احسن صنايعية اوبل في مصر

**asalah** · 23-03-2011 03:19 AM

طبعاً معروف للجميع إن الاوبل من العربيات اللي صعبة في حل مشاكلها
أو نقدر نقول إنّها عايزه صنايعي خبرة و فاهم كويّس اوي العربية، عشان يعرف يحط ايده فيها
و إلا هتلاقي نفسك عمّال تغييّر حاجات ساليمة و تكع فلوس
و العربية العيب لسّه فيها

انا لحد دلوقتي، بتعامل مع اتنين صنايعية اوبل، و مش مقتنع بيهم اوي

الاولاني، المتحدين، بتاعة منير و رضا، في طريق كفر طهرمس (معقل الاوبل في مصر:))
همّه مش بطالين
بس للاسف، مع العيوب المعقدة بيهنّجوا
و بيبدأوا يقولوا و يعملوا اي كلام
و ممكن الموضوع يتحول في النهاية لمحاولة و خطأ
و نقعد نستلف قطع غيار استيراد و نجرّب، لحد ما العيب يروح

الجميل إن بتوع الاستيراد جنبيهم، و بتوع الجديد كمان
فا موضوع المحاولة و الخطأ ده مش بيتكلّف كتير

و عندهم برضو زوايا و ترصيص في نفس المحل... فا الحياة سهلة نسبيّاً

تاني واحد بتعامل معاه
اليسر، بتاع صقر قريش
برضو مش فنّانين يعني... انا مجرّبتهمش في حاجة معقّدة
بس الصنايعية معلوماتهم محدودة للغاية

آخر حل بالجأ له
هو مقّار
بروح مقّار... يشخّص العيب
بعد كده اورح اعالجه في اي حتّه

بس مشكلة مقّار إن العربية لو فيها حاجة واحدة بس مش اصلي
مش بيرضو يبصّوا عليها
بيقول روح غير كل ده بالاصلي بعدين نتفاهم
و طبعاً اسعار الاصلي عندهم دبح

و برضو محسّتش بالعبقرية في مقّار :)
بس على الاقل... اللي بيبص على العربية بيبقى مهندس درسها
مش صنايعي بيفتي

يا ريت اللي يعرف ناس احسن من كده يقول

**caboo_1** · 23-03-2011 06:31 AM

انا بتعامل مع عبدوه اوبل اللى فى الحرفيين والله الراجل فوق الممتاز لانه شغال اصلا فى التوكيل

**ashrafnoby** · 23-03-2011 08:24 AM

ممكن نكتب العنويين بتاعت الصنيعيه الكويسيين

**waoola_78** · 23-03-2011 12:38 PM

اى صنايعى هاتلاقى فية مميزات وعيوب وده مش عيب . انا مثلا قبل ما اعمل الحاجه بسأل واحد واتين واسأل فى المنتدى وبعدين اروح للى رأية من راى الاغلبية . لكن مش ممكن تلاقى صنايعى ممتاز من كل حاجة . لان الكمال لله واحدة

**abdoghanm** · 23-03-2011 01:58 PM

اسمحولي احط ماكم اسماء ناس من المحله عندنا الاسطي مجدي في مركز المهندس اللي في شكري القوتلي بالمحله الراجل ده فوق الممتاز كان عندي الدبرياج راح خالص روحت لتلاته صنايعيه اللي يقولي بستم فوقاني و اللي يقوللي البليه و دي باكتر من 600 جنيه تقريبا و لكن الراجل ده قعد مع العربيه اكتر من ساعتين لحد ما ضبط الدبرياج و بقي زي الفل و كل اللي غرمته علبة زيت باكم و المصنعيه حوال 60 جنيه بس و معايا رقمه للي عاوزه

**ehabshalaby** · 23-03-2011 06:22 PM

الشيخ هيثم ميكانيكا عبده كهربا الاتنين في الحرفيين أما العفشه مش محتاجه صنيعي انت بتسمع الصوت بتعرف ايه بايظ تروح عند أي جلهوم يغيره

**tamertamer** · 23-03-2011 07:18 PM

للاسف مفيش

**N.a.j.d** · 23-03-2011 09:00 PM

للاسف الصنايعيه اللى ف مصر مفيش حد فيهم بيفهم ف الاوبل
حتى الوكيل نفسه مش بيفهم فيها

**MASERATI** · 23-03-2011 10:48 PM

المشاركة الأصلية كتبت بواسطة tamertamer

للاسف مفيش

المشاركة الأصلية كتبت بواسطة n.a.j.d

للاسف الصنايعيه اللى ف مصر مفيش حد فيهم بيفهم ف الاوبل
حتى الوكيل نفسه مش بيفهم فيها

السلام عليكم و رحمة الله و بركاته

يااااااااااااااااااه

يا ساتر يا رب!!!!!!

هى عربية معقدة أوى كده؟؟؟!!!!!!

**tananybasha** · 23-03-2011 11:02 PM

والله انا مش شايف العربية معقده
احتماللات العيب لعدد من الأعراض
يعنى العربية بتنتش او فيه تقطيعه
الأحتمالات
طرمبة بنزين
بوجيهات
حساس كرنك
ماف
ايدل
فلتر هوا او بنزين مسدود
طقم كهربا
موبينا
كابلات
رشاشات او رشاش حسب العربية
ارضى ضعيف
بطارية تعبانه
دينامو مهيس

كل دى عيوب بتدى نفس العرض
انا عن نفسى
بابدأ بالأسهل
فالأصعب
مفيش ميكانيكى لقيته بيفهم و اقتنعت بيه
باقتنع بدماغى
واللى ربى خير من اللى اشترى

الموضوع: احسن صنايعية اوبل في مصر

LinkBack

أدوات الموضوع

عرض

احسن صنايعية اوبل في مصر - انشر الموضوع فى :

-

-

-

-

-

-

-

المواضيع المتشابهه

عايز اعرف احسن ميكانيكى اوبل فى الاسكندريه

استكمال موضوع قطع غيار و صنايعية اوبل بسوهاج

صنايعية اوبل بناء على موضوع تامر نصر

عاوز اخلى سحب العربية احسن اوبل استرا

شفتو احسن الألماني ده الجديد من اوبل!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة