الموضوع: علشان واثق في البريليانس ... إشتريت الـ Fsv

شباب مش عارف والله أشكركوا ازاي علي المجاملات الرقيقة دي بجد, وفعلا الواحد هنا في المنتدي حاسس بجد كأن أهله بالظبط هم اللي بيهنوه. وعلي الرغم من إني مشفتش ولا واحد فيكوا ولا قابلت حد منكم شخصيا لكني حاسس إني أعرفكم كلكم.

إسمحولي بس أرد علي مشاركاتكم جملة واحدة, لإني فعلا محتاج أرد علي كل واحد فيكوا:

المشاركة الأصلية كتبت بواسطة ymthmy

معلش استفسار صغير
حضرتك بتقول انت اشتريت أول فئة من البريليانس
إزاي أول فئة وفيها الجنوط 15 وفيها ebd , abs والمرايات فيها اشارات وفيها كمان وسائد هوائية للسائق والراكب الأمامي أمال الكاملة يبقي فيها ايه
علي فكرة أنا بحب العربية دي جدا وناوي عليها ان شاء الله بس لو أول فئة فيها كده أمال الهاف والفول يبقي فيهم ايه؟؟؟؟؟؟

باشا الرد اللي رده عليك الأخ العضو midh91 صحيح 100 % والفئة التانية اللي هي 1.5 gls تزيد فعلا عن أول فئة : الجنوط وفوانيس الشبورة والمرايات الكهربا والباركنج سنسور والمفتاح الريموت ووحدات الرفع ف الإزاز.
هابعتلك نسخة من البروشور قريب

المشاركة الأصلية كتبت بواسطة midh91

الف مبروك العربية .......انت خلتني احب العربية اكتر وحسستني انك بتتكلم عن عربية غير اللي عندنا ..........

العربية تستاهل الكلام الجميل اللي انت كاتبه ........... اسوأ ما فيها هو سحب الموتور بيبدأ قليل لغاية 3000 لفة بعدها بتسحب جامد بس بتجيب سرعات عالية
العربية شكلها الخارجي خرافة وفراملها اكثر من رائعة وفيها باور كهربا حكاية EPS
تقفيلها كويس بالنسبة للسعر (بس انا شايف تقفيل اللوجان افضل شوية في هذه الفئة السعرية ) واللوجان اوسع من ال fsv
العفشة ناشفة جداااا بس العربية ثابتة

لتاني مرة الف مبروك العربية

الله يبارك فيك يا باشا, وعقبالك م تغير للأحسن إن شاء الله.
مش عارف ليه حاسس إن شنطة ال fsv أكبر من شنطة اللوجان, وعلي العموم هي شنطة الfsv بالظبط 470 لتر, لو حد يعرف شنطة اللوجان كام يقولنا. وزي م انت قولت السحب عادي لحد 3000 أر بي إم, ومستني أعدي أول ألف عشان اختبر موتور العربية بشكل أفضل.

المشاركة الأصلية كتبت بواسطة kimooo82

ألف مبروك يا باشا نتمنى التواصل والامداد بتقارير الصيانة وحالة السحب والتكييف شغال عامله ايه وكذلك صوت الموتور وارتفاع السيارة عن الأرض خصوصا مع الشوارعنا المحترمة وأخيرا مؤشر الحرارة
وربنا يباركلك فيها ان شاء الله
كيمووووووو
0100845940

كيمووووووو, الله يبارك فيك. وأكيد إن شاء الله هاكمل الموضوع شويه شويه وهاحاول أكون حيادي جدا بخصوص عيوب أو مميزات العربية.

المشاركة الأصلية كتبت بواسطة tornado83

تقرير رائع جدا يا محمد والف مبروك

ربنا يباركلك فيها ان شاء الله ويعطيك خيرها ويكفيك شرها وننتظر منك المزيد عن الصيانة والملاحظات التى تظهر بعد الاستخدام

تورنيدو, الله يبارك فيك وعقبالك م تعملنا موضوع قريب عن الباسات إن شاء الله. ربنا يوعدك بيها وتبقي من الأعيان بإذن الله.

المشاركة الأصلية كتبت بواسطة moustafa_saad

الف مبروك
عربيه شيك جدا

شكرا ليك كتير مصطفي باشا, إنت اللي شيك والله