والنبى ما عارف ارد على مين ولا مين المداخلات كلها فعلا تهلك من الضحك والحمد لله الناس هنا كلها محترمة ودمها خفيف وربنا يديم المعروف يا شباب
رقم العضوية : 80675
تاريخ التسجيل : 19Sep2010
المشاركات : 283
النوع : ذكر
الاقامة : فيصل الجيزة
السيارة: Fsv 1.5 Manual
السيارة[2]: Suzuki Alto 800
دراجة بخارية: لا
الحالة :
خالد يا صاحبي, مش احنا كنا سوا ؟ وبالأمارة كان في راجل ماشي في الشارع ع الرصيف.
محمد بيه, الشرف لينا يا فندم, والقلوب عند بعضها.
3 أو 4 مرات بس, يا باشا أنا يومي بأقضيه هنا ع المنتدي يا إما في العربية يا إما في الحمام, وباروح البيت ع النوووووم
[img2]http://im14.gulfup.com/T9XO1.jpg[/img2]
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
والنبى ما عارف ارد على مين ولا مين المداخلات كلها فعلا تهلك من الضحك والحمد لله الناس هنا كلها محترمة ودمها خفيف وربنا يديم المعروف يا شباب
رقم العضوية : 80675
تاريخ التسجيل : 19Sep2010
المشاركات : 283
النوع : ذكر
الاقامة : فيصل الجيزة
السيارة: Fsv 1.5 Manual
السيارة[2]: Suzuki Alto 800
دراجة بخارية: لا
الحالة :
بصوا بقي عشان الموضوع يبقي متكامل هاقولكوا علي مصاريف الترخيص واللي انا دفعته في المرور يوم 21 مارس اللي فات:
أولا مكنتش متوقع الترخيص يبقي سهل كده, وبصراحة الناس كانت متعاونة هناك بقدر المستطاع, عديت الصبح بدري أول حاجة علي مرور بين السرايات عشان أختم ورق الإفراج الجمركي والمبايعة (ختم النسر). المعرض قاللي معلش هتتعب شويه بس الموضوع مش هياخد أكتر من 10 دقايق, وفعلا كنت هناك الساعة 9 خلصت الساعة 9 و عشرة, ودفعت 5 جنيه للواد اللي بيختم محبة.
بعد كده, طلعت علي مرور حدايق القبة, اللي هو تابع لمحل السكن اللي في البطاقة (مش عارف كان ينفع أروح المرور اللي جنب البيت عشان أنا ساكن ف فيصل أساسا ولا لأ, بس فضلت أروح هناك عشان أنا عارف إنه مبيبقاش زحمة والناس اللي هناك بتنجز علي قد م تقدر), المهم كنت هناك علي 9 ونص وخدت دوري في الإجراءات اللي كلكوا عارفينها. فحص وتأمين وضريبة وبعدين تستني دورك وتستلم اللوحات والرخصة, كلوا كلوا خلص ع الساعة 12 ونص.
المصاريف كالتالي بالترتيب:
1 - 8 جنيه ملف عربية جديد وتصوير مستندات (صورتين للبطاقة)
2 - 25 جنيه نموذج فحص من الخزنة
3 - 120 تأمين العربية الإجباري من أي شباك من الشبابيك اللي بره
4 - 121 طفاية حريق
5 - 45 شنطة إسعافات (والعربية كان فيها المثلث)
6 - 369 جنيه ضريبة العربية ومصاريف اللوحات (لمدة سنة واحدة عشان مكنش معايا فلوس أرخص 3 سنين وعشان سبب تاني هأقولهولكوا حالا)
7 - 61 جنيه ضريبة رفاهية عشان العربية بتاعتي القديمة لسه بإسمي ف المرور (وده السبب التاني اللي خلاني أرخص سنة واحدة عشان مدفعش ضريبة الرفاهية مضاعفة)
8 - 20 جنيه إكراميات (لعامل الفحص وموظف الشباك والراجل اللي بيعلق النمر). وطبعا الإكراميات دي كانت مني أنا ومحدش أجبرني عليها ولا حاجة, بس انا كنت فرحان بأه بالعربية الجديدة وماشي عمال بافرق فلوس. أهبل بأه.
الإجمالي تقريبا 770 جنيه, بالسلامة ان شاء الله وكله فدا حبيبتي وفدايا, وعقبال 100 سنة واحنا مع بعض.
[img2]http://im14.gulfup.com/T9XO1.jpg[/img2]
رقم العضوية : 14124
تاريخ التسجيل : 04Jul2008
المشاركات : 465
النوع : ذكر
الاقامة : Triumph
السيارة: Škoda Felicia
السيارة[2]: 128x4>Lanosx4>FSV auto
دراجة بخارية: N/A
الحالة :
رقم العضوية : 80675
تاريخ التسجيل : 19Sep2010
المشاركات : 283
النوع : ذكر
الاقامة : فيصل الجيزة
السيارة: Fsv 1.5 Manual
السيارة[2]: Suzuki Alto 800
دراجة بخارية: لا
الحالة :
شباب النايل موتورز
رجالة البريليانس
إزيكوا عاملين إيه, فعلا وحشتوني. وخصوصا بعد م بقالي فترة بعيد عن المنتدي. تعليقاتكم ومشاركاتكم ليا في الموضوع بتحمسني وتشجعني أكمل كلام وتخليني عايز أشرككم في كل التجارب والمواقف اللي بتحصل لي. من ناحية عشان الفايدة تعم ومن ناحية تانية عشان أستفيد من نصايحكم.
إسمحولي أكمل تقريري عن ال fsv اللي نويت إني أزود فيه كل شوية حبة حاجات مبنية علي المواقف اللي بتقابلني خلال فترة إستخدامي للعربية. ولتكن كل 1000 كم مثلا, أو في حالة حدوث أمر طارئ مثلا أو عيب مفاجئ ولازم إني أوضحه للأعضاء. وطبعا الحيادية وعدم التحيز هيكونوا إن شاء الله هم المنهج المتبع في الشرح.
أنا بفضل الله كملت ألف كيلو بالعربية من يوم م اشتريتها من حوالي 3 أسابيع, يعني متوسط الكيلومترات اليومي 50 كيلو / اليوم. مش كتير بس بالنسبة لي الألف كيلو الأولي طبعا هي بمثابة إختبار أولي لبعض الحاجات في العربية, فأنا كنت مستني الألف كيلو دول يعدوا عشان أقدر أحكم.
المهم وكالعادة هافصلكوا الأداء في صورة نقط كالأتي:
· الموتور: حتي الأن الأداء فوق المتوسط, بمعني إن الموتور كسحب وكأداة تسعفك في المواقف الطارئة اللي حاولت أحط نفسي فيها عن عمد عشان أعرف الموتور ده كويس ولا لأ, لأ كويس جدا. طبعا الأداء مش ممتاز بس أنا كمان مش بحاول أهلك المحرك, ولحد دلوقتي معدتش ال 90 أو ال 95 علي طرق زي المحور أو الدايري. بس لاحظت إن السحب بيتحسن يوم بعد يوم, بس برضه مش لدرجة الإبهار, وفي مرة حاولت أطلع من عربية لانوس كنا واقفين مع بعض ف إشارة واحدة لكني معرفتش, يمكن عشان الوزن أو عشان أنا مقرصتش أوي (يعني الأر بي إم مبيعديش ال 3000 بأي حال من الأحوال) لكن في المقابل أنا حاسس إن الموتور صوته وأداؤه يأهل العربية إنها تبقي أحسن بعد كيلومترات أعلي.
· العفشة ونظام التعليق والفرامل: هنا بقي ممكن اكلمكوا عن الإبهار والعبقرية اللي اتصممت بيها عفشة البريليانس واللي خلت العربية دي فعلا سواقتها متعة حتي ف أعتي منحدرات ومطبات القاهرة العزيزة. فعلا شكرا لشركة LOTUS المصممة لنظام التعليق والعفشة. أنا ساكن ف فيصل يا جماعة واللي ميعرفش فيصل أحب أقوله إن كل 10 متر في غطا بلاعة مفتوح أو أسفلت مكسر ع الناحيتين, أما بقي ف الشوارع الجانبية فحدث ولا حرج. يكفي إن انا قبل البيت ب 2 كيلو مبعرفش ازود عن الأول ولما بنقل للتاني بتبقي مغامرة غير مأمونة العواقب, بس كل الحاجات دي أصبحت غير مهمة من بعد م جربت قد إيه العفشة متماسكة والعربية علوها عن الأرض مناسب جدا علي فكرة لتفادي أي مطبات سخيفة. هي بس متماسكة لدرجة هتحسسك بالمطبات شويه, يعني هتحس إن العربية كلها بتتهز مرة واحدة أو قطعة واحدة وانت بتاخد المطب لكن مش بدرجة تحسسك بالإنزعاج. وع الطرق السريعة بقي كل الكلام ده بيختفي ويبقي الإحساس بالثبات ومقضيها غرز براحتي.
· الهيكل الخارجي والصاج بتاع العربية فعلا يستاهل بوسه. متخبطتش والحمد لله حتي الأن, لكن حاسس إن حتي لو إتخبطت مش هتأثر. وربنا يكفينا شر أول خربوش عشان بيحرق الدم حقيقي.
· التابلوه والصالون من جوه ليا عليهم ملاحظات. في صوت خفيييييييييييييييف جدا لما باكون ماشي علي أرض غير ممهدة أو معرجة أوي, باحسه طالع من عند مكان إلتقاء الزجاج الأمامي بالفبر بتاع التابلوه. طبعا الصوت علي هيئة زقزقة لا تكاد تسمع, بس انا واخد بالي منه وبارجح إنه يكون من الكاوتشة اللي تحت الإزاز مباشرة واللي بتتحرك فتسبب الكلام الفاضي ده. فيما عدا ذلك كل شيء في مكانه ومفيش حاجة باظت ولا قشرت ولا شققت حتي الأن.
· التكييف لسه مشغلتوش خالص, ومعنديش أي فكرة عن أداؤه وهل بيأثر ع السحب ولا لأ.
· ملاحظات عامة ع العربية: مؤشر الحرارة تحسه علي طول ع العالي لدرجة تروشك. العربية مش سخنة ولاحاجة والمروحة بتشتغل فعلا كل شوية. بس انا أول مرة اشوف المؤشر كده ف عربية. يعني العادي إن المؤشر يبقي ف نص العداد, لكن ده تلاقيه دايما ف التلت الأخير بتاع العداد, وبدون تأثير علي حرارة العربية. كأن الترموستات بتاع المروحة مظبوط إنه يشتغل علي 95 مثلا مش 90, مش قلقان بس مستغرب.
حاجة تانية, الشنطة بتقفل بس لما أرزعها جامد. وكأن القفل بتاعها محتاج يتظبط عند واحد بتاع أبواب ومفاتيح. بس انا مش هاخلي حد يلعب ف حاجة لحد ماقولهم علي الموضوع ده ف الصيانة الدورية عند الألفين بإذن الله.
حاجة أخيرة بقي إستهلاك العربية للبنزين أنا شايف إنه كويس جدا:
اللتر بيعمل حوالي 12 كيلو في وسط البلد + طرق سريعة بنسبة 40%
يعني الصفيحة ال 20 لتر تعمل 250 كيلو وأكتر شوية
الفول تانك 50 لتر تقريبا يعمل 600 كيلو (يعني تروح اسكندرية وترجع وتقضي شوية مشاوير ويتبقي شوية ف التانك).
تحياتي وانتظروني عند الألفين كيلو, هأقولكوا علي شوية حاجات تانية ويمكن تقرير عن الصيانة. والأكيد بأه إن شاء الله صور العربية هارفعهالكم قريب بس لما العربية تتغسل عشان يومين المطر اللي فاتوا خلوا العربية كاكا. بس تعرفوا شكلها كده أحلي.
[img2]http://im14.gulfup.com/T9XO1.jpg[/img2]
رقم العضوية : 89864
تاريخ التسجيل : 28Feb2011
المشاركات : 44
النوع : ذكر
الاقامة : cairo
السيارة: نيسان صنى2011
السيارة[2]: شاهين
دراجة بخارية: no
الحالة :
الف الف الف الف الف الف الف الف مبروووووووووووووووووووووو ووووووووووووووووووووووووو وووووك
وربنا يبارك فيها ويكفيك شرها
بس ممكن نعرف مصاريف استخراج الرخصة ضرورى
رقم العضوية : 86932
تاريخ التسجيل : 26Jan2011
المشاركات : 1
النوع : ذكر
الاقامة : cairo
السيارة: fiat
السيارة[2]: mazda
دراجة بخارية: no
الحالة :
انا جبت البريليانس fsv من اقل من شهر وعملت بيها لغاية دلوقتي 2000 كيلو بس عملتهم على الطريق السريع بتاع القاهرة - العريش رحت وجيت مرتين المرة الواحدة ذهاب وعودة حوالي 700 كيلومتر طبعا مشيت على سرعة اقصاها 80 والار بي ام ميزيدش عن 2500 زي ما المانيوال بتاعها بيقول وبعد ما كملت 1500 كيلو زودت السرعة لغاية 160 كيلومتر على طريق العريش الدولي بمنحنياته العربية ماشاء الله ثابتة جداا وفراملها ممتازة وطبعا جربت التكييف عشان اشوف تأثيره على السحب فلقيته انه مش بيأثر تاثير ملحوظ بالعكس محستش ان سحب العربية قل وفعلا كل ما بتمشي مسافات اكتر كل ما سحب العربية يتحسن .... المفترض اني هروح اعمل صيانة 2000 بعد يومين لاني مسافر اسماعيلية وفي التوكيل ادوني ميعاد متاخر على يوم التلات .... الحاجة الوحيدة الي فيها مشكلة عندي ان الولاعة مش شغالة وده طبعا هشوفه في التوكيل وقت ما هعمل الصيانة
رقم العضوية : 14124
تاريخ التسجيل : 04Jul2008
المشاركات : 465
النوع : ذكر
الاقامة : Triumph
السيارة: Škoda Felicia
السيارة[2]: 128x4>Lanosx4>FSV auto
دراجة بخارية: N/A
الحالة :
محمد المؤشر المفروض يبقى فى النص او فوقه بشرطة لو اكتر قولهم فى التوكيل
بيبو التراخيص فى الصفحة اللى فاتت
محمود الولاعة ده فيوز وحلها سهل
[img2]http://img593.imageshack.us/img593/8153/fsfsw.jpg[/img2]
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
رينا يباركلك يا زيما فى العربية ويبارك لكل ملاكها وعقبالى بقى انا خلاص مش قااادر
عاوزك بس تقولى يا زيما او لو اى حد يعرف ارقام معرض احمد موتورز بتاع الهرم الىل هو وكيل بريليانس عشان عاوز اتصل أسأل على الاسعار والالوان الموجودة لانى مش لاقيها خالص فى اى حتة وانا مش من القاهرة فيادوب بقدر اجيب نمرة اى معرض بس واتصل
رقم العضوية : 35199
تاريخ التسجيل : 11Mar2009
المشاركات : 111
النوع : ذكر
الاقامة : العريش
السيارة: lanos
السيارة[2]: 127
دراجة بخارية: فيسبا
الحالة :
المفضلات