الموضوع: مكان للكشف على السيارة

ايا ريت حد يفيدنى فين اقدر اكشف على العربية من غير ماخد معايا سمكرى وميكانيكى وعفشجى ؟

بص فى بنزينة بتاعت شل الى قبل نادى السكة وانتى جاى من نادى المقاولون رايح ناحية المنصة تلاقيها على يمينك قبل نادى السكة على طول دى بنزينة كويسة جدا بصراحة بيكشفو على الماتور و التكييف بالكمبيوتر و بيئلبلك العربية حتى حتة و يقولك اذا كانت فى اى خبطات او رشة اى اجزاء و بعد كدة بيرفع العربية و يكشف على الشاسية من تحت و اخر حاجة يطلع يجرب العربية علشان يشوف العفشة و الكبالن و بيديك تقرير مفصل بحالة العربية
بس هما ناس كويسين جدا الصراحة انا غيرت عربيتى مرتين فى سنتين و والدى اشترى عربية الصيف الى فات و كذا واحد صاحبى نصحتوهم بيها و الحمد لله كل الناس الى راحت هناك و قاللهم العربية كويسة طلعت فعلا كويسة و محصلش معاهم مشاكل خالص و على فكرة الطريقة دى احسن من انك تاخد مكانيكى او سمكرى حتى لو كان معرفة لائنة بيكشف على الموتور و التكييف بالكمبيوتر يعنى بيئولك حالتة اية بالظبط مش بالبركة و احتمالات
و ربنا يوفقق فى الشراء و تجيب حاجة كويسة
و سعر الكشف عندهم بيكون ب 150 جنية
بس كل العربيات دى كانت مانيوال معرفش بصراحة الاوتوماتيك بيكشفو علية كويس ولة اية بس ان شاء الله خير و ربنا يوفق