عفشة الـ a620

**ALshahba** · 07-04-2011 03:36 AM

هل تعلم :
*ان اول ما يتغير فى عفشة 620 هو المسعدين الخلفيين يليهم الامامي
*ان فك المساعد الخلفي اصعب من فك الموتور من مكانه !!
*ان عفشة 620 هي تعتبر انعم عفشة فى كل منتجات اسبيرانزا وبالاخص بدأ من موديل 2010....تقريبا التغير اصبح ابعد فى هذا الموديل

**AMRSPEED** · 07-04-2011 07:32 PM

انا رحت عملت صيانه ال 30 الف
واللى بايظ عندى مساعدين خلفى
طنابير امامى
دراع النور بيعلق
زرار فتحه السقف
وعملولى مطالبه بتغيير الحجات دى
والموافقه لحد دلوقت اللى اتةافق عليه المساعدين الخلفى ولما الموافقه جت المساعدين مش موجوده
يارب الموافقه تيجى على الباقى وقطع الغيار تتوفر

**ALshahba** · 08-04-2011 06:43 PM

ان شاء الله تتوفر قريب
لو جربت وجيت هنا القاهره عند ابو رواش حيكون التغيير فى نفس اليوم

**AMRSPEED** · 08-04-2011 07:36 PM

اه فعلا بس مشوار كبير عليا وبهدله

**faragalla** · 21-04-2011 05:14 PM

المشاركة الأصلية كتبت بواسطة ayman66

السلام عليكم -اخى العزيز.
بلنسبه للغاز كلفك كام.
واداء العربيه عامل ايه بعد تركيب الغاز .
وربنا معاك وانت بتمون غاز ,ده لأنى بشوف طوابير سيارات الأجره ,بقول ربنا معاهم اعتقد ان موضوع التموين ممكن يأخذ وقت يعنى ممكن تضيع نصف يوم للتموين ,على اية حال ربنا يبارك لحضرتك فى عربيتك.
وشكراً لك على ما تقدمه حضرتك من معلومات عن ال620 لأنها مش وخده حقها !!!

بص يا باشا اولا سعر التحويل 6500 جنيه بتدفه بالتقصيط زى ما انتا عايز ممكن لغاية 4 سنين
و بأى مقدم
انا شخصيا دافع النصف و مقسط على سنه بدون فوايد
بالنسبه لتموين الغاز سيارات الملاكى لها الاولويه فى ذلك يعنى يبقا قدامك 5000 عربيه اجره و تدخل تمون الاول و كله يبصلك بصة قرف

اما اداء الغاز هوا طبعا اقل من البنزين فى السحب و التسارع بس فرق السعر رهيب
انا بعمل كيلوات كتير فى اليوم يعنى 160 كم و بفول العربيه كل يوم غاز
التفويله ب 7 جنيه بالبقشيش
اما البنزين بدخل فى 27 جنيه فى اليوم فطبعا الفرق يخلينى استحمل
اما لو استعمالك هادى فى العربيه يعنى بتعمل 20 كيلو فى اليوم فطبعا البنزين احسن لك
و اى معلومات عاوز تعرفها انا تحت امرك

**faragalla** · 21-04-2011 05:19 PM

المشاركة الأصلية كتبت بواسطة ALshahba

التغيير علي الضمان ام خارج الضمان؟؟؟ وهل يوجد تغيير علي الوكيل لو مازلت فى الضمان؟؟
وفين غيرتهم ؟
شكرا ليك وربنا يباركلك فيهم ويكونو معمرين ان شاء الله

على فكره كل ما هتروح الوكيل علشان تغير حاجه فى الضمان هيقولك مش موجوده استنى شويه بس لو قلتله على حسابك هيقلك اتفضل حالا يتغيرو

دا هوا نظام الوكيل فريح دماغك لو مستعجل و غيرهم بره اما لو لسه شغالين استنى عليهم يمكن يغيروهم
انا غيرت بره عند الميكانيكى بتاعى لانى عربيتى ضمانها خلص انا موديل 2008

**ayman66** · 22-04-2011 05:09 PM

[QUOTE=ALshahba;3873406759]هل تعلم :
*ان اول ما يتغير فى عفشة 620 هو المسعدين الخلفيين يليهم الامامي
*ان فك المساعد الخلفي اصعب من فك الموتور من مكانه !!
QUOTE]
اولاً:ليه المساعدين بتتلف بسرعة كده!!
ثانياً:ارجوا ان تشرح طبيعة الصعوبة عند فك المساعدين الخلفى--ايه الى بيحصل بلضبط؟؟؟؟
ولحضرتك جزيل الشكر

**AMRSPEED** · 22-04-2011 05:20 PM

فعلا صعبين جدا
عشان تفك المساعدين لازم تشيل الكنبه والضهر

**ALshahba** · 22-04-2011 05:55 PM

[QUOTE=ayman66;3873442892]

المشاركة الأصلية كتبت بواسطة ALshahba

هل تعلم :
*ان اول ما يتغير فى عفشة 620 هو المسعدين الخلفيين يليهم الامامي
*ان فك المساعد الخلفي اصعب من فك الموتور من مكانه !!
QUOTE]
اولاً:ليه المساعدين بتتلف بسرعة كده!!
ثانياً:ارجوا ان تشرح طبيعة الصعوبة عند فك المساعدين الخلفى--ايه الى بيحصل بلضبط؟؟؟؟
ولحضرتك جزيل الشكر

1- لانهم ناعمين جدا ومخصصين لاحساس الراحه والنعومه والرفاهيه بصفة عامه, وهذا مالا يتناسب مع شوارعنا العظيمه
2-فك المساعد الخلفي صعب فكه جدا لانه محكوم بثلاث وصلات ماكفرسون ومغمورين فى الداخل...وهذا يؤدي الي فك الفرش فى الشنطه وفك الكنبه بالاضافه لان الفك من اسفل السياره من مكان ضيق جدا...وياخذ الفك والتركيب مالا يقل عن حوالي من 2 الي 3 ساعات