الموضوع: كلمة شكر ..... لا تكفي

المشاركة الأصلية كتبت بواسطة sonasteel

السلام عليكم
الف الف الف الف الف الف مبارك عليك يا ابو نجيب
يعني ... ربنا يتملك بالف خير وتستلم بكل خير ان شاء الله
خير جميل جميل جدا ...... والله فرحت بيه ومعملتش غير اللي قدرت عليه لاخ وحبيب لسه مشفتهوش
ربنا يرزقك خيرها ويكفيك شرها وتفرح بيها في الدنيا وتكون سبب لرضا الله عز وجل في الدنيا والاخرة ان شاء الله
ويستر طريقك ويوقفلك ولاد الحلال ويبعد عنك كل شر وعين حسود
انسي بقي الكلام اللي قالهولك زيزو ده ... هههههههههههه
لأن في حديث عن النبي عليه الصلاة والسلام " من علق تميمة فلا أتم الله له ، ومن علق ودعة فلا ودع الله له"
الراوي: عقبة بن عامر الجهني المحدث: المنذري - المصدر: الترغيب والترهيب - الصفحة أو الرقم: 4/239
خلاصة حكم المحدث: إسناده جيد
انت اول ما تركب تقول دعاء الركوب
"سبحان الذي سخر لنا هذا وما كنا له مقرنين وإنا الي ربنا لمنقلبون"
"الحمد لله ..الحمد لله.. الحمد لله ..الله أكبر .. الله أكبر .. الله أكبر .. سبحانك اللهم إني ظلمت نفسي فأغفر لي فأنه لا يغفر الذنوب إلا أنت"
واهم دعاء
"اللهم إنس أسألك خيرها وخير ما صنعت له .... وأعوذ بك من شرها وشر ما صنعت له"
وربنا يحفظهالك ان شاء الله
النصايح لاخي حبيبي
1-ركز مع مندوب المعرض وهو هايقولك علي كل حاجة بس انت ركز معاه اوي علشان اللي هايقولك للضمان بتاع العربية والكاوتش والبطارية
2-ركز معاه وانت بتستلم العربية والورق اللي هايدهولك وانت رايح تقابل المندوب او لو هايروح معاك
3-حاول تروح بدري تستلم يعني 10 بالظبط علشان تخلص في يوم واحد ان شاء الله
4-اول ما تستلم وهاتتحرك للمرو روح فولها تفويلة محترمة 92 واظبط الكاوتش علي 36 امامي و33 خلفي عقبال ما تظبط نيتروجين ان شاء الله.
5-بالمرة ان شاء الله لما تاخد النمر متخليش اي حد من عند المرور يركبهالك علشان ميبوظش العربية .. اعملها عند ياس سمكري وخليه يعملهالك بالشنيور ... ميدبش في العربيو بمسمار ولا اجنة ولا بتاع.
6-ركز وانت ماشي .. وامشي علي مهلك لغاية ما تتعود علي ابعاد العربية.
وان شاء الله نشوفك في المقابلة بالحتة الزفرة ديه ههههههههههههههه
أقعد بألف عافية

حبيبي ... حبيبي ... حبيبي و الله ... و الله يا حسين اني احبك في الله ...

كلامك غاية في الدبلوماسية و الزوق و الاحترام

و نصايحك مهمة جدا جدا ... ان شاء الله احاول انفذها كلها ...

و الله محتار ارد لك الجميل ده انت و احمد ازاي ... على العموم انت لو مش متجوز مستعد اقنع بنتي تستناك لحد ما تكون نفسك و تتقدم لها ... هي سنها مش كبير قوي ... يادوب سنة و نص ... اظن مافيش بعد كده