الموضوع: ازاى العربيات الجديدة بتتسرق؟؟؟؟

المشاركة الأصلية كتبت بواسطة windsofchange

ازاي ياشادي باشا متتشدش غير من ادام بس مفي مكان من ورا برضه اللي لو بتقطر عربية بتربط منه يعني فيحلقة ادام وحلقة ورا ممكن تفهني اكتر لو سمحت

ما ينفعش يشدها من ورا عالشان لو شداها من ورا العجل القدمانى هيبقى مايل اكيد و لو بنسبة بسيطة شمال او يمين و لو شدها كده العربية هتحدف منه و هو قطرها و عمرها ما هتمشى فى خط مستقيم

الحلقة اللى ورا دى عالشان تقطر بيها انت عربية الخرى عطلانه

تحياتى

ماركة :- بروتون جين 2 – اتوماتيك – موديل 2009

اللون :- أسود

رقم السيارة :- س ل – 5284

يوجد على الكابوت الأمامى أثار معجون دوكو أبيض كما يوجد على الشنطة الخلفية استيكر أبيض مكتوب عليه (Al Tarek)
من يجد السيارة أو يتوصل اليها يرجى الإتصال ب : 0196527722 /0165517598

بسم الله الرحمن الرحيم
يا جماعه انا هاحكيلكوا اتسرقت ازاى:
انا ركنت عربيتى جنب كشك على رصيف بشارع فيصل الرئيسى ونزلت من العربيه علشان اشترى حاجه وكنت سايب المفتاح لأنى كنت جنب الكشك بالضبط والموضوع هياخد اقل من دقيقه وفجأه جيت ارجع للعربيه مالقتهاش بصيت على الطريق لقيتها بتجرى من بعيد. حد يقدر يتخيل المنظر.أنا فضلت واقف مش مصدق. هوا احنا عايشين فين
الغريب ان الموضوع ده اتكرر اكتر من مره بنفس الطريقه حول نفس المكان تقريبا وده اللى انا عرفته من الناس اصحاب المحلات. الأغرب ان مباحث قسم الهرم ومباحث مكافحة سرقة السيارات فى المديريه عارفين الكلام ده كله لكن محدش بيعمل اى حاجه.
ياريت تساعدونى وتخلى بالكم من مواصفات العربيه
العربيه لسه عليها سنتين اقساط والتأمين رفض التعويض علشان المحضر مكتوب فيه ان المفتاح كان فى العربيه لما اتسرقت

المشاركة الأصلية كتبت بواسطة abobido

ماركة :- بروتون جين 2 – اتوماتيك – موديل 2009

اللون :- أسود

رقم السيارة :- س ل – 5284

يوجد على الكابوت الأمامى أثار معجون دوكو أبيض كما يوجد على الشنطة الخلفية استيكر أبيض مكتوب عليه (al tarek)
من يجد السيارة أو يتوصل اليها يرجى الإتصال ب : 0196527722 /0165517598

بسم الله الرحمن الرحيم
يا جماعه انا هاحكيلكوا اتسرقت ازاى:
انا ركنت عربيتى جنب كشك على رصيف بشارع فيصل الرئيسى ونزلت من العربيه علشان اشترى حاجه وكنت سايب المفتاح لأنى كنت جنب الكشك بالضبط والموضوع هياخد اقل من دقيقه وفجأه جيت ارجع للعربيه مالقتهاش بصيت على الطريق لقيتها بتجرى من بعيد. حد يقدر يتخيل المنظر.أنا فضلت واقف مش مصدق. هوا احنا عايشين فين
الغريب ان الموضوع ده اتكرر اكتر من مره بنفس الطريقه حول نفس المكان تقريبا وده اللى انا عرفته من الناس اصحاب المحلات. الأغرب ان مباحث قسم الهرم ومباحث مكافحة سرقة السيارات فى المديريه عارفين الكلام ده كله لكن محدش بيعمل اى حاجه.
ياريت تساعدونى وتخلى بالكم من مواصفات العربيه
العربيه لسه عليها سنتين اقساط والتأمين رفض التعويض علشان المحضر مكتوب فيه ان المفتاح كان فى العربيه لما اتسرقت

لا اله الا الله ان شاء الله تلاقيها قريب ويكون ده درس تتعلم منه متسيبش المفتاح في العربية ابدا والموضوع ده انصح نفسي بيه لاني بسيب المفتاح في العربية كتير

يا جماعة وجهة نظري موضوع الونش ده صعب جدا لسبب بسيط لو فرضنا ان صوت الونش مش هيبقى عالي ومحدش هيشوف الحرمية وهما بيسرقوا؟ طيب مع العربيات الكتير اللي اتسرقت دي محدش شاف ونش وهو ماشي وشايل عربية؟
اضن صعبة لان العربية بتتسرق وتتشال في مكان بعيد يعني لو هيشلها على ونش هيمشي جوة المدينة (القاهرة او الاسكندرية مثلا) يجي 20 كيلو معقولة محدش بيسال دي عربية مين وموديها فين؟
لو الموضوع ونش يبقى اي حد يشوف عربية على ونش يوقف اللي سايق ويسأله وميسبوش الا لما يطلع اثبات ملكية السيارة

المشاركة الأصلية كتبت بواسطة hellboy

انا عارف وجربت في عربيه صاحبي البي ام ,خدناها ودورناها وخدنا لفه .بس ماينفعش اقول ,الشيطان شاطر.

ازاى بجد ؟؟؟؟؟
لو مش عاوز تقول على العام قولى فى رساله على الخاص
انا الفضول حيقتلنى بجد
و ماتخفشى انا مش حرامى ( بس بعد ما اعرف الطريقه ممكن اعمل career shifting )

بصوا يا جماعة السر كالاتي :

ولا بقى ونش ولا أي حاجة من دي خالص الحرامي بيدخل جوه العربية ومش فارقة فيها امبولايزر ولا مفيهاش
كل اللي بيعملوا بيفتح قفل الدركسيون وبينزل الهاند وبيجي واحد تاني بعربية أين كانت ملاكي أي حاجة بيزق من ورا وياخدوا العربية في ثواني بعيد عن المنطقة وبعد كده في أي حتة هدية يقدر بقى يقطرها أو يشيلها يعمل اللي عايزه بس المهم إنه خلع من المكان اللي كانت فيه العربية لذلك أهم حاجة يا جماعة عصاية الدركسيون برده مهما كان بتلخم شوية و ممكن الحرامي اللي يشوفها يكبر دماغه أصلا من العربية اللي فيها عصاية دركسيون هو لسة حيقرف نفسه وربنا يستر علينا جميعا

أنا قلتلكم السر أهو اوعوا بقى تقولوا عليا حرامي :)

كل اللي بيعملوا بيفتح قفل الدركسيون وبينزل الهاند وبيجي واحد تاني بعربية أين كانت ملاكي أي حاجة بيزق من ورا وياخدوا العربية في ثواني بعيد

بيفتح قفل الدركسيون ازاااى؟
على حسب علمى لازم تدور العربيه علشان قفل الدريكسيون يتفتح وده يعيدنا لنقطة البدايه ان العربيه لو فيها امبوليزر مش هيقدر يدورها

طب لو قدر يفتح قفل الدركسيون ، لو العربيه اتوماتيك والفتيس على p بيقدر يحرك الفتيس ازاى؟ علشان العربيه تمشي