طال انتظار ال fsv ??????

**khaled_Saga** · 25-03-2011 02:19 PM

المشاركة الأصلية كتبت بواسطة master81

gl ازاي ب 75000 طيب ال gls تبقي بكام
الاسعار الرسميه للبرليانس
gl------ 6990
gls-------7490

أخى الفاضل انت معاك حق فى كل كلامك وده بردو اللى مضايقنى خصوصا وانا مقبل خلال ايام على شراء العربية دى لكن للاسف هى دى سمة التاجر المصرى من الاستغلال والجشع الذى لا ينتهى!

السعر الرسمى زى ما انت قولت ولكن لان السيارة استيراد كامل من الصين ومفيش ايد بتتحط فيها فى مصر ولان الاستيراد واقف بسبب احداث يناير فمفيش من العربية كتير والمعرض اللى عنده كام عربية منها بيبيع ويشترى فى المشترى وبيحط سعره على مزاجه واللى عجبه عجبه مش عجبه يخبط راسه فى الحيطة وهو متأكد ان هيلاقى حد مجتاج العربية وعجباه وهيشتريها باى سعر هيعرضه!

شوفت بقى ليه ال gl بقت بسعر ال gls

فيه ناس تقولك ده عرض وطلب بس انا شايف غير كده لان ده استغلال وجشع وحرام لان سياسة العرض والطلب دى المفروض فى حال توفر العربية بشكل طبيعى والمصنع نفسه من حقه ان يغلى او يوطى سعرها فى حاله انه شايف طلب كبير عليها. ولو انى شايف ان مع الايام صناعة العربيات والاليكترونكس والحاجات دى اسعارها بتقل وده احنا عارفينه ولامسينه يبقى مش من الطبيعى العربية تنزل غالية وبعدين ترخص وترجع تغلى تانى خصوصا ان مفيش اى لمسات او اوبشنز جديدة طرأت عليها يبقى ليه تغلى اساسا؟؟؟

بعدين المثل بيقول: اكسب قليل تبيع كتير تكسب اكتر -- يبقى المفروض العربية عليها طلب يبقى وطى هامش الربح شوي تقوم تلاقى مبيعات مضاعفة تقوم تحسب مكسبك تلاقيه اكتر بكتير ولا انا غلط ياجماعة؟

**master81** · 25-03-2011 10:08 PM

كلامك جميييييييل بس ايه العمل يعني اروح اشتري m11 و خلاص و ايه ؟؟؟

**khaled_Saga** · 25-03-2011 10:38 PM

المشاركة الأصلية كتبت بواسطة master81

كلامك جميييييييل بس ايه العمل يعني اروح اشتري m11 و خلاص و ايه ؟؟؟

اصبر شوية

اسأل فى احمد موتورز فى الهرم محمد عبد العظيم zemanova اشترى منه من اسبوعين ب 73500

**master81** · 27-03-2011 08:43 AM

ومازال البحث مستمر علي موديلات gls و الاوتوماتيك
من ال fsv

**amaboubakr** · 09-04-2011 03:26 PM

المشاركة الأصلية كتبت بواسطة khaled_saga

أخى الفاضل انت معاك حق فى كل كلامك وده بردو اللى مضايقنى خصوصا وانا مقبل خلال ايام على شراء العربية دى لكن للاسف هى دى سمة التاجر المصرى من الاستغلال والجشع الذى لا ينتهى!

السعر الرسمى زى ما انت قولت ولكن لان السيارة استيراد كامل من الصين ومفيش ايد بتتحط فيها فى مصر ولان الاستيراد واقف بسبب احداث يناير فمفيش من العربية كتير والمعرض اللى عنده كام عربية منها بيبيع ويشترى فى المشترى وبيحط سعره على مزاجه واللى عجبه عجبه مش عجبه يخبط راسه فى الحيطة وهو متأكد ان هيلاقى حد مجتاج العربية وعجباه وهيشتريها باى سعر هيعرضه!

شوفت بقى ليه ال gl بقت بسعر ال gls

فيه ناس تقولك ده عرض وطلب بس انا شايف غير كده لان ده استغلال وجشع وحرام لان سياسة العرض والطلب دى المفروض فى حال توفر العربية بشكل طبيعى والمصنع نفسه من حقه ان يغلى او يوطى سعرها فى حاله انه شايف طلب كبير عليها. ولو انى شايف ان مع الايام صناعة العربيات والاليكترونكس والحاجات دى اسعارها بتقل وده احنا عارفينه ولامسينه يبقى مش من الطبيعى العربية تنزل غالية وبعدين ترخص وترجع تغلى تانى خصوصا ان مفيش اى لمسات او اوبشنز جديدة طرأت عليها يبقى ليه تغلى اساسا؟؟؟

بعدين المثل بيقول: اكسب قليل تبيع كتير تكسب اكتر -- يبقى المفروض العربية عليها طلب يبقى وطى هامش الربح شوي تقوم تلاقى مبيعات مضاعفة تقوم تحسب مكسبك تلاقيه اكتر بكتير ولا انا غلط ياجماعة؟

كلام حضرتك ممتاز
العملية عبارة عن جشع وطمع وعلى فكرة انا اتكلمت في كذا منتدى عن الموضوع ده لان وكيل الجاك عمل نفس الحكاية لدرجة انه رفع سعر العربية 14 الف في حين ان تمنها في الصين نزل ، المهم احنا عملنا عدة حملات عالفيس بوك ضد الولاكء والجشع بتاعهم وياريت نفعل الموضوع ده هنا في المنتدى ايضا وبجد لازم يكون لينا دور ضدهم خاصة بعد الثورة لاننا بنتنهب من زمان وخاصة من وكلاء السيارات

**khaled_Saga** · 09-04-2011 10:34 PM

المشاركة الأصلية كتبت بواسطة amaboubakr

كلام حضرتك ممتاز
العملية عبارة عن جشع وطمع وعلى فكرة انا اتكلمت في كذا منتدى عن الموضوع ده لان وكيل الجاك عمل نفس الحكاية لدرجة انه رفع سعر العربية 14 الف في حين ان تمنها في الصين نزل ، المهم احنا عملنا عدة حملات عالفيس بوك ضد الولاكء والجشع بتاعهم وياريت نفعل الموضوع ده هنا في المنتدى ايضا وبجد لازم يكون لينا دور ضدهم خاصة بعد الثورة لاننا بنتنهب من زمان وخاصة من وكلاء السيارات

بمناسبة الجشع اسمع الكلمتين دول بقى لسه جايبهم من احمد موتورز موزع بريليانس المعتمد

fsv gl 80,000
fsv gls 85,000

بذمتكو مش حاجة تنرفذ؟ انا لما قفلت معاه بفكر جديا دلوقتى اغير اختيارى عشان امكانياتى متسمحش!!

**zemanovaxxx** · 09-04-2011 11:32 PM

المشاركة الأصلية كتبت بواسطة khaled_saga

بمناسبة الجشع اسمع الكلمتين دول بقى لسه جايبهم من احمد موتورز موزع بريليانس المعتمد

fsv gl 80,000
fsv gls 85,000

بذمتكو مش حاجة تنرفذ؟ انا لما قفلت معاه بفكر جديا دلوقتى اغير اختيارى عشان امكانياتى متسمحش!!

خالد إنت متأكد من اللي بتقوله ؟؟
أنا مش مصدقك والله, ولولا إنك خالد اللي اعرفه كنت قولت إنك بتخرف.
زعلان من تدهور حال السوق, وف نفس الوقت مش متضايق أوي عشان اشتريت خلاص.
ربنا يوفقك ف اختيارك أيا كان

**banpan_007** · 10-04-2011 02:02 AM

السبلندور 2009 بقت ب 90 ألف في البافارية وأسألوا

**amaboubakr** · 10-04-2011 09:55 AM

المشاركة الأصلية كتبت بواسطة khaled_saga

بمناسبة الجشع اسمع الكلمتين دول بقى لسه جايبهم من احمد موتورز موزع بريليانس المعتمد

fsv gl 80,000
fsv gls 85,000

بذمتكو مش حاجة تنرفذ؟ انا لما قفلت معاه بفكر جديا دلوقتى اغير اختيارى عشان امكانياتى متسمحش!!

أديكوا شوفتوا بنفسكم طمهعم وصلهم لايه وطبعا هايقولولك يا بيه عرض وطلب والجاي من الصين قليل، اوك خليهم يشبعوا براحتهم بس بجد يبقى نستاهل كل اللي يجرالنا لو اشترينا او سكتنا لو شوفنا حد بيشتري لازم يكون لينا وقفة بجد ونفعل حملة مقاطعة هؤلاء الوكلاء الجشعين

**khaled_Saga** · 10-04-2011 10:10 PM

المشاركة الأصلية كتبت بواسطة zemanovaxxx

خالد إنت متأكد من اللي بتقوله ؟؟
أنا مش مصدقك والله, ولولا إنك خالد اللي اعرفه كنت قولت إنك بتخرف.
زعلان من تدهور حال السوق, وف نفس الوقت مش متضايق أوي عشان اشتريت خلاص.
ربنا يوفقك ف اختيارك أيا كان

والله بكلمك جد الجد ما انت عارفنى يا زيما
انا اصلا صعقت ومعلقتش على كلامه خالص وقولت شكرا وقفلت واللى يغيظك انه بيتكلم بكل بجاحة وكأن السعر مفيش فيه نقاش انا طريقته معجبتنيش اصلا

ال gls فيه منها واحدة كحلى بس وده اللى نسيت اقوله

المهم سيبك انا كلمت الناس دى فى المعادى وده موقعهم:

http://www.hayman-motors.com

ال gl عاملة 75,000 وزى مافهمت من كلامه ان ساعة الجد ممكن تتفاوض فى السعر وحسيت انهم ناس الى حد ما محترمين