ازاى اعرف العربية دى مواصفات خليجى ولا مصرى

**msalah191281** · 23-03-2011 05:54 PM

معلش يا جماعة انا دورت فى المنتدى هنا و معرفتش اوصل للرد فى انى ازاى اعرف العربية دى مواصفات خليجى ولا مصرى و لو خليجى ازاى اعرف هى كويتى ولا سعودى ولا اردنى انا بتكلم على الانسر الكلاسيك 1600 لو فى حد يقدر يحددلى النقاط الرئيسية يبقى كتر خيرة لحسن انا مش عارف افرق بنهم ازاى و لو فى لينك مثلا للفرق بنهم يبقى زى الفل
وشكر مقدما

**eldell** · 23-03-2011 06:09 PM

فى الباب الامامى عند القايم كده فيه زى استيكر مكتوب عليه هى موصفات ايه وكان فى موضوع هنا عن كده والخليجى عموما بيبقى فيه ابنوس فى الطبلوه ده الى انا اعرفه

**مصراوي جدا** · 23-03-2011 07:59 PM

السيارات المتواجدة في مصر هي المصري والأردني والخليجي (كويتي - سعودي - قطري - عماني - اماراتي - بحريني)

(غير كده بتبقى امريكي او اوروبي ودول مواصفات مختلفة)

الأردن ليست من دول الخليج وبالتالي فسياراتها مثل المصري تتبع التصدير العام لميتسوبيشي أو GEXP

المصري يتم فيها طلب جهاز محفز العادم او Catalytic converter اللي بيكون في الشكمان لتقليل الغازات المنبعثة وده حسب القانون المصري اما الأردن لا تطلبه
المصري التكييف فيها تكييف مخصص لدول المناطق الحارة (مثل الخليجي) ولا ادري هل الأردني نفس التكييف ولا العادي

اما دول الخليج الستة المذكورة فجميع السيارات التي تدخل اليها (سواء ميتسوبيشي أو اي ماركة) لها اشتراطات خاصة تفرضها شروط مجلس التعاون لدول الخليج العربي GCC وهي :

- ضرورة كتابة رقم الشاسيه على قطعة بلاستك تثبت على طرف التابلوه على يسار السائق وتظهر من الخارج
- ضرورة وجود طفاية حريق
- ضرورة وجود صندوق طوارئ (شاش وقطن)
- ضرورة ان يتم اصدار صفارة تحذيرية عند تخطي السرعة القانونية في جميع دول الخليج وهي 120 كلم/ساعة

التكييف فيها تكييف مخصص لدول المناطق الحارة

**drzezo0o** · 24-03-2011 03:41 AM

بطلت البومه ياراجل ههههه من ساعه الريس مامشي

**msalah191281** · 24-03-2011 12:43 PM

شكرا ليكم جميعا
انا فعلا لائيت المواصفات على استكير فى القايم الشمال طلعت خليج سعودى
فى طلاب كمان لو ما فيهاش رزالة لو حد عندة لينك بين المواصفات الخليجى و المصرى ال 16000 يا ريت يظعو علشان الواخد يعرف الفارق

**tiger45** · 24-03-2011 01:03 PM

المشاركة الأصلية كتبت بواسطة مصراوي جدا

السيارات المتواجدة في مصر هي المصري والأردني والخليجي (كويتي - سعودي - قطري - عماني - اماراتي - بحريني)

(غير كده بتبقى امريكي او اوروبي ودول مواصفات مختلفة)

الأردن ليست من دول الخليج وبالتالي فسياراتها مثل المصري تتبع التصدير العام لميتسوبيشي أو gexp

المصري يتم فيها طلب جهاز محفز العادم او catalytic converter اللي بيكون في الشكمان لتقليل الغازات المنبعثة وده حسب القانون المصري اما الأردن لا تطلبه
المصري التكييف فيها تكييف مخصص لدول المناطق الحارة (مثل الخليجي) ولا ادري هل الأردني نفس التكييف ولا العادي

اما دول الخليج الستة المذكورة فجميع السيارات التي تدخل اليها (سواء ميتسوبيشي أو اي ماركة) لها اشتراطات خاصة تفرضها شروط مجلس التعاون لدول الخليج العربي gcc وهي :

- ضرورة كتابة رقم الشاسيه على قطعة بلاستك تثبت على طرف التابلوه على يسار السائق وتظهر من الخارج
- ضرورة وجود طفاية حريق
- ضرورة وجود صندوق طوارئ (شاش وقطن)
- ضرورة ان يتم اصدار صفارة تحذيرية عند تخطي السرعة القانونية في جميع دول الخليج وهي 120 كلم/ساعة

التكييف فيها تكييف مخصص لدول المناطق الحارة

+1111111111111111111

تم ايقافك اسبوع لتعمدك اغراق الموضوعات بالرغم من التنبيهات المتكررة

مشرف القسم

**el931** · 26-03-2011 05:09 PM

المشاركة الأصلية كتبت بواسطة msalah191281

شكرا ليكم جميعا
انا فعلا لائيت المواصفات على استكير فى القايم الشمال طلعت خليج سعودى
فى طلاب كمان لو ما فيهاش رزالة لو حد عندة لينك بين المواصفات الخليجى و المصرى ال 16000 يا ريت يظعو علشان الواخد يعرف الفارق

كل العربيات الخليجى مكتوب على القايم
" طبقا ً للمواصفات الخليجية السعودية "
ودة مش شرط انها سعودية
- ممكن تبقى ( كويتى - امارتى - سعودى - اردنى )
- وكل السابق ذكرة بيكون الاريال بالسقف