,ماتستلمش الا وهو شغال لان تصليحه مؤرف .لو كده توكل علي الله العربيه دي قيمتها والله اعلي من تمنها ,انا معايا نفس العربيه بس مو99 عاوز ابيعها لظروف انما كل مابصلها يصعب عليا اني افرط فيهاوعارف اني مش ممكن هعوضها تاني ,فالغرض ان العربيه دي قيمه كبيره عند صاحبها ,واحنا معاك ان شاء الله اي سؤال يخص العربيه هتلاقي اجابته عندنا .

المشاركة الأصلية كتبت بواسطة ahmed_lol2007

الله ينور يا فادى ردك منطقى جدا
وفعلا الموتور ال2000 سى سى بيعمل زى مافادى باشا قال
وعلى الطرق السريعة كمان إستهلاكه بيبقى أقل
الكلام على الموتور الاسود الكامة واحدة مش الاتنين كامة اللى انت بتتكلم عليه
على فكرة الاتنين كامة أوفر فى استهلاك البنزين وأعلى ف القدرة الحصانية والعزم

ده نورك يابوحميد ,تحياتي ياباشا..

**shehabsemary** · 22-03-2011 07:21 PM

[QUOTE=hellboy;3873369886]
العربيه دي قيمتها والله اعلي من تمنها ,انا معايا نفس العربيه بس مو99 عاوز ابيعها لظروف انما كل مابصلها يصعب عليا اني افرط فيهاوعارف اني مش ممكن هعوضها تاني ,فالغرض ان العربيه دي قيمه كبيره عند صاحبها .

كلام جامد من واحد بيقدر الأوبل....الأوبل فكترا موديل97 و98 و 99 شكل جميل و سابق عصره ماتحسش إنه قديم , و انا إن شاء الله ناوي أجيبها في أول فرصة..توكل على الله و ربنا يوفقك.....شهاب سمري

**tananybasha** · 22-03-2011 10:46 PM

والله انا كنت مجهز رد الصبح بعد ما حضرتك ضفت الموضوع
بس النت قطعت
ما علينا
فادى و احمد قالوا اللى كنت هاقوله و زياده

**tananybasha** · 23-03-2011 12:30 AM

موفق ان شاء الله
اتأكد من كل حاجة

-

-

الموضوع: محتاااااااااااار وخايف من الفيكترا

LinkBack

أدوات الموضوع

عرض

محتاااااااااااار وخايف من الفيكترا - انشر الموضوع فى :

-

-

-

-

-

المواضيع المتشابهه

محتاااااااااااار

محتاااااااااااار

يا اهل بروتون انا محتاااااااااااار

محتاااااااااااار

محتاااااااااااار أفيدوني ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة