عاوز اعمل كاركير للعربيه الياريس

**mohamed1992** · 22-03-2011 09:05 PM

السلام عليكم
انا كنت عاوز انضف العربيه بتاعتي و اظبطها شويه كده
اول حاجه انا من سكان الهرم
هي العربيه عاوز بس رش اكصدام خلفي و سمكره بسيطه و في حته كده عاوز لحام ضغيره كنت عاوز اعرف فين اعملها رش و بكام و يكون مكان نضيف و كنت عاوز انضف العربيه و اخليها كده بتلمع و اعمل كار كير ... فين بقي احسن مكان قريب من الهرم و بكام تقريبا
و كنت عاوز اشتري طاسات منين بردو و بكام تقريبا كده
و كنت عاوز اركب فاميه للأزاز بس يكون درجه مش كبيره فين بردو و بكام
معلش اصلي لسه مش عارف الاماكن و الاسعار و عشان محدش يعني يستغلني

**BLOODY_STONE** · 22-03-2011 09:27 PM

مش حقدر افيدك في القاهرة ... بس هو حضرتك لو عايز تعمل كار كير بنفسك قولي و انا اساعدك ان شاء الله (انا بعمل للعربية كار كير بنفسي كل شهر مرة)

**mohamed1992** · 22-03-2011 09:32 PM

طيب ممكن تديني فكره و الادوات ... طبعا انك تعمل بنفسك افضل ... بس انا بخاف في مثلا الكايست السماعات ... ممكن حضرتك تفيدني

**hossamyehia** · 13-05-2011 09:38 PM

الطاسات لاقيتهم فى الحرفيين بـــ 110 ج الأربعة وممكن تاخد بالواحدة عند واحد بتاع اكسسوارات فى شارع يطلق عليه شارع الألمانى

**zegzaag** · 14-05-2011 01:29 PM

هو فالهرم في شارع المطبعه كلو محلات اكسسورات , وادريان الي فاول الشارع اشهرهم وارخصهم واحسنهم ( هتلاقي عندو الطاسات والفاميه )

بالنسبه للمسكره والذي منو انا زيك بردو كل الي اتعاملت معاهم معجبونيش شغل اي كلام , لكن لما تروح المطبعه حاول تسأل الي هتجيب من عندو الحاجات يمكن يدلك على حد قريب من المطبعه

او حاول تروح وتسأل فالمكان ده , هتخش فيصل وتدخل العشرين وتخش عند المساكن شمال هتلاقي كام محلات وورش كتير جمب بعضهم كل واحد بيعمل حاجه ( واحد سمكره وواحد رش وواحد بيصلح اكصدامات ) حاول تروح وتشوف نظامهم ايه لو عجبوك يعني ولقيت الجو نظيف عندهم