اكيد بس كتير فيه 1000 جنيه الحقيقة يا كريم....
عرض للطباعة
اكيد بس كتير فيه 1000 جنيه الحقيقة يا كريم....
الف سلامة يا باشا الحمد لله جت سليمة
حاول تجيب واحد استيراد وياريت يكون لون العربيه وتبقى دي احسن حاجة
و على فكره في سمكري شاطر اوي اسمه اسامه وراء سنترال غرب اللي في عبدالسلام عارف
هو غالي شويه بس ايده تتلف في حرير
هو مبيشتغلش حاجة الا اذا كانت هترجع لاصلها من غير متبان
غير كده هيقلك غيره وكلامه ثقه ان شاء الله
و بلاش توكييل عيسى علشان انا مره خبطت البابين الشمال واسامه قاللي غير اللي وره و انا سبته و رحت عيسى وقاللي يتسمكر
اول ما استلمتها كان شكله حلو وبعديها بشويه بان انه مش مظبوط ومليان معجون
و ربنا يكفيك شر الطريق ويجعلها اخر الحوادث
الف سلامة عليك وقدر الله وما شاء فعل والحمد لله انها جت على قد كده
حاولت فعلا اشوف واحد استيراد النهاردة بس مش لاقى لون العربية بالظبط, وديتها لسمكرى معرفة وهيشتغل فيه وربنا ييسر ولما يترش ميبانش على الاقل لحد ما ابقى ادور براحتى والاقى واحد نفس اللون بالظبط لانى مش هشتريه بالف جنيه وارشه وكأنك يا ابو زيد ما غزيت والحمدلله هوا فى ترييحة بسيطة بس على الصدر بس الحمدلله مش جامدة ومفيش حاجة اتكسرت ما عدا قواعد الفانوس اليمين...
نصيحة للجميع : دائما اترك مسافة معقولة بينك وبين السيارة التى امامك فانت لا تعرف متى سيفرمل او ماذا سيحدث بعد دقيقة واحدة, اترك مسافة مهما كانت الزحمة والاسباب وكفاكم الله شر الطريق.
حمدلله علي سلامتك يا عبد الله قدر الله وماشاء فعل وربنا يعوضك عن مابلاك خيراُ ان شاء الله ،
انا رائيي انك تردها علي البارد وتمشي بيها لحد ما تلاقي واحد استيراد نفس اللون وخلاص لان وارد بعد ما تترد متعجبكش وتبقي خسرت اكتر
لا حول ولاقوة الا بالله
حضرتك امبارح كنت بترد علية واكيد كنت متدايق وانا معرفش الموضوع دة الا دلوقتى
قدراللة و ماشاء فعل وربنا يعوضك
وشكرا على النصيحة
قدر الله و ما شاء فعل
فداك يا عبد الله باشا معلش بأجره و ثوابه إن شاء الرحمن
معلش أى حاجة فى أولها لازم تاخد عين معلش المهم إنك بخير و الحمد لله
الحمدلله على كل حال وقضاء اخف من قضاء, انا فعلا هردها بس حموات لان مش هينفع فيها بارد ولول معجبتنيش هعمل زى الشباب الروش والزق على الكابود جلد لحد ما ابقى اشترى واحد جديد بمشيئة الله :mrgreen:
يا استاذ شريف مش من حقى انى ارد على الناس وحش عشان انا مضايق شوية او عندى مشاكل, لازم نفصل بين كل امور حرياتنا عشان الحياة تمشى وتبقى كويسة, وصدقنى انا مش زعلان اوى على العربية لان دة قضاء ربنا ولازم ينفذ لكن المهم انى اتعلمت الدرس...
الف حمد الله على السلامه واهم حاجه انك بخير