الموضوع: مرسيدس - مازدا - هوندا - لادا

السلام عليكم بالنسبة للعربيات اللى حضرتك ذكرتها انا كان عندى واحدة منهم وهى المازدا ومن وجهة نظرى مع احترامى لاى وجهات نظر اخرى عربية فاشلة انا كنت جايبها سنة 87 كانت استعمال 4 سنوات عفشتها طلعت عينى لانها ضعيفة مش قوية ولا يحسب لها الا الموتور اللى كان ممتاز وطبعا بالنسبة للمرسيدس انا ركبتها تاكسى موديل 68 وشغالة تاكسى من ساعة ما انتجت يعنى عاملة 2 مليون كيلو على الاقل والله كانت عفشتها ممتازة وكنت مندهش من متانة عفشتها بعد الاستعمال الطويل ده فا أنصحك بانك تجيب مرسيدس بدون كلام لانها أحسن من اى عربية حضرتك ذكرتها وربنا يوفقك

المشاركة الأصلية كتبت بواسطة mohamed9999

بس رينج سعر المازدا دلوقتى كام

من 8000 ل 15 الف

المشاركة الأصلية كتبت بواسطة kempel

السلام عليكم بالنسبة للعربيات اللى حضرتك ذكرتها انا كان عندى واحدة منهم وهى المازدا ومن وجهة نظرى مع احترامى لاى وجهات نظر اخرى عربية فاشلة انا كنت جايبها سنة 87 كانت استعمال 4 سنوات عفشتها طلعت عينى لانها ضعيفة مش قوية ولا يحسب لها الا الموتور اللى كان ممتاز وطبعا بالنسبة للمرسيدس انا ركبتها تاكسى موديل 68 وشغالة تاكسى من ساعة ما انتجت يعنى عاملة 2 مليون كيلو على الاقل والله كانت عفشتها ممتازة وكنت مندهش من متانة عفشتها بعد الاستعمال الطويل ده فا أنصحك بانك تجيب مرسيدس بدون كلام لانها أحسن من اى عربية حضرتك ذكرتها وربنا يوفقك

حيرتنى كمان وكمان ناس قالت زى حضرتك بالظبط وناس قالت انها قوية جدا !!!!!
زى ما برضه ناس قالت شغالة ب 80 وناس قالت لازم 90
اما المرسيدس فلا جدال عليها كل المميزات ما عدا استهلاك البنزين وموضوع قطع الغيار العفشة لقيتها موجودة بسهولة اما الموتور ده اللى مشكلة شوية و بدوله على حل

المازدا من 8000 ازاى يعنى المازدا 323 موديل 82

المشاركة الأصلية كتبت بواسطة mohamed9999

المازدا من 8000 ازاى يعنى المازدا 323 موديل 82

عادى انا كان قدامى كذا واحدة ب 8 بس فيهم شغل وكان قدامى واحدة مشدودة فى الكامل ب 15 و فيها كلام بس انا بدور نفسى الاقى واحدة نضيفة ب 12 مثلا

المشاركة الأصلية كتبت بواسطة bero0o0o0

انا رأيي المرسيدس يا باشا
موضوع ان اللادا بتتحمل اكتر منها ده ماعتقدش انه دقيق لانها مع واحد صاحبي و بيعمل بيها كل حاجة و اي حاجة و العربية زي الفل مافيهاش مشكلة
و بالنسبة لموضوع فتحت بقها ده ماهو انت وانت بتجيبها تكشف عليها كويس و لو سليمة هي فيها ميزة انها مش بتبوظ بسهولة يبقى ايه اللي هايفتح بقها لاقدرالله؟؟؟؟؟؟؟
هي بس المشكلة ان النضيف منها مش هايرضى يسيبهالك ب 10000 خالص لكن لو لقيتها يبقى ربنا يباركلك فيها

المرسيدس الشمامه ب 10 الاف بس ؟

بص يا سيدي
و عن تجربه و انا كنت محتار نفس حيرتك
متفكر في البيجو 305
بس اسمعني
انا مهندس ميكانيكيا
و جبت العربيه دي علي اساس خبره و سؤال لناس كتير
العربيه دي ميزتها كتير و ليها عيوب قليله
هقولك العيوب الاول
اسعار قطع الغيار فعلا غاليه
بس متوفره جديد و استيراد و اوريجينال كمان
يعني مثلا المساعدين الفرنساوي خلفي حوالي 400 جنيه
استيراد حوالي 200 جنيه
بس بقولك معمره جدا ما شاء الله
عيبها بردو الميكانيكيه
لازم يكون جمبك حد يفهم فيها علشان ميعكش
و بيجو في مصر منتشره يعني هتلاقي ان شاء الله بسهوله
و عيبها بردو اعاده البيع يعني مش هتبيعها في يوم
ممكن تاخد اسبوع
المميزات
عربيه ناعمه جدا ما شاء الله
محرك قوي
استهلاك البنزين حلو
واسعه جدا من جوه
عفشه كويسه
شكلها لذيذ
عربيه في المجمل قويه
و من اهم مميزات البيجو تصرف عليها تلاقي
اضف الي ذلك انها علي كبالن مش كرونه
و شغاله بنزين 80
و سعرها رخيص ممكن تلاقي حاله حلوة بسعر مقبول
دي تجرتي الشخصيه
و عليك بالاستخاره
و لازم العربيه اللي تجيبها ان شاء الله تكون فبريكه دواخل مهما حصل

الهوندا ثم المازدا و نستبعد المرسيدس علي عيني عشان اعتقد ان قطع غيارها بقت غير متوافره , الباقي ملوش لازمه .