ده التاني
[youtube][youtube]http://www.youtube.com/watch?v=WsFMiWaTGzI[/youtube][/youtube]
ده التاني
[youtube][youtube]http://www.youtube.com/watch?v=WsFMiWaTGzI[/youtube][/youtube]
فين عمرو السقا، منتظرين الفينيش و الفيديو :coming-soon[1]:
مهو انا كنت مظبط نفسى على انى اعمل زيك يا دكتور
بس لما لقيت الحوار قلب على شاشه ديجتال وكلام كبير قولت خلينا فى الديجتال وسيب الانالوج دلوقتى هههههههههه
بس مينفعش اعمل السينسور على مزاجى عشان موضوع البرمجه
يعنى انا مرتبط بملف البرمجه اللى عمله عمر وحشتغل عليه
والملف ده متظبط على سينسور الماوس وسينسور الماوس بتقولو انه مش حيستحمل ويعيش
انا نفسى اغير السينسور بتاع الماوس ده بموتور صغير 6 او 12 فولت من بتاع الكاسيت ابو 5 جنيه ده او بموتور سدى روم قديم لان الحاجات دى اقرب فكره للحساس بتاع العربيات الحديثه ابو 100 جنيه وفى نفس الوقت اكتر حاجه حتعيش
وانت مجربها او بقالها اكتر من كام شهر ماشاء الله ربنا يبارك فيها
بس كده الفكره حتتغير وحنحتاج نبرمج من اول وجديد :untitled 1:
ما تشيلش هم البرمجة
هات اي سنسور في الدنيا بس اهم حاجة يطلع نبضات مش جهد
وقوللى بيطلع كام نبضة في اللفة و الواير بيلف كاام لفة مع لفة العجلة الواحدة ومقاس الكاوتش كام
وانا هعمللك فايل مخصوص لدايرتك في ساعتها ( الموضوع ما بياخدش وقت اصلا )
انا هغير الارقام اللى في الفايل السورس واعمل build تانى وبس
يعنى من الاخر موضوع تغيير البرمجة ده سهل خاااااااااااااالص
كأنك عندك فايل بتعدل فيه وتعمل save as وتعمل فايل جديد بإعدادات جديدة
----
بالنسبة للدايرة بتاعت المبرمجة هتبقى حوار
وانا عن نفسى استسهلت انى اشتريها جاهزة
بس لو عايز دايرة المبرمجة قوللى اجيبهالك هى اسمها jdm pic progrmmer و لو عملت سيرش ع النت هتلاقيها
على قدي في موضوع ضبط الكاربراتير و الكهرباء. مش انت عندك كاربراتير zenith برضه؟
والله أنا ممكن أزود شاشة LCD و نبقى نعرض عليها كذا حاجة برضه بس أنا حالياً راضي قوي عن النتيجة الحالية. ممكن ناقصني عداد المسافة لكن مش أساسي دلوقتي. طبعا لو عملت كده مش هاقرب للحساس و العدادات اللي عملتها و هاحتاج أركب سنسور على كوبلن و هنخلي الشاشة تقرأ سرعة/مسافة/حرارة/آر بي ام
ايوةاقتباس:
على قدي في موضوع ضبط الكاربراتير و الكهرباء. مش انت عندك كاربراتير zenith برضه؟
الموضوع باختصار عشان ما نخرجش عن الموضوع ان العربية بتاكل بنزين جامد جدا
رحت صلحت الكربراتير وغيرتله بكات بلا فائدة
قعدت على كدة شهور وعادى منفض كل اسبوع امشى في البلد 60 كيلو و افول صفيحة ب 20 جنيه (يعنى كأنى راكب 4 عربيات مع بعض :(:( ) !!!!
مع ان الكربراتير شكله كأنه مظبوط والهوا مظبوط والعادم مظبوط وبيجيب مية كمان الصبح وزي الفل !
لحد ما طقت في دماغى اغير الكربراتير بواحد صينى جديد عشان الاستيراد برضه مش مضمون والاصلى جديد بـ2500 !!
جبت الصينى السولكس الصغير باب واحد يوم الخميس ب275 جنيه
وركبته والعربية اتخنقت خنقة مهببة ، قلت لنفسى مش مشكلة ممكن اتأقلم عليها كدة لأن اغلب مشاويرى حاليا جوة البلد بس المهم توفر في البنزين
المهم الكربراتير ده ملخبط خالص والسلانسيه ملخبط والهوا ملخبط والعادم ريحته بنزين ونسبة الهوا مش مظبوطة ومش راضية تتظبط
وبعد ده كله مشيت 30 كيلو بعد التفويلة وفولت تانى الاقى انى فولت 10 لتر !!
يعنى كأنك يا ابو زيد ما غزيت لا واللى زاد وغطى غرامة فلوس و كتمة وخنقة
طبعا اتجننت !! ازااااااى الاستهلاك ده كله !! ده كربراتير صغير وكاتم العربية
رحت للميكانيكى تانى قاللى يبقى كدة صباباات ولازم نحل وش السلندر ونغير الطقم !!
اقتنعت بكلامه شوية وخصوصا ان عندى بشم ريحة بنزين في زيت العربية وانا بقيس الزيت ( على اساس بقى ان البنزين بيهرب من الصبابات لمنطقة التاكيهات ويدخل على الزيت والمكنة تاكل بنزين )
مع ان العادم كويس والسحب مش بطال والموتور شكله مش تعبان يعنى
طبعا انا قلت لحد كدة واستوب ووالدى يبقى يشوف هو الحوار ده لو عايز يعمل صبابات او نص عمرة او عمرة كاملة ، نبقى نقرر
قلت بقى اركب الكربراتير القديم تانى مش هيبقى استهلاك وخنقة يعنى !!
نزلت من شوية اركبه قعدت 3 ساعات في الجراج ! مش راضى يظبط راخر لما كنت هطق وفي الاخر اكتشفت ان كان فيه نقط مية في الكربراتير لما اتركن معرفش جت منين
المهم العربية دلوقتى ظبطت وبتشد كويس تانى وبتسحب كويس وجربتها من شوية جبت 100 على طريق زراعى بس بترجرج وبتقطع في السلانسيه والمشى البطيء ، تقريبا لسه في نقط مية
انا قلت هقول باختصار والموضوع سرح هههههههههه
صدعتكوا انا عارف :d
على فكره يا عمر كان فيه تحزير هنا فى المنتدى من الكربراتير الصينى
فيه واحد عربيته لبست فى اللى ادامه بسببه مع انه مكانش دايس بنزين وطلع العيب فى الكربراتير ده
فنصيحه بلاش الصينى ده خااااالص وحاول ترجعه لو تاخد نص تمنه وهات استيراد افضل
هحااااول ارجعه
انا فصلت منه خرطوم البنزين وسديته بإيدى قبل ما افكه ودورت العربية وخليته فضى كل البنزين اللى فيه لحد ما العربية بطلت خالص والبنزين فضى منه ( ممكن تكون الحركة دى اللى برجلت العربية بعدها )
وهطلعه بكره في الشمس لحد ما تروح اثار البنزين خالص واشوف هيرجع ولا لا ، بس انا مخنوق لدرجة انى مخنوق اروح شبين تانى ارجعه اصلا لأن الراجل اعتقد مش هيرضى وهيبقى مشوار على الفاضى